Ezipt Lɔ Tulɛ'n 27:16 - NYANMIƐN NDƐ'N 1998

¹⁶ Man be nga be di tannin nun aba'n be sende rido kun awlo'n i anuan'n nun. Rido sɔ'n i tɛnndɛn nun'n `yo mɛtri blu. Lɛn ng'ɔ sɔ kpa'n bɔ i nyanman'n ti kanngan plili'n yɛ be `fa yo-ɔ. Be `fa bua ndrɛ b'ɔ ti ɔkwlɛ srosrowa nin ɔkwlɛ kankankan nin ɔkwlɛ youun be fa flanflan lɛn nun. Be `yo rido nun nzɔliɛ mun. Man i waka'm be yo nnan, yɛ man be takawlɛ'm be yo nnan kusu.

Ezipt Lɔ Tulɛ'n 27:16 ပူးပေါင်းရင်းမြစ်များ

Jue Mun 45:14

Kɛ famiɛn'n i wa bla'n ti famiɛn sua'n nun sa'n, ɔ yo nyɛnmɛn dan o! Tralɛ ng'ɔ wlɛ i wun'n, sika ɔkwlɛ o nun sɛsɛsɛ.

Ezipt Lɔ Tulɛ'n 26:31

Man be yo rido kun, b'ɔ i nun klɛklɛwa'n ´yo ɔkwlɛ srosrowa, nin ɔkwlɛ kankankan, ɔ nin ɔkwlɛ youun. Man be yo i nin lɛn nyanman b'ɔ sɔ kpa. Man be fa jese nyanman be yo anz'm be nzɔliɛ nun.

Ezipt Lɔ Tulɛ'n 26:36

Man be nga be di tannin nun aba'n be `yo rido kun bɔ be fa lɛn nyanman ng'ɔ sɔ kpa'n, ɔ nin bua ndrɛ ɔkwlɛ srosrowa nin ɔkwlɛ kankankan nin ɔkwlɛ youun be yoli'n, be `sie min tannin sua'n i anuan'n nun.

Ezipt Lɔ Tulɛ'n 27:15

Anuan'n i bue ng'ɔ o bɛ su lɔ'n, man i tannin tanmue'm be tɛnndɛn nun'n yo mɛtri nso nin sin. Man be kplan waka nsan nin be takawlɛ nsan lɛ.

Ezipt Lɔ Tulɛ'n 27:17

Awa ng'ɔ sin yia awlo klun'n i waka mun'n, be `fa jɛtɛ ufue ninnge nga be fa tra tannin'm be ase'n be `siesie be su. Yɛ be `fa jɛtɛ ufue kpɛngbɛ nga be fa sɔtɔ tannin'm be nun'n be `tata waka'm be su ekun. Man waka'm be takawlɛ'm be yo aaba.

Ezipt Lɔ Tulɛ'n 28:39

Man be yo Aarɔn i tralɛ tɛnndɛn kun ekun ɔ nin lɛn tannin kplɔkɔɔ, be `yo i su kle'n nin lɛn tannin kplɔkɔɔ, yɛ man be yo i su cisu, man be di cisu sɔ'n be nun aba.

Ezipt Lɔ Tulɛ'n 36:37

Tannin sua'n i anuan nun lɛ'n, be nga be di tannin nun aba'n be yoli rido kun. Lɛn nyanman ng'ɔ sɔ kpa'n yɛ be fa yoli-ɔ. Be fa bua ndrɛ b'ɔ ti ɔkwlɛ srosrowa nin ɔkwlɛ kankankan nin ɔkwlɛ youun be flanflannin nun.

Ezipt Lɔ Tulɛ'n 39:29

Be fali lɛn nyanman plili ng'ɔ sɔ kpa'n be wuli cisu, be dili nun aba, bua ndrɛ b'ɔ ti ɔkwlɛ srosrowa nin ɔkwlɛ kankankan nin ɔkwlɛ youun'n flanflan nun. Be yoli i kɛ Anannganman kan kleli Moiz kɛ be `yo'n sa.

Kalɛ 3:26

ɔ nin tanmue dandan nga be fa si awa'n, ɔ nin tannin sua'n nin Nyanmiɛn i sɔwlɛ'm be awlo klun'm be anuan nun rido'n, ɔ nin tannin sua'n i nyanman mun. Be yɛ be sieli be kɛ be `nian ninnge sɔ'm be lika-a.

Jɔlɛ Difuɛ Mun 5:30

‹Kɛlɛ be su cɛ be kpɔfuɛ'm bé bo ninnge'm be nun, be su cɛ talua nga be tra be lomuɛn'm be nun: sonja kun talua kun annzɛ talua nnyɔn. Sizɛra i liɛ yɛlɛ be kondro bɔ be di nun aba nglanman-nglanman kpa mun. Kwlafuɛ'n i liɛ yɛlɛ tannin nga be di nun aba klanman kpa sakpa bɔ be fa gua be kɔmin nun'n.›