Ezipt Lɔ Tulɛ'n 27:2 - NYANMIƐN NDƐ'N 1998

² Man be yo i cɔnjɔ nnan'm bé su like kɛ nnɛn wɛ sa, man like sɔ'm be nin min sɔwlɛ'n be sa su kunngba. Man be klo aaba be guɛ i kwlaa'n su.

Ezipt Lɔ Tulɛ'n 27:2 ပူးပေါင်းရင်းမြစ်များ

1 Famiɛn Mun 1:50

Adɔniza bɔbɔ'n, Salomɔn i wun srɛ ti ɔ ko taloli Nyanmiɛn sɔwlɛ'n, ɔ fɛ i sa to blali like nga be ti kɛ nnɛn wɛ sa mun.

1 Famiɛn Mun 2:28

Zoab ɔ'a jran-man Absalɔm sin, sanngɛ ɔ kunman ɔli Adɔniza su, ɔ man kɛ ɔ tili nga b'ɔ juli Adɔniza nin Abiatar bé su'n, ɔ wanndi ɔli Anannganman i tannin sua'n wun lɔ, ɔ ko taloli Nyanmiɛn sɔwlɛ'n, ɔ fɛ i sa to blali like nga be ti kɛ nnɛn wɛ sa mun.

1 Famiɛn Mun 8:64

Le kun sɔ nun'n, famiɛn'n fali awlo klun ng'ɔ wo Anannganman i sua'n i nyrun lɛ'n fa wlali Anannganman sa nun. Lɛ yɛ ɔ yili sraka fanunfanun mun-ɔn: tɛ nga be yra be nnɛn kɔlikɔli'n, sraka nga be fa ble annzɛ like ng'ɔ ti kɛ ble sa be yi'n, yɛ bo kun yolɛ i su tɛ bɔ be fa nnɛn lui be yi'n. Sa ti bɔ lɛ yɛ be yili sraka sɔ mun'n, yɛlɛ kɛ Nyanmiɛn sɔwlɛ nga be fa aaba be yoli'n, b'ɔ o Anannganman i sua'n i nyrun lɛ'n, ɔ ti kaan ngboko, ɔ ju-man.

2 Famiɛn Mun 16:14

Nyanmiɛn sɔwlɛ bɔ be fali aaba yɛ be yoli'n, wo Anannganman bɔbɔ nyrun lɛ. Ɔ o i sua'n i nyrun lɛ, i sɔwlɛ uflɛ'n nin i sua'n be afiɛn'n nun. Akaz ko sieli i Nyanmiɛn sɔwlɛ'n i sin lɔ nglo lɔ lika'n nun.

2 Be Nyoliɛ 4:1

Be fali aaba be yoli Nyanmiɛn sɔwlɛ kun. I bue kun ti mɛtri blu, i bue kun ti mɛtri blu. I nglo-nglo su'n ti mɛtri nnun.

Jue Mun 118:27

Anannganman yɛ ɔ ti Nyanmiɛn nin-ɔn, i yɛ ɔ kpaja é wun weiin-ɔn. An `man waka'm be nnya'm be su be bo sin yia Nyanmiɛn sɔwlɛ'n.

Ezipt Lɔ Tulɛ'n 27:3

Man be fa aaba yo min sɔwlɛ'n i wun ninnge nga be o yɛ mun: like nga be fa tu nzuɛn'n, peli mun, kpongbo dandan mun, atiɛ je mun, ɔ nin like nga be gua ansans nun'n.

Ezipt Lɔ Tulɛ'n 29:12

Sɔ i mmoja'n gua like nun, fa ɔ́ sama kun bo nun nan fa klikli min sɔwlɛ'n i cɔnjɔ-cɔnjɔ'm bɔ be ti kɛ nnɛn wɛ sa'n be su. I sin fa mmoja ng'ɔ ka lɛ'n guɛ i min sɔwlɛ'n i bo lɛ.

Ezipt Lɔ Tulɛ'n 38:30

Be fali aaba sɔ'n yoli tannin sua i anuan'n nun waka'm bé takawlɛ mun, ɔ nin Nyanmiɛn i sɔwlɛ'n i wun griazi'n nin i wun ninnge mun,

Ezekiɛl 43:15

Nyanmiɛn sɔwlɛ'n i nglo lika'n ti sin trɔwlɛ. I fleiin su'n ɔ ti mɛtri nnyɔn, yɛ i su like wie'm be ti kɛ nnɛn wɛ sa.

