David waan: «Ninnge'm be jajalɛ nin be wafa kwlaa nga be o lɛ'n, Anannganman yɛ ɔ klekleli min yɛ n klɛli-ɔ. Yɛ i bɔbɔ Anannganman'n yɛ man n wunnin i kplanwlɛ wafa'n kwlaa i wlɛ-ɔ.»
Waka paplaapla nga be kplannin be'n, ɔ nin waka nga be fa jaja nun'n, man be klo sika ɔkwlɛ be gua be wun. Man be bo sika ɔkwlɛ kluklu kɛ nga sa. Be nun yɛ waka nga be fa jaja nun'm be `sin-ɔn.
Levifuɛ nga be fin Keat osu nun'n, bɔ be sua ninnge nga be ti Nyanmiɛn liɛ klonglo'n be suli bé su. Levifuɛ'm bé onga'm be dun mmua ko kplannin Nyanmiɛn i lika'n be fa minndɛli Keatfuɛ mun.
Be boli sika ɔkwlɛ yɛ be fa yoli kannin siewlɛ nin-ɔn. Kɛ ɔ fɛ i i bo ngua lɔ lele b'ɔ fa ju i ti'n su, waka nyrɛ'm be nzɔliɛ'm be nun'n, sika ɔkwlɛ yɛ be boli be fa yoli-ɔ. Nga Anannganman fa kleli Moiz kɛ ɔ `yo'n, i su yɛ be niannin be yoli-ɔ.
Be Nyanmiɛn nyrun jranlɛ junman nga be di'n, ɔ ti nyanmiɛn su lɔ liɛ kpa'n i nzɔliɛ ɔ nin i wawɛ. Kɛ Moiz liɛ'n kusu ti sɔ-ɔ. I nun nga ɔ wa kplan tannin sua'n, Nyanmiɛn seli i kɛ: «I wafa nga n kleli wɔ oka'n su lɔ'n, niɛn i kwlaa'n su kpa yo .»
I sɔ'n ti'n, sɛ bé yo ninnge nga be ti nyanmiɛn su lɔ liɛ'n nzɔliɛ bé wun saun sɔ'n, ɔ ti su. Sanngɛ nyanmiɛn su lɔ liɛ'n bɔ be ti i kpafuɛ'n, san be ´nyan nnɛn bɔ i kpa tra nga'n, nan b'a yo bé wun saun.