Ezipt Lɔ Tulɛ'n 26:1 - NYANMIƐN NDƐ'N 1998

¹ «Man tannin wufuɛ'm be yo tannin sua'n nin tannin tanmue blu bɔ lɛn nyanman b'ɔ sɔ kpa'n yɛ be fa yoli'n, ɔ nin tannin ɔkwlɛ srosrowa nin ng'ɔ ti ɔkwlɛ kankankan, ɔ nin nga i nyin ti ɔkwlɛ youun, man be yo anz nga be nian Nyanmiɛn i ninnge'm be su'n be nzɔliɛ tannin tanmue nin tannin'm be su.

Ezipt Lɔ Tulɛ'n 26:1 ပူးပေါင်းရင်းမြစ်များ

2 Samiɛl 7:2

Yɛ ɔ seli Nyanmiɛn nuan ijɔfuɛ Natan kɛ: «N la sɛdri waka sua nun, kpɛkuun Nyanmiɛn i alaka'n wo tannin sua nun.»

1 Famiɛn Mun 6:29

Be yoli anz mun, nin mme sa mun, ɔ nin waka nyrɛ bɔ ɔ'a kpuke'n be nzɔliɛ mun. Be yoli nzɔliɛ sɔ mun Nyanmiɛn i sua'n i talɛ'n i klun nin i sin'n kwlaa su.

1 Be Nyoliɛ 17:1

David trannin i famiɛn sua'n nun. Cɛn kun ɔ seli Natan b'ɔ ti Nyanmiɛn nuan ijɔfuɛ'n kɛ: «Nian, n tran sɛdri sua nun, kpɛkuun Anannganman i alaka'n kusu o tannin sua nun.»

1 Be Nyoliɛ 21:29

Kɛ ɔ ´yo sɔ lɛ'n, wuun Anannganman i tannin sua bɔ Moiz kplɛnnin i aawlɛ flɛnnɛn'n nun lɔ'n, ɔ tɛ o Gabaɔn lɔ. Kɛ ɔ ´yo sɔ'n, wuun i sɔwlɛ'n tɛ o lɔ wie.

Ezipt Lɔ Tulɛ'n 25:18

Man be fa sika ɔkwlɛ bɔ be boli i kɛ blalɛ sa'n be yo anz nga be sasa Nyanmiɛn i ninnge mun'n be nzɔliɛ sɔ nnyɔn. Man be yo be alaka'n i tre'n i bue nnyɔn'm be su.

Ezipt Lɔ Tulɛ'n 25:4

tannin ɔkwlɛ srosrowa nin nga ɔkwlɛ kankankan o nun'n, ɔ nin nga i nyin'n ti ɔkwlɛ youun'n, lɛn tannin kplɔkɔɔ, boli ndrɛ,

Ezipt Lɔ Tulɛ'n 25:8

Man Izraɛlfuɛ'm be yo sua kun be man min, b'ɔ ti min liɛ klonglo, kɛ ɔ ´yo nan m'an tran amun afiɛn'n ti.

Ezipt Lɔ Tulɛ'n 26:2

Man tannin tanmue kun i tɛnndɛn nun'n yo mɛtri blu-nin-nnan, yɛ man i tɛtrɛ nun'n yo mɛtri nnan. Man tanmue'm be kwlaa be sɛ.

Ezipt Lɔ Tulɛ'n 26:31

Man be yo rido kun, b'ɔ i nun klɛklɛwa'n ´yo ɔkwlɛ srosrowa, nin ɔkwlɛ kankankan, ɔ nin ɔkwlɛ youun. Man be yo i nin lɛn nyanman b'ɔ sɔ kpa. Man be fa jese nyanman be yo anz'm be nzɔliɛ nun.

Ezipt Lɔ Tulɛ'n 26:36

Man be nga be di tannin nun aba'n be `yo rido kun bɔ be fa lɛn nyanman ng'ɔ sɔ kpa'n, ɔ nin bua ndrɛ ɔkwlɛ srosrowa nin ɔkwlɛ kankankan nin ɔkwlɛ youun be yoli'n, be `sie min tannin sua'n i anuan'n nun.

