Ezipt Lɔ Tulɛ'n 27:21 - NYANMIƐN NDƐ'N 1998

²¹ Man Aarɔn nin i mma'm be jin like nga be taka kannin'm bé su'n tannin sua'n nun lɔ. Be `jin i rido ng'ɔ kpɛ min alaka'n i nyin'n i nyrun lɛ. Man kannin'm be jue min nyrun lɛ nnɔsua lele nglɛmun. Man i sɔ mmla liɛ'n yo Izraɛlfuɛ nga be o lɛ ndɛkɛn kɛ e ´se yɛ'n nin be nga be wa jaso su'n be kwlakwla be liɛ. Ɔ fata kɛ be osu'n nunfuɛ'm be fa su tititi.»

Ezipt Lɔ Tulɛ'n 27:21 ပူးပေါင်းရင်းမြစ်များ

Kalɛ 19:21

Man Izraɛlfuɛ'm be di mmla nga su tititi. Sran ng'ɔ fa fiɛn kplolɛ nzue fa kplo sran ng'ɔ o fiɛn nun'n i fiɛn'n, man i bɔbɔ kusu ɔ kpu i wun ninnge mun. Sran ng'ɔ kan nzue nga be fa tu fiɛn'n, ɔ ´yo fiɛn lele fa ju nnɔsua.

Kalɛ 18:23

Levifuɛ'm be ngunmin yɛ be `di junman tannin sua'n nun-ɔn, yɛ sa tɛ kwlaa nga be yo i lɔ'n, be ngunmin yɛ be ´fɛ i su afɛ nin-ɔn. Amun `nian mmla nga su kpa tititi. Asiɛ nga n wa fa man Izraɛlfuɛ kun nga mun'n, n su man-man Levifuɛ'm be wie.

2 Be Nyoliɛ 13:11

Nglɛmun nin nnɔsua'n, e yi tɛ nga be yra be nnɛn'n kɔlikɔli'n mun man Anannganman, e yra ansans mɛn i. Kpaun nga be fa be mɛn i'n, e fa be sie i tabli'n su e mɛn i. Yɛ nnɔsua kwlaa e sɔ kannin bɔ be o kannin siewlɛ bɔ be ti sika ɔkwlɛ jrɛiin. E liɛ'n, e nian Anannganman e Nyanmiɛn'n i junman'n nun e di kpa, sanngɛ amun liɛ'n, amu'an kaci amun sin a si Nyanmiɛn bɔ i li yɛ ɔ ti kpa'n.

1 Samiɛl 3:3

Samiɛl la Anannganman sua'n nun kan Nyanmiɛn i alaka'n wo lɛ'n. Kɛ ɔ ´yo sɔ'n, wuun kannin ng'ɔ o Nyanmiɛn i sua nun'n tɛ jue.

Saun Yolɛ 16:34

I sɔ mmla liɛ'n, amun `nanti su titi. Amun `fa su nan afuɛ nuan kun nun'n, sa tɛ nga amun Izraɛlfuɛ mun amun yoli'n, n ´kan bo nun nan n ´yaci n cɛ amun.» Aarɔn niannin ndɛ nga Anannganman kan kleli Moiz'n i kwlakwla su yoli!

Saun Yolɛ 3:17

I sɔ'n ti'n, ɔ fin ndɛ, kan kwlaa bɔ amun wo'n, mmla nga n wa ´klekle amun yɛ'n, amun nin amun osu nunfuɛ mun amun `fa su: nán amun di nnɛn lui nin nnɛn mmoja. Nán amun di be le nan kɛ ɔ ´yo-ɔ ɔ'a yo-ɔ.»

Ezipt Lɔ Tulɛ'n 30:8

Ɔ `yrɛ i nnɔsua kwlakwla blɛ b'ɔ wa sɔ kannin'm bé nuan'n. Nán be yaci ansans sɔ i yralɛ le, ɔ ti min manmanlɛ like.

2 Piɛr 1:19

Ɔ man e wunnin Nyanmiɛn nuan ijɔfuɛ'm be ndɛ nga be kannin'n i wlɛ kpa. Sɛ an fa amún nyin sie su kpa'n, ɔ ti kpa, afin ɔ ti kɛ kannin b'ɔ kpaja lika tuun wie nun sa lele fa ju aliɛ njɛnniɛn kɔmin su, yɛ awuɛ nzraama'n ɔ ´fite, ɔ ´yi sa'm bé nyin weiin kle amun.

Jean 5:35

Zan ti kɛ kannin b'ɔ jue b'ɔ kpaja'n sa, yɛ i kannin sɔ'n i bo tranlɛ yoli amun fɛ kan.

1 Samiɛl 30:25

Kɛ ɔ fɛ i le kun sɔ nun'n, David fa kacili mmla Izraɛl lɔ. Kɛ e ´se ndɛ yɛ'n be tɛ di su.