Saun Yolɛ 16:18

kpɛkuun man ɔ jaso tannin sua'n nun lɔ bla sua sɔ'n i nyrun lɛ. Yɛ like nga be yo be fa salo bé wun fiɛn'n, man ɔ fa yo min sɔwlɛ'n su. Ɔ `fa nannin tola'n i mmoja'n kan, ɔ nin boli yasua'n i mmoja liɛ'n kan, nan ɔ `fa kpɛnkpɛn min sɔwlɛ'n i cɔnjɔ-cɔnjɔ'm bé su.

Saun Yolɛ 4:18

Ɔ `fa mmoja'n wie `siesie min sɔwlɛ'n i cɔnjɔ-cɔnjɔ bɔ be ti kɛ nnɛn wɛ sa'n su min nyrun lɛ tannin sua'n nun lɔ. Kpɛkuun ɔ `ko utu mmoja'n i onga'n min sɔwlɛ b'ɔ jin tannin sua'n i anuan'n nun lɛ'n i bo lɛ.

Saun Yolɛ 4:25

Man min nyrun jranfuɛ'n fɛ i sama'n kun bo i nnɛn mmoja'n nun nan ɔ `fa klikli min sɔwlɛ nga be yi tɛ su'n i cɔnjɔ-cɔnjɔ bɔ be ti kɛ nnɛn wɛ sa'm bé su nan ɔ ko utu i onga'n min sɔwlɛ'n i ja wun lɛ.

Saun Yolɛ 4:7

Ɔ `fa mmoja'n wie siesie ansans yrawlɛ ng'ɔ o min nyrun lɛ tannin sua'n nun lɔ'n i cɔnjɔ-cɔnjɔ bɔ be ti kɛ nnɛn wɛ sa'm bé su. Kpɛkuun ɔ `ko utu mmoja'n i onga'n min sɔwlɛ'n b'ɔ jin tannin sua'n i nyrun lɛ'n i bo lɛ.

Saun Yolɛ 8:15

Kpɛkuun yɛ Moiz kpɛli nnɛn'n i kɔmin-ɔn, nan ɔ'a sɔ i mmoja. Ɔ fɛ i sama'n kun boli nun ɔ fa siesieli Nyanmiɛn i sɔwlɛ'n i cɔnjɔ-cɔnjɔ'm bé su. I sɔ ng'ɔ ´yo i lɛ'n, ɔ ti Nyanmiɛn i sɔwlɛ'n i wun fiɛn kplolɛ. Kpɛkuun ɔ utuli mmoja'n i onga'n Nyanmiɛn i sɔwlɛ'n bo lɛ. Kɛ ɔ ko yo nan sɛ be ´yi sa tɛ i yaci cɛlɛ i tɛ nin-ɔn b'a kwla b'a yi i Nyanmiɛn i sɔwlɛ su'n, i ti yɛ man be kpɛntɛn-kpɛntɛnnin su mmoja nin-ɔn.

Zakari 9:15

Anannganman b'ɔ sie mɛn wunmuan'n ɔ ´sasa i sran mun. Be ´kun be kpɔfuɛ mun, be ´wla kpafloko nun yɛbuɛ be ´nunkun be. Be kpɔfuɛ sɔ'm be mmoja'n ɔ ´sonji kɛ nzan sa. Ɔ ´yo kɛ b'a kun nnɛn sa, be mmoja'n ɔ ´yi kpongbo nga be fa kpɛntɛn-kpɛntɛn mmoja'n. Ɔ ´yo kɛ Nyanmiɛn i sɔwlɛ'n i cɔnjɔ'm be su mmoja'n sa.

Kalɛ 3:31

Nyanmiɛn i alaka'n nin i tabli'n, ɔ nin kannin siewlɛ'n, ɔ nin Nyanmiɛn sɔwlɛ lika mun, ɔ nin ninnge nga be fa di junman Nyanmiɛn i lika'n nun'n, nin rido ng'ɔ o Nyanmiɛn i lika'n i klun lɔ'n, Keatfuɛ'm be yɛ be nian ninnge sɔ'm be lika-a.

Hébreu 6:18

Ɔ man ndɛ ng'ɔ kannin'n nin nda ng'ɔ tali'n, like nnyɔn sɔ'n ɔ kaci-man be, ɔ bua-man ato. I sɔ'n ti'n, ɔ wla e bɔ e taloli i'n e fanngan kɛ e kplin é nyin nan e nyan like ng'ɔ sie e nyrun lɔ sieli ye'n, bɔ é wla o su kɛ e ´nyɛn i'n.