Ezipt Lɔ Tulɛ'n 24:3 - NYANMIƐN NDƐ'N 1998

³ Moiz ko kannin ndɛ nga Anannganman kan kleli i'n i kwlaa nin like nga i waan be `yo'n kleli nvlefuɛ mun. Bé kwlaa be kɛnnin i likawlɛ kɛ: «E ´fa Anannganman i mmla'm be kwlaa be su.»

Ezipt Lɔ Tulɛ'n 24:3 ပူးပေါင်းရင်းမြစ်များ

2 Be Nyoliɛ 15:14

Kɛ be ´tɛ i sɔ nda'n Nyanmiɛn nyrun'n, be mannin be nɛn'n su kekle kpa, yɛ be bo sroli. Be fitali nnɛn wɛ'm be nun, yɛ be boli awɛ.

2 Be Nyoliɛ 15:15

Kɛ nda sɔ'n bɔ be tali'n fin be klun lɔ'n ti'n, be klun jɔli dan. Be fali bé wun mantannin Anannganman be klun su yɛ ɔ man ɔ yili i wun nglo kleli be. Yɛ Anannganman man be nga be mantan be lɛ'n, be nin be afiɛn sɛli bue'n kwlaa su.

Jue Mun 50:5

I waan: «Amun `yia min sufuɛ nanwlɛfuɛ mun bɔ be yi sraka be fa tali min nda kɛ be nin min ´tra aenguɛ'n.»

Ezipt Lɔ Tulɛ'n 19:8

Nvlefuɛ'm be kwlaa be tɛli su kɛ: «Like kwlaa nga Anannganman waan e yo'n, e ´yo.» Moiz ko kannin i su nga be tɛli i'n kleli Anannganman.

Ezipt Lɔ Tulɛ'n 24:2

I sin ɔ ngunmin a wa mantan min wa. Nán be nga'm be mantan min wa, yɛ nvlefuɛ'm be kusu nán be fu oka'n su wa wie.»

Ezipt Lɔ Tulɛ'n 24:7

Ɔ fali aenguɛ nga Nyanmiɛn nin be trali'n i wun fluwa'n nan ɔ'a kanngan nun nvlefuɛ'm be nyrun. Izraɛlfuɛ'm be seli kɛ: «Like kwlaa nga Anannganman waan e `yo'n, e ´nian su e ´yo i sekeseke kpan.»

Zeremi 34:13

«Min Anannganman'n bɔ n ti Izraɛl Nyanmiɛn'n min wan yoo: ‹Kɛ n ´fa amun nannan mun Ezipt lɔ kan be yoli afanniɛn lɔ'n m ´ba'n, e nin be e nuan sɛli é wun

Ndɛ Nga Nyanmiɛn I Nuan Ijɔfuɛ Aze Kannin'n 2:5

Aenguɛ nga kɛ amun fin Ezipt be ´ba bɔ e trali'n, i su yɛ e tɛ wo-ɔ. E nin amun e o nun titi. Nán srɛ kun amun.›

Malasi 2:10

?E ngba kwlakwla é si ti-man kun ti-ɔ? ?Nán Anannganman kunngba'n yɛ ɔ jrali ye-ɔ? ?Yɛ wuun ɔ yo sɛ ti yɛ e yo Anannganman nin e nannan'm be aenguɛ nga be trali'n i finfin-ɔn? ?Ɔ yo sɛ ti yɛ e yo e wiengu tɛ-ɔ?

Mmla'n 11:1

Amun `klo Anannganman amun Nyanmiɛn'n, amun `fɛ i mmla fanunfanun'm be kwlaa bé su tititi.

Mmla'n 4:1

Siɛn'n, Izraɛlfuɛ mun, amun `tie mmla fanunfanun nga n fa kle amun'n, amun `fa be su. I liɛ, amun ´tran nguan nun, kpɛkuun mɛn nga Anannganman amun nannan'm be Nyanmiɛn'n fa mannin amun'n, amun ´ko fa.

Mmla'n 4:45

Mmla'n nin atin klelɛ mmla mun, ɔ nin sa'm be nuan su yolɛ mmla mun, Moiz fa be sieli Izraɛlfuɛ'm be nyrun kɛ be fin Ezipt lɔ bali'n.

Mmla'n 4:5

Amun si kɛ mmla fanunfanun nga Anannganman min Nyanmiɛn'n fa mannin min'n yɛ n kusu n fa kleli amun-ɔn. Sɛ amun ju mɛn nga amun ´kɔ i falɛ yɛ'n nun lɔ'n, amun `nian be su `fa nanti.

Mmla'n 5:1

Moiz flɛli Izraɛlfuɛ'm be kwlaa, nan ɔ'a se be kɛ: Izraɛlfuɛ mun, amun `tie mmla fanunfanun nga n ´kan be n ´kle amun ndɛ yɛ'n. Amun `suan be, yɛ amun `nian bé su `nanti.

Mmla'n 5:31

Sanngɛ ɔ liɛ'n, tran mín wun wa, n ´kan ndɛ nin mmla fanunfanun nga a ko kle be'n n ´kle wɔ. Sɛ be ju mɛn nga m'an fa man be kɛ be fa'n i nun lɔ'n, man be nanti su.»

Mmla'n 6:1

«Mmla fanunfanun ng'ɔ o yɛ'n kwlaa Anannganman amun Nyanmiɛn'n waan n `kle amun nan sɛ amun ju mɛn nga amun su kɔ nun yɛ'n nun lɔ'n, amun `fa be su.

Zozie 24:21

Nvlefuɛ'm be tɛli i su kɛ: «Ɔ siɛ! E su yo-man sɔ. E liɛ'n Anannganman yɛ e ´su i-ɔ.»

Zozie 24:22

Zozie seli be kɛ: «Amun bɔbɔ amun ti amun lalofuɛ. Amun bɔbɔ yɛ amun waan amun ´su Anannganman nin-ɔn.» Be tɛli i su kɛ: «Ɛɛn! E ti e bɔbɔ e lalofuɛ.»

Zozie 24:24

Be tɛli i su kɛ: «E ´su Anannganman e Nyanmiɛn'n. E ´fɛ i ndɛ'm be su.»