Ezipt Lɔ Tulɛ'n 24:5 - NYANMIƐN NDƐ'N 1998

⁵ Be kpali Izraɛl gbanflɛn wie mun kɛ be yi tɛ nga be yra be nnɛn'n kɔlikɔli'n be fa man Anannganman, nan be `fa nannin tola mun be `yi bo kun yolɛ i su tɛ mun be mɛn i.

Ezipt Lɔ Tulɛ'n 24:5 ပူးပေါင်းရင်းမြစ်များ

Jue Mun 50:5

I waan: «Amun `yia min sufuɛ nanwlɛfuɛ mun bɔ be yi sraka be fa tali min nda kɛ be nin min ´tra aenguɛ'n.»

Ezipt Lɔ Tulɛ'n 18:12

Zetro yili tɛ nga be yrɛ i nnɛn'n kɔlikɔli'n ɔ nin bo kun yolɛ i su tɛ mun. Ɔ yili be mannin Nyanmiɛn. Yɛ Zetro, nin Moiz, nin Aarɔn, ɔ nin Izraɛl kpɛnngbɛn'm be kwlaa be wa dili like Nyanmiɛn nyrun lɛ-ɔ.

Ezipt Lɔ Tulɛ'n 19:22

I kpa'n bɔ man min nyrun jranfuɛ bɔ be lɛ atin be mantan min'n, be `yo bé wun saun kɛ ɔ ´yo nan m'an saci-man be'n ti.»

Ezipt Lɔ Tulɛ'n 20:24

Amun `fa asiɛ be kplan min sɔwlɛ kun, yɛ amun `fa bua mun, nin boli mun, ɔ nin nannin mun be fa yi tɛ bɔ be yra be nnɛn'n kɔlikɔli'n, ɔ nin bo kun yolɛ i su tɛ mun be man min. Yɛ n wa yra amun nguan lika kwlaa nga n ´yi mín wun nglo lɛ'n.