11 Man be bo aaba tianman-tianman sɔ ablenun be `blibli be ti'n nin be bo'n, nan be `fa wla kaa'm be nun, nan tannin sua'n `sa su wunmuan kunngba.
Man be yo nzasa klikli'n i tanmue kasiɛn'n i nuan su kaa kluklu ablenun. Man be yo nzasa nnyɔn su'n i nuan'n su kaa kluklu ablenun wie.
Kɛ bɔ tanmue sɔ'm be tɛnndɛn wa tra tannin sua'n su'n, tannin'n i bue ng'ɔ ko tɔ su'n, ɔ ´bu gua tannin sua'n i sin lɔ.
Man be sasa tannin tanmue nnun'm be su, yɛ i nnun kun ekun'n, be sasa be su kusu.
Man be yo sika ɔkwlɛ tianman-tianman sɔ ablenun be blibli be ti'n nin be bo'n, nan be `fa tra nzasa nnyɔn'm be ase, nan be nnyɔn'm be `sa su. I liɛ'n, min tannin sua'n ´yo wunmuan kunngba.