Ezipt Lɔ Tulɛ'n 24:6 - NYANMIƐN NDƐ'N 1998

⁶ Moiz sɔli nnɛn'm be mmoja'n, ɔ fɛli i bue guɛli i kpongbo'm be nun, yɛ ɔ fɛli i bue utuli i Nyanmiɛn i sɔwlɛ'n su.

Ezipt Lɔ Tulɛ'n 24:6 ပူးပေါင်းရင်းမြစ်များ

2 Famiɛn Mun 17:15

Anannganman i mmla'n, ɔ nin aenguɛ ng'ɔ nin be nannan'm be trali'n, ɔ nin i afɔtuɛ ng'ɔ mannin be'n, be guɛli i kwlakwla i ase. Be fali bé wun wlali ninnge ngbɛn-ngbɛn'm bé sa nun, ɔ man be bɔbɔ be yoli ngbɛnfuɛ. Nvle nga be mantan be lɛ'n, bɔ Anannganman seli be kɛ nán be sɔnnzɔn be'n, be fali be nzuɛn'n.

Jue Mun 99:6

Moiz nin Aarɔn bɔ be ti Anannganman nyrun jranfuɛ'n, ɔ nin Samiɛl b'ɔ bo i dunman'n, kɛ be kpan flɛli i'n, ɔ tɛli be su.

Ezipt Lɔ Tulɛ'n 12:22

Amun `fa waka nga be flɛ i izɔp'n i sama nin i su nnya'n, amun `fa bo nnɛn mmoja b'ɔ o kpongbo nun'n i nun, amun `fa mmoja'n be klikli i anuan'n i kadri i bue nnyɔn'm bé su, ɔ nin anuan'n i ti su nglo. Kɛ ɔ fɛ i blɛ sɔ nun'n lele bɔ aliɛ'n ´fa cɛn'n, nán sran fi fite gua'n su kun.

Ezipt Lɔ Tulɛ'n 12:7

Man be sɔ i mmoja'n wie nan be fa klikli sua kwlaa nga be di nnɛn sɔ'n nun'n i anuan'n i kadri'n i fama su nin i bɛ su, ɔ nin i ti su nglo .

Ezipt Lɔ Tulɛ'n 24:8

Moiz fali mmoja'n kpɛntɛn-kpɛntɛnnin Izraɛlfuɛ'm bé su, kpɛkuun i waan: «Mmoja ng'ɔ o yɛ'n, o ti aenguɛ nga Anannganman nin amun trali'n blɛ b'ɔ ´man amun mmla nga'm be kwlaa'n, i nzɔliɛ .»

Ezipt Lɔ Tulɛ'n 29:16

I sin kpɛ bua nene'n i kɔmin, sɔ i mmoja'n gua like kun nun, nan fa guagua min sɔwlɛ'n i nuan su sin yiɛ i.

Ezipt Lɔ Tulɛ'n 29:20

I sin kpɛ bua nene'n i kɔmin, sɔ i mmoja'n gua like kun nun, fɛ i mmoja sɔ'n wie klikli Aarɔn nin i mma'm bé su fama'm be pɛkɛpɛkɛ'n su, fa wie ekun klikli bé sama kokotre fama'm be su, yɛ fa wie ekun klikli bé ja mma kokotre fama'n be su. Kpɛkuun mmoja ng'ɔ ka lɛ'n, fa guagua min sɔwlɛ'n i nuan'n su tɛɛn sin yiɛ i.

Zeremi 31:32

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ´ba'n, ɔ su yo-man kun. I sɔ aenguɛ liɛ'n be sacili i, sanngɛ kusu wuun min yɛ n ti be Min nin-ɔn.» Nga Anannganman'n kan'n yɛ ɔ o lɛ-ɔ.

Saun Yolɛ 1:11

Ɔ `kpɛ i kɔmin min nyrun lɛ min sɔwlɛ'n i nglo lɔ lika liɛ'n nun. Kpɛkuun man Aarɔn i wa yasua'm bɔ be ti min nyrun jranfuɛ'n be fɛ i mmoja'n guagua min sɔwlɛ'n i nvɛn wun nvɛn wun'm bé su tɛɛn `sin yia nun.

Saun Yolɛ 1:5

Ɔ `kpɛ nnɛn'n i kɔmin min nyrun lɛ. Min sɔwlɛ ng'ɔ o tannin sua'n i nyrun lɛ'n, man Aarɔn i wa yasua'm bɔ be ti min nyrun jranfuɛ'n be `fɛ i mmoja'n be `fa guɛguɛ i nvɛn wun nvɛn wun'm bé su tɛɛn `sin yia nun.

