Ezipt Lɔ Tulɛ'n 26:29 - NYANMIƐN NDƐ'N 1998

²⁹ Waka paplaapla nga be kplannin be'n, ɔ nin waka nga be fa jaja nun'n, man be klo sika ɔkwlɛ be gua be wun. Man be bo sika ɔkwlɛ kluklu kɛ nga sa. Be nun yɛ waka nga be fa jaja nun'm be `sin-ɔn.

Ezipt Lɔ Tulɛ'n 26:29 ပူးပေါင်းရင်းမြစ်များ

1 Famiɛn Mun 6:20

Sua ba sɔ'n i tɛnndɛn nun'n ti mɛtri blu. I tɛtrɛ nun'n ti mɛtri blu, yɛ i nglo-nglo su'n ti mɛtri blu. Salomɔn kloli sika ɔkwlɛ guɛli i talɛ'n kwlakwla wun. Ɔ yoli Nyanmiɛn sɔwlɛ kun sua ba'n i anuan'n i wun lɛ. Be fali sɛdri waka yɛ be fa yoli-ɔ. Be kloli sika ɔkwlɛ guali Nyanmiɛn sɔwlɛ sɔ'n i wun.

1 Famiɛn Mun 6:22

Ɔ man sua'n i talɛ'n i wun ti sika ɔkwlɛ ngunmin. Nyanmiɛn sɔwlɛ'n b'ɔ o kɛ a ´fa wlu Nyanmiɛn i lika kpa tra su'n nun lɔ'n, i kusu sika ɔkwlɛ o i wun bioun.

Ezipt Lɔ Tulɛ'n 25:27

Man like kluklu sɔ'm be mantan kadri'n. Be `fa waka floloflolo nnyɔn'n be wla be nun nan b'a fa sua tabli'n.

Ezipt Lɔ Tulɛ'n 26:28

Kɛ ɔ fɛ i tannin sua'n i bue kun su b'ɔ ´fa ju i bue kun'n su lɔ'n, man akasia waka ng'ɔ o afiɛn'n, ɔ kpɛ waka paplaapla'm be afiɛn sɛsɛ.

Ezipt Lɔ Tulɛ'n 26:30

Moiz, kplan tannin sua'n kɛ n fa jajali n kleli wɔ oka'n su wa'n sa.