Ezipt Lɔ Tulɛ'n 26:19 - NYANMIƐN NDƐ'N 1998

¹⁹ Man be klo jɛtɛ ufue be fa yo waka paplaapla'm be ja'm be takawlɛ. Man waka paplapa kun nyan ja takawlɛ nnyɔn bɔ i nun yɛ i ja nnyɔn be ´wlu-ɔ.

Ezipt Lɔ Tulɛ'n 26:19 ပူးပေါင်းရင်းမြစ်များ

Ezipt Lɔ Tulɛ'n 26:17

Man waka paplaapla kun i ngua'n nyan ja tianman-tianman nnyɔn. Man i ja nnyɔn'm be nyin wɔ su. Man be yo waka paplaapla'm be kwlaa wafa kunngba.

Ezipt Lɔ Tulɛ'n 26:18

Man tannin sua'n i bue kun ng'ɔ kpɛ ngua lɔ'n i waka paplaapla liɛ'm be yo ablaɔn.

Ezipt Lɔ Tulɛ'n 26:20

Man tannin sua'n i bue ng'ɔ kpɛ nglo lɔ'n i waka paplaapla'm be yo ablaɔn.

Ezipt Lɔ Tulɛ'n 26:25

Man tannin sua'n i bue ng'ɔ o i sin lɔ'n, i waka liɛ'm be `yo mɔcuɛ, yɛ man be takawlɛ'm bɔ be fa jɛtɛ ufue yoli'n be yo blu-nin-nsiɛn. Waka kun `nyɛn i takawlɛ nnyɔn, kun `nyɛn i takawlɛ nnyɔn.

Ezipt Lɔ Tulɛ'n 26:37

Man be fa akasia be sɛ waka mlomlo nnun, nan be `klo sika ɔkwlɛ gua bé wun. Man be bobo bé wun sika ɔkwlɛ kpɛngbɛ nga bé su yɛ be ´sende rido'n. Man be klo aaba be gua waka sɔ'm bé bo nan ɔ `yo bé takawlɛ.»

Ezipt Lɔ Tulɛ'n 27:10

Man awa'n i waka ablaɔn mun nin be takawlɛ ablaɔn'm be yo aaba ngunmin. Man like nga be fa tra tannin'm be ase'n nin nga be fa suan bé bo'n be yo jɛtɛ ufue.

Ezipt Lɔ Tulɛ'n 38:27

Be kloli sika ɔkwlɛ kilo akpi nsan yɛ be fa yoli tannin sua'n ɔ nin rido ng'ɔ o i klun lɔ'm be ja'm be takawlɛ ya mun-ɔn. Be ja'm be takawlɛ sɔ'n, kun i wun jɛtɛ ufue'n ti kilo ablasan, kun i wun jɛtɛ ufue'n ti kilo ablasan.

Ezipt Lɔ Tulɛ'n 40:18

Moiz yoli man be kplannin Nyanmiɛn i tannin sua'n: be yoli waka'm be takatakawlɛ mun, be kplannin waka paplaapla mun, yɛ be fali wie be jajali nun, be kplannin kofiaja'm be kusu.

Ngɔjue Fɛfɛ Kpa'n 5:15

A wun i ja mun-ɔn, ɔ waan marbru ufue wie yɛ b'a sɛsɛ i mlomlo nan b'a fa kplankplan sika ɔkwlɛ like wie nun sa. Sika ɔkwlɛ sɔ'n ti jrɛiin kpa. Kɛ ɔ jin sa'n, ɔ yo nyɛnmɛn o, ɔ waan Liban lɔ oka wie-ɔ! Kɛ ɔ jin sa'n, ɔ ti sɔ seiin, ɔ waan sɛdri waka wie-ɔ.

Kalɛ 3:36

Nyanmiɛn i lika'n i waka paplaapla nin waka nga be fa jaja nun'n, ɔ nin sua'n i ja'm be takawlɛ mun, yɛ ninnge'm bé onga'm be kwlaa, be yɛ be nian bé su-ɔ.