Ezipt Lɔ Tulɛ'n 24:12 - NYANMIƐN NDƐ'N 1998

¹² Anannganman seli Moiz kɛ: «Fu mín sin oka'n su wa nan jran lɛ. N wa fa yɛbuɛ paplapa bɔ n klɛli mmla'm bé su'n n ´fa man wɔ, nