Ezipt Lɔ Tulɛ'n 24:4 - NYANMIƐN NDƐ'N 1998

⁴ Moiz klɛli ndɛ nga Anannganman kan kleli i'n i kwlaa. Kɛ aliɛ'n cɛnnin'n, ɔ jasoli nglɛmun ndɛ kpa, ɔ kplannin Nyanmiɛn i sɔwlɛ kun oka'n i bo wun lɛ. Yɛ ɔ siesieli yɛbuɛ blu-nin-nnyɔn, be ti Izraɛl akpasua blu-nin-nnyɔn'm be nzɔliɛ.

Ezipt Lɔ Tulɛ'n 24:4 ပူးပေါင်းရင်းမြစ်များ

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Bo Bolɛ 28:18

Zakɔb jasoli nglɛmun ndɛ kpa nan ɔ'a fa yɛbuɛ ng'ɔ fa suɛnnin i ti'n ɔ'a taka ɔ'a man Nyanmiɛn, nan ɔ'a gua su ngo.

Bo Bolɛ 28:22

Yɛbuɛ nga n tɛkɛli i yɛ'n ɔ ´kaci Nyanmiɛn i sɔwlɛ, yɛ like kwlaa ng'ɔ man min'n n ´fɛ i blusu'n m ´mɛn i.»

Bo Bolɛ 31:45

Yɛ Zakɔb fali yɛbuɛ kun takali-ɔ.

1 Famiɛn Mun 11:30

Asiza sɔli i tralɛ uflɛ sɔ'n b'ɔ o i wun'n, ɔ titili nun buebue blu-nin-nnyɔn.

1 Famiɛn Mun 18:31

Yɛ ɔ niannin Zakɔb i wa'm bé nuan'n su fali yɛbuɛ blu-nin-nnyɔn. Zakɔb yɛ Anannganman seli i kɛ: «Be wa flɛ wɔ Izraɛl» nin-ɔn .

Ɛsdras 6:17

Sua'n i nglo yilɛ sɔ nun'n, be kunnin nannin tola ya, bua nene ya nnyɔn'n, bua nga b'a kpɛ cro ya nnan. Yɛ kɛ Izraɛlfuɛ'm be akpasua i nuan'n fa ti'n, be niannin su be kunnin boli blu-nin-nnyɔn bé fa yili Izraɛlfuɛ'm be wunmuan be ti tɛ.

Neemi 10:1

Sa ng'ɔ juli ye su'n i kwlaa ti, é nuan yiali ndɛ kun su. Ndɛ sɔ'n e klɛli. E famiɛn i awlo lɔ sran dandan mun, nin e Levifuɛ mun, nin e Nyanmiɛn nyrun jranfuɛ mun, be fali bé sa nuan nzɔliɛ'n sieli su, nan y'a kata su kpan.

Ezipt Lɔ Tulɛ'n 17:14

Anannganman seli Moiz kɛ: «Klɛ i kwlaa sɔ'n fluwa'n nun nan bé wla ɔ'a fi-man su. Kan kle Zozie kɛ n wa nunnun Amalɛkfuɛ mun. Sran fi wla su kpɛn-man bé su asiɛ'n su wa kun .»

Ezipt Lɔ Tulɛ'n 17:15

Moiz kplannin Nyanmiɛn sɔwlɛ kun, ɔ tɔnnin i dunman kɛ: Alɛ Nun'n, Anannganman Ti Min Nyrun Mmua Dunfuɛ.

Ezipt Lɔ Tulɛ'n 21:1

Anannganman seli ekun kɛ: «Mmla wie mun ekun yɛ, fa be kle Izraɛlfuɛ mun:

Ezipt Lɔ Tulɛ'n 24:7

Ɔ fali aenguɛ nga Nyanmiɛn nin be trali'n i wun fluwa'n nan ɔ'a kanngan nun nvlefuɛ'm be nyrun. Izraɛlfuɛ'm be seli kɛ: «Like kwlaa nga Anannganman waan e `yo'n, e ´nian su e ´yo i sekeseke kpan.»

