Man be yo nzasa klikli'n i tanmue kasiɛn'n i nuan su kaa kaa ɔkwlɛ ɔkwlɛ srosrowa. Man be yo nzasa nnyɔn su'n i tanmue klikli'n i nuan su kaa kaa ble ble.
Man be yo sika ɔkwlɛ tianman-tianman sɔ ablenun be blibli be ti'n nin be bo'n, nan be `fa tra nzasa nnyɔn'm be ase, nan be nnyɔn'm be `sa su. I liɛ'n, min tannin sua'n ´yo wunmuan kunngba.
Be yoli nzasa klikli'n i tanmue kasiɛn'n i nuan su kaa ablenun. Nzasa nnyɔn su'n i nuan su kaa'n kusu ti ablenun. Nzasa nnyɔn sɔ'm bé nuan su kaa'm be wɔ su nnyɔn nnyɔn nnyɔn.