Ezipt Lɔ Tulɛ'n 31:7

Like nga min waan a `se be man be yo'n be yɛ: tannin sua, nin min alaka'n nin i su tre'n, ɔ nin tannin sua'n i nun ninnge'm be kwlaa,

Ezipt Lɔ Tulɛ'n 35:11

Nyanmiɛn i tannin sua'n, nin i su katalɛ like'n, i ase tratralɛ ninnge mun nin i kadri mun, i nun jajalɛ waka mun, i ja'm be takawlɛ mun,

Ezipt Lɔ Tulɛ'n 35:35

Ɔ mannin be ninnge wafa-wafa'm be yolɛ i wun cɛlɛ kɛ be `fa di junman kwlaa. Junman sɔ'm be wie yɛ: yɛbuɛ kpakpa'm be sɛlɛ, ninnge uflɛ wie'm be sɛlɛ, tannin ɔkwlɛ srosrowa nin ɔkwlɛ kankankan, ɔ nin ɔkwlɛ youun, yɛ lɛn nyanman kanngan plili'n be wulɛ nin be nun klɛklɛlɛ. Ɔ mannin be ngwlɛlɛ kɛ be fa di junman wafa-wafa'm be kwlaa, nan be bɔbɔ be `kwla kpɛ bé ti nun like be yo.»

Ezipt Lɔ Tulɛ'n 35:6

bua ndrɛ ng'ɔ ti ɔkwlɛ srosrowa nin ɔkwlɛ kankankan nin ɔkwlɛ youun'n, lɛn nyanman kanngan plili, boli ndrɛ,

Ezipt Lɔ Tulɛ'n 36:35

Be yoli rido kun. Lɛn nyanman ng'ɔ sɔ kpa'n yɛ be fa yoli-ɔ. Be fali bua ndrɛ ɔkwlɛ srosrowa nin ɔkwlɛ kankankan nin ɔkwlɛ youun be flanflannin nun. Be yoli rido sɔ nun anz'm be nzɔliɛ mun.

Ezipt Lɔ Tulɛ'n 39:3

Be kpɛkpɛli sika ɔkwlɛ fɛtɛfɛtɛ kpa'n nun tianman-tianman, be fa flɛnflɛnnin i bua ndrɛ nyanman b'ɔ ti ɔkwlɛ srosrowa nin ɔkwlɛ kankankan nin ɔkwlɛ youun, ɔ nin lɛn nyanman plili'm be nun.

Ezipt Lɔ Tulɛ'n 40:2

«Anglo klikli'n i cɛn klikli'n su, yo man be kplan min tannin sua nga n ´yi mín wun nglo nun'n bɔ i nun yɛ be ´yia'n.

Kalɛ 3:25

Anannganman i tannin sua ng'ɔ yi i wun nglo nun'n, i lika nga be fa wlali Gɛrsɔnfuɛ'm bé sa nun kɛ be `nian su'n yɛ: tannin sua'n i klun nin i sin'n, ɔ nin like nga be fa kata tannin sua'n su'n, ɔ nin rido ng'ɔ o tannin sua'n i anuan'n nun'n,

Kalɛ 4:25

be ´sua min tannin sua nga n yi min wun nglo nun'n i su tannin nin i su katalɛ like'n, ɔ nin nnɛn kplo ng'ɔ sɔ kpa'n bɔ be fa utu su'n, ɔ nin rido ng'ɔ o i anuan nun'n,

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 2:21

Sanngɛ i wunnɛn b'ɔ fa sunnzun Nyanmiɛn i sua'n i ndɛ yɛ ɔ kɛn i sɔ-ɔ.

Hébreu 8:2

Ɔ di Nyanmiɛn nyrun jranlɛ junman Nyanmiɛn lika kpa'n bɔ yɛlɛ tannin sua kpa nga nán sran yɛ ɔ kplannin bɔ e Min'n bɔbɔ yɛ ɔ kplannin'n nun.

Hébreu 9:2

Afin be kplannin tannin sua kun, i nun sua ba klikli'n, be flɛ i Nyanmiɛn lika. Kannin siewlɛ, nin tabli ɔ nin i su kpaun nga be fa man Nyanmiɛn'n be o lɔ .

Hébreu 9:9

Ɔ ti blɛ nga e o nun yɛ'n liɛ'n i nzɔliɛ. Ɔ kle kɛ like nga be fa man Nyanmiɛn'n nin nnɛn nga be fa sɔ i'n, ɔ man be nga be mɛn i sɔ like'n be klun titilɛ'n wie-man.

Sa nglô yile 19:8

Be man ɔ'a kla lɛn kplɔkɔɔ nyannyan b'ɔ ti yɛiin'n.» Lɛn kplɔkɔɔ sɔ'n yɛlɛ sa nga Nyanmiɛn sran'm be yo b'ɔ ti su'n.

Sa nglô yile 21:3

N tili sran kun nɛn kekle kpa bia'n wun lɔ, ɔ seli kɛ: «Siɛn'n Nyanmiɛn i tranwlɛ'n wo sran'm be afiɛn! Ɔ nin be ´tran, be ´yo i sran, yɛ i bɔbɔ ´yo be Nyanmiɛn .