Ezipt Lɔ Tulɛ'n 28:21

Be `klɛ Zakɔb i mma blu-nin-nnyɔn'm be dunman yɛbuɛ sɔ'm bé su. Be `klɛ bé su kɛ be fa klɛ nzɔliɛ'm be su'n sa. Be `klɛ dunman kun yɛbuɛ kun su, be `klɛ kun yɛbuɛ kun su. Yɛbuɛ sɔ'm be wa yo Izraɛl akpasua blu-nin-nnyɔn'm be nzɔliɛ.

Ezipt Lɔ Tulɛ'n 34:27

Anannganman seli Moiz kɛ: «Klɛ ndɛ nga n kannin be lɛ mun! Afin bé su yɛ n ´jran n ´siesie min nin wɔ yɛ Izraɛlfuɛ mun ye aenguɛ nga e ´tra nin-ɔn.»

Ezai 19:19

I blɛ sɔ nun'n, be wa kplan Nyanmiɛn sɔwlɛ kun Ezipt mɛn'n i afiɛn, yɛ be wa kplan yɛbuɛ kun anyialiɛ'n su Nyanmiɛn i dunman nun.

Saun Yolɛ 24:5

«Fa ble sanmlɛn mlɛnnɛnnɛn kpa `tɔn kpaun paplapa nga be gua-man nun kpaun ayre'n blu-nin-nnyɔn. I blu-nin-nnyɔn'n, fa kilo nsiɛn-nsiɛn yɛ fa tɔn be-ɔ.

Kalɛ 17:2

«Se min nyrun jranfuɛ Aarɔn i wa Eleazar kɛ ɔ `yiyi sɛnmlɛn guawlɛ ninnge bɔ be o sin'n i afiɛn'n nan ɔ `sanndi sɛnmlɛn ng'ɔ o be nun'n guɛ i mmua lɔ. Afin sɛnmlɛn guawlɛ ninnge'm bé ti min liɛ klonglo.

JÉSUS-CHRIST I DYASIN FE'N BO LUC KLELI'N 22:30

nan tabli nga n ´di su min mɛn'n nun lɔ'n, an ´di su wie, yɛ n ´sie amun bia su man be ´fa Izraɛl nvle blu-nin-nnyɔn mun ba amún ja su.»

Galasifuɛ Mun 2:9

Kɛ Zak, nin Sefas, ɔ nin Zan bɔ be tra Asɔnun nun'n be wunnin kɛ Nyanmiɛn bu n sran ɔ fa min sieli junman sɔ'n su'n, be sunmannin min nin Barnabas e nun, ɔ man e wunnin kɛ e nɛn sɛli su kɛ e wɔ be nga be ti-man Zuif'n bé sin nan be kusu be ´kɔ be nga be wla klɛn'n bé sin.

Mmla'n 31:9

Moiz klɛli Nyanmiɛn i mmla'n, ɔ fa mannin Nyanmiɛn nyrun jranfuɛ'm bɔ be ti Levifuɛ'n, bɔ be sua Anannganman i alaka'n. Ɔ fa mannin be ɔ nin Izraɛl kpɛnngbɛn'm be kwlaa.

Zozie 4:20

Zozie man be fali yɛbuɛ blu-nin-nnyɔn nga be fali be Zurdɛn nun'n be fa be siesieli be wiengu su Gilgal lɛ.

Zozie 4:5

nan ɔ'a se be kɛ: «Amun `sin Anannganman amun Nyanmiɛn'n i alaka'n i nyrun, Zurdɛn i afiɛn lɔ, nan amun kwlaa amun `fa yɛbuɛ kunngun amun wati su, akpasua kun yɛbuɛ kun akpasua kun yɛbuɛ kun.

Sa nglô yile 21:14

I wun nga be sili'n, be wlɛli i bo ase nin yɛbuɛ blu-nin-nnyɔn. Be klɛli sran blu-nin-nnyɔn bɔ Bua Gbanflɛn'n sunmannin be'n be dunman su.