Ezipt Lɔ Tulɛ'n 26:36 - NYANMIƐN NDƐ'N 1998

³⁶ Man be nga be di tannin nun aba'n be `yo rido kun bɔ be fa lɛn nyanman ng'ɔ sɔ kpa'n, ɔ nin bua ndrɛ ɔkwlɛ srosrowa nin ɔkwlɛ kankankan nin ɔkwlɛ youun be yoli'n, be `sie min tannin sua'n i anuan'n nun.

Ezipt Lɔ Tulɛ'n 26:36 ပူးပေါင်းရင်းမြစ်များ

Ezipt Lɔ Tulɛ'n 36:37

Tannin sua'n i anuan nun lɛ'n, be nga be di tannin nun aba'n be yoli rido kun. Lɛn nyanman ng'ɔ sɔ kpa'n yɛ be fa yoli-ɔ. Be fa bua ndrɛ b'ɔ ti ɔkwlɛ srosrowa nin ɔkwlɛ kankankan nin ɔkwlɛ youun be flanflannin nun.

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Jean 10:9

N liɛ'n, n ti anuan, sran ng'ɔ sin min nun'n, ɔ ´fite nun, ɔ ´wlu, ɔ ´fite, yɛ ɔ ´nyan didiwlɛ.

Jue Mun 78:60

Ɔ jasoli Silo lɔ i tannin sua bɔ i nun yɛ ɔ tran sran'm be afiɛn'n nun.

2 Samiɛl 7:6

Kɛ n fali Izraɛlfuɛ mun Ezipt m bali'n lele b'ɔ ´fa ju ndɛ'n, n nian tran-man sua nun le. Kan Izraɛlfuɛ'm be ´kɔ'n, e nin be yɛ e kɔ-ɔ, yɛ tannin sua kunngba nga n trannin nun'n, i nun yɛ n tɛ wo-ɔ.

Kalɛ 9:15

Cɛn kunngba nga be kplannin Nyanmiɛn i sua'n, sin wɛnsrɛn'n ɔ wa katali tannin sua sɔ'n bɔ i nun yɛ yɛbuɛ paplapa nga be klɛli Nyanmiɛn i mmla blu'n i su'n ɔ o nun'n i su. Kɔnguɛ'n, sin wɛnsrɛn sɔ'n kpaja lele aliɛ'n fa cɛn weiin .

Kalɛ 3:25

Anannganman i tannin sua ng'ɔ yi i wun nglo nun'n, i lika nga be fa wlali Gɛrsɔnfuɛ'm bé sa nun kɛ be `nian su'n yɛ: tannin sua'n i klun nin i sin'n, ɔ nin like nga be fa kata tannin sua'n su'n, ɔ nin rido ng'ɔ o tannin sua'n i anuan'n nun'n,

Ezipt Lɔ Tulɛ'n 39:33

Be fali Nyanmiɛn i tannin sua'n nin i wun ninnge'm be kwlaa blɛli Moiz. Like nga be fa bali mun'n yɛ: tannin'n bɔbɔ, i ase tralɛ ninnge mun, i waka paplaapla mun, waka nga be fa jaja nun'n mun, i kofiaja'm be nin be takatakawlɛ mun,

Ezipt Lɔ Tulɛ'n 35:11

Nyanmiɛn i tannin sua'n, nin i su katalɛ like'n, i ase tratralɛ ninnge mun nin i kadri mun, i nun jajalɛ waka mun, i ja'm be takawlɛ mun,

Ezipt Lɔ Tulɛ'n 26:31

Man be yo rido kun, b'ɔ i nun klɛklɛwa'n ´yo ɔkwlɛ srosrowa, nin ɔkwlɛ kankankan, ɔ nin ɔkwlɛ youun. Man be yo i nin lɛn nyanman b'ɔ sɔ kpa. Man be fa jese nyanman be yo anz'm be nzɔliɛ nun.

Ezipt Lɔ Tulɛ'n 27:16

Man be nga be di tannin nun aba'n be sende rido kun awlo'n i anuan'n nun. Rido sɔ'n i tɛnndɛn nun'n `yo mɛtri blu. Lɛn ng'ɔ sɔ kpa'n bɔ i nyanman'n ti kanngan plili'n yɛ be `fa yo-ɔ. Be `fa bua ndrɛ b'ɔ ti ɔkwlɛ srosrowa nin ɔkwlɛ kankankan nin ɔkwlɛ youun be fa flanflan lɛn nun. Be `yo rido nun nzɔliɛ mun. Man i waka'm be yo nnan, yɛ man be takawlɛ'm be yo nnan kusu.

Ezipt Lɔ Tulɛ'n 28:39

Man be yo Aarɔn i tralɛ tɛnndɛn kun ekun ɔ nin lɛn tannin kplɔkɔɔ, be `yo i su kle'n nin lɛn tannin kplɔkɔɔ, yɛ man be yo i su cisu, man be di cisu sɔ'n be nun aba.

Ezipt Lɔ Tulɛ'n 38:18

Be nga be di tannin nun aba'n be sieli rido awlo'n i anuan'n nun, be fali lɛn nyanman ng'ɔ sɔ kpa'n yɛ be fa yoli-ɔ, be fali bua ndrɛ b'ɔ ti ɔkwlɛ srosrowa nin ɔkwlɛ kankankan nin ɔkwlɛ youun flanflannin nun. Rido sɔ'n i tɛnndɛn nun'n ti mɛtri blu, yɛ i nglo-nglo su'n ti mɛtri nnyɔn nin sin. I nglo-nglo nin awa'n i tannin tanmue'm be sɛ.

Ezipt Lɔ Tulɛ'n 39:29

Be fali lɛn nyanman plili ng'ɔ sɔ kpa'n be wuli cisu, be dili nun aba, bua ndrɛ b'ɔ ti ɔkwlɛ srosrowa nin ɔkwlɛ kankankan nin ɔkwlɛ youun'n flanflan nun. Be yoli i kɛ Anannganman kan kleli Moiz kɛ be `yo'n sa.

Ezekiɛl 16:10

Yɛ n wlali ɔ́ wun tralɛ nga be dili nun aba'n, n wlali ɔ ja ngbabua b'ɔ ti kplo'n, n wlali wɔ lɛn tralɛ. N wlali wɔ tralɛ nga be fali tannin kplɛkɛɛ yoli'n.

Ezipt Lɔ Tulɛ'n 28:15

«Man ajuin difuɛ'm be yo jɔlɛ dilɛ pata kaan bɔ be fa cici be wue nun'n kun. Junman kunngba nga be dili i efɔd'n su'n yɛ be `di i pata kaan'n su-ɔ. Be `fa lɛn b'ɔ sɔ kpa'n yɛ be `fa yo-ɔ. Man be fa bua ndrɛ be flanflan lɛn'n nun. Man bua ndrɛ'n wie yo ɔkwlɛ srosrowa, wie yo ɔkwlɛ kankankan, yɛ wie yo ɔkwlɛ youun. Man be fa sika ɔkwlɛ be yo nun nzɔliɛ mun.

Ezipt Lɔ Tulɛ'n 35:15

ansans yrawlɛ'n nin i waka floloflolo mun, ngo nga be fa gua bé ti su'n, ansans nga be yrɛ i'n, Nyanmiɛn tannin sua'n i anuan nun rido'n,

Ezipt Lɔ Tulɛ'n 40:5

Ansans yrawlɛ bɔ sika ɔkwlɛ yɛ be fa yoli'n, man be fa sie min alaka'n i nyrun lɛ. Man be sende min tannin sua'n i rido'n anuan'n nun.