Saun Yolɛ 3:2

Ɔ `fa ɔ tannin sua nga n yi min wun nglo nun'n i anuan'n nun lɔ. Ɔ `fɛ i sa'n fua nnɛn'n i ti'n su nan ɔ `kpɛ i kɔmin, nan Aarɔn i wa yasua mun bɔ be ti min nyrun jranfuɛ'n be `fɛ i mmoja'n guagua min sɔwlɛ'n i nvɛn wun nvɛn wun'm bé su tɛɛn `sin yia nun.

Saun Yolɛ 3:8

Ɔ `fɛ i sa'n fuɛ i nnɛn'n i ti'n su, nan be `kpɛ i kɔmin tannin sua'n nyrun lɛ, nan Aarɔn i wa yasua'm be `fɛ i mmoja'n guagua min sɔwlɛ'n i nvɛn wun nvɛn wun'm be su tɛɛn `sin yia nun.

Saun Yolɛ 4:6

Ɔ `fɛ i sama'n kun bo i nnɛn i mmoja'n nun, nan ɔ `fa kpɛntɛn-kpɛntɛn tannin ng'ɔ kpɛ min sua'n nun i bue ng'ɔ fite weiin nun wa'n i nun. Ɔ `yo i sɔ kpɛ nso min nyrun lɛ.

1 Korɛntfuɛ Mun 11:25

Kɛ be wieli like di'n, ɔ fali klowa'n, yɛ ɔ seli kɛ: «Like ng'ɔ o klowa nga nun'n ɔ ti min mmoja b'ɔ ti aenguɛ uflɛ nga Nyanmiɛn waan ɔ nin amun tra i nzɔliɛ. Cɛn kwlaa nga amun ´nɔn nun'n, an `yo i kɛ nga n yo i yɛ'n sa, man amún wla kpɛn n su .»

Kolɔsfuɛ Mun 1:20

Yɛ ɔ siesieli i nun sran mun nin ninnge'm be kwlaa be afiɛn Jésus nun. Kɛ Jésus wuli waka'n su'n, Nyanmiɛn siesieli sa ng'ɔ o i nin like nga be o asiɛ'n su wa nin nyanmiɛn su lɔ'n be kwlaa be afiɛn, ɔ man sa fi nun-man lɛ kun.

Hébreu 12:24

nin Jésus b'ɔ ti aenguɛ uflɛ nga Nyanmiɛn waan ɔ nin sran'm be ´tra'n i nun jranfuɛ'n be wun. Jésus mmoja b'ɔ fa kpɛntɛn-kpɛntɛn'n, sɛ ɔ kwla ijɔ'n, wuun ɔ ´kan ndɛ fɛ tra Abɛl liɛ'n .

Hébreu 8:9

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ba'n, ɔ su yo-man kun.› E Min'n seli kɛ: ‹I sɔ'n aenguɛ liɛ'n, b'a yo-mɛn i su sa'n, ɔ man n kusu m'an nian-man be lika.›

Hébreu 9:18

I sɔ'n ti'n, kɛ be ´bo aenguɛ klikli nga Nyanmiɛn waan ɔ nin sran be ´tra'n, i su falɛ'n i bo'n, mmoja yɛ be fa boli i bo-ɔ.

Hébreu 9:19

Afin kɛ Moiz kan mmla'n kwlaa kleli sran mun'n, ɔ fali nannin ba mun nin boli kpakpuɛ'm be mmoja'n guali nun nzue, yɛ ɔ fali bua ndrɛ ɔkwlɛ nin izɔp nnya boli nun, nan ɔ'a fa kpɛntɛn-kpɛntɛn mmla fluwa'n nin sran'm be kwlaa bé wun.

Hébreu 9:21

Ɔ fa mmoja'n kpɛntɛn-kpɛntɛnnin tannin sua'n nin Nyanmiɛn ninnge'm be kwlaa bé wun.

1 Piɛr 1:19

Sanngɛ Krist b'ɔ ti kɛ bua b'ɔ wa kpɛ cro sa'n bɔ lɛ fi nun-mɛn i wun'n, i mmoja'n b'ɔ ti kpa'n yɛ be fa toli amún ti-ɔ.

1 Piɛr 1:2

E Si Nyanmiɛn fali amun, afin ɔ dun mmua buli i akunndan sɔ nan i Wawɛ'n ti, an `kaci i liɛ nan amún nyin `yi Jésus-Krist, yɛ i mmoja'n ti amún wun sa'n `wie. Nyanmiɛn man an nyan ye titi, yɛ man amún wun jɔ amun fɔuun!