Ezipt Lɔ Tulɛ'n 28:43

Man Aarɔn nin i mma'm be wla cɛkoto sɔ mun blɛ bɔ be ´wlu tannin sua'n nun lɔ'n, annzɛ blɛ bɔ be ´mantan min sɔwlɛ'n be ´di min nyrun jranlɛ junman'n min lika kpa'n nun'n. Kɛ ɔ yo sɔ'n, i liɛ'n, fɔ su tran-man bé wun, yɛ be su wu-man. Ɔ ti mmla kun b'ɔ ti Aarɔn nin i osu'n nunfuɛ'm be liɛ b'ɔ ´ka lɛ tititi.»

Sa nglô yile 2:1

«Nian ndɛ nga n klo kɛ a klɛ ko man Efɛz asɔnun'n i anz'n yɛ: ‹M bɔ nzraama nso'n wo ń sa fama nun'n, bɔ n nanti-nanti sika ɔkwlɛ kannin nso bɔ be jinjin lɛ'm be afiɛn'n, n se kɛ yoo:

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

JÉSUS-CHRIST I DYASIN FE'N BO LUC KLELI'N 12:35

«An `tanndan amún wun, an `sɔ amun kannin'n.

Matthieu 4:16

Be nun sran nga be tran aosin nun'n, be wunnin kɛ lika'n kpaja dan kpa, yɛ be nga be tran wie'n i mɛn tuun'n nun'n, lika'n kpajali be su.»

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Jue Mun 134:1

Zerizalɛm kɔlɛ'n i su jue. Amun bɔ an su Anannganman'n, bɔ kɔnguɛ amun jran i sua'n nun'n, an `lɛ i ase .

Kalɛ 8:9

Flɛ Levifuɛ mun man be mantan min tannin sua'n i nyrun lɛ, nan yia Izraɛlfuɛ'm be kwlakwlakwla.

Saun Yolɛ 24:9

Kpaun paplapa sɔ'm be ti Aarɔn nin i mma'm be liɛ. Lika nga n wo lɛ'n, lɛ yɛ be `di kpaun paplapa sɔ mun-ɔn. Kɛ be fali be be mannin min'n ti, be ti min liɛ. M bɔbɔ min yɛ n fɛ i sɔ like liɛ'n m mannin be-ɔ. Ɔ ti be liɛ tititi.»

Saun Yolɛ 24:3

Man Aarɔn taka kannin siewlɛ'n tannin sua'n nga n yi mín wun nglo nun lɔ'n i nun, man ɔ tɛkɛ i tannin dan ng'ɔ kpɛ min alaka'n i nyrun'n i wun lɛ. Man kannin'm be jue nnɔsua lele aliɛ'n `cɛn be min nyrun lɛ. I sɔ mmla liɛ'n, amun nin amun osu nunfuɛ mun amun `di bé su tititi.

Saun Yolɛ 3:8

Ɔ `fɛ i sa'n fuɛ i nnɛn'n i ti'n su, nan be `kpɛ i kɔmin tannin sua'n nyrun lɛ, nan Aarɔn i wa yasua'm be `fɛ i mmoja'n guagua min sɔwlɛ'n i nvɛn wun nvɛn wun'm be su tɛɛn `sin yia nun.

Ezipt Lɔ Tulɛ'n 40:3

Man be fa min alaka'n be sie i nun lɔ, nan be kɛtɛ i nyin nin rido'n.

Ezipt Lɔ Tulɛ'n 30:36

Man be yo wie sanmlɛn nan be fa sanndi min alaka'n nyrun tannin sua'n nun lɛ kan e nin wɔ e ´yia lɛ'n. Man ayre sɔ'n yo amun nyrun like kun b'ɔ ti saun kpa.

Ezipt Lɔ Tulɛ'n 29:44

M bɔbɔ n ´sie tannin sua sɔ'n nin min sɔwlɛ'n be ngunmin. Kɛ n ´sie Aarɔn nin i mma'm be sɔ-ɔ. Be ´su min yɛ be ´yo min nyrun jranfuɛ mun.

Ezipt Lɔ Tulɛ'n 29:42

Kɛ ɔ fin ndɛ b'ɔ ´fa kɔ'n, nán be yaci tɛ sɔ'n b'ɔ ti min liɛ klonglo'n i yilɛ. Man be yi i tannin sua'n i anuan'n nun min nyrun lɛ. Lɛ yɛ min nin amun e ´yia yɛ n ´kan ndɛ n ´kle wɔ-ɔ.

Ezipt Lɔ Tulɛ'n 29:28

I sɔ'n ti, blɛ kwlaa nun'n, kɛ Izraɛlfuɛ'm be ´yi bo kun yolɛ i su tɛ'n, man be yi nnɛn i lika sɔ mun be fa man Aarɔn nin i osu'n nunfuɛ mun tititi, afin be ti be liɛ.

Ezipt Lɔ Tulɛ'n 25:16

Fa yɛbuɛ paplaapla nga Nyanmiɛn i mmla blu'n wo su bɔ n wa fa man wɔ'n sie i alaka'n nun.

Ezipt Lɔ Tulɛ'n 16:34

Aarɔn yoli i kɛ Anannganman kan kleli Moiz'n sa. Ɔ jinnin sɛma'n nin i nun mani'n Anannganman i alaka'n nyrun lɛ, nan ɔ ´ka lɛ titi .

Bo Bolɛ 1:8

Nyanmiɛn flɛli like sɔ'n kɛ nglo. Kɛ ɔ yoli sɔ'n, aliɛ'n sannin kpɛkuun lika'n cɛnnin. Cɛn nnyɔn su'n yɛ ɔ o lɛ-ɔ .

Bo Bolɛ 1:5

Nyanmiɛn flɛli lika ng'ɔ kpaja'n kɛ wia nun. Ɔ flɛli aosin'n kusu kɛ kɔnguɛ. Kɛ ɔ yoli sɔ'n, aliɛ'n sannin kpɛkuun lika'n cɛnnin. Cɛn klikli'n yɛ ɔ o lɛ-ɔ.

Saun Yolɛ 24:2

«Se Izraɛlfuɛ mun man be blɛ wɔ olivie ngo b'ɔ ti klanman kpa'n nan nnɔsua kwlaa `fa sɔ kannin mun.

Kalɛ 18:5

Kɛ ɔ ´yo nan m'an fa-man amún wun ya kun'n ti, amun bɔbɔ amun `di junman sua nga n yi min wun nglo nun'n nin min sɔwlɛ su.

Ezipt Lɔ Tulɛ'n 12:14

Amun `fa cɛn sɔ'n amun `fa kpɛn amún wun wla. Kɛ ɔ ko ju'n, amun kwlaa amun `yia, amun `manman min Anannganman sa nga n yoli'n ti. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi. Ɔ ti mmla kun bɔ be kwla kaci-mɛn i.»

Ezipt Lɔ Tulɛ'n 30:21

Ɔ fata kɛ be wunnzin bé sa nin bé ja mun nan b'a wu-man. Mmla sɔ'n ´ka lɛ tititi, ɔ ti be nin bé osu'n nunfuɛ'm be liɛ.»

Saun Yolɛ 6:15

Aarɔn i osu nunfuɛ kun nga be ko fɛ i be ko jrɛn i ajalɛ nun'n, ɔ ´yi sraka kunngba'n. I sɔ like liɛ'n ti min kunngba min liɛ tititi, be `yrɛ i kɔlikɔli.

Saun Yolɛ 7:36

Anannganman yɛ ɔ kleli kɛ cɛn nga bɔ be sie be kɛ be ti i nyrun jranfuɛ'n, Izraɛlfuɛ'm be `fɛ i sɔ nnɛn liɛ mun be man be-ɔ. I sɔ mmla liɛ'n be `nian su yo i sɔ tititi.

Saun Yolɛ 10:9

«Wɔ, a nin ɔ mma mun, nán amun nɔn nzan ng'ɔ bo'n i wie fi nan amu'an wlu tannin sua nga n yi min wun nglo nun lɔ'n nun. Sɛ amun yo i sɔ'n, wuun amun su kunndɛ amun wie. Mmla nga m'an kan m'an kle amun yɛ'n, ɔ fata kɛ amun osu'n nunfuɛ'm be kwlaa be nanti su tititi.

Saun Yolɛ 17:7

I sɔ mmla liɛ'n, ɔ man tɛ nga be yi man amuɛn nga be yo be kɛ boli kpakpuɛ sa'n, b'ɔ man Izraɛlfuɛ'm be su min kun nin bue'n, be su yi-mɛn i kun. Mmla ng'ɔ ti bɔ Izraɛlfuɛ mun ɔ nin be osu nunfuɛ'm be `fa su tititi'n, yɛ ɔ o lɛ-ɔ.

Saun Yolɛ 23:14

Amun fie'n su ninnge mun'n, nán amun dun mmua di wie nan cɛn nga be ´fa ble sɔlɛ'n be ´blɛ min'n ɔ'a ju. Ninnge sɔ mun yɛlɛ nga be fa tɔn kpaun'n nin nga be kɛɛn'n, ɔ nin ble uflɛ-uflɛ'n. I sɔ mmla liɛ'n, kan kwlaa bɔ amun wo'n, amun `di bé su.»

Saun Yolɛ 23:21

Junman nga amun di i titi'n, i cɛn sɔ'n nun nán man amun di. Amun `yia min dunman nun nan amun `su min. Mmla ng'ɔ o lɛ'n, kan kwlaa nga bɔ amun wo'n, amun `di bé su titi, nán amun `yi be ase.

Kalɛ 35:29

Lika kwlaa nga amun tran lɛ'n, amun `di mmla nga su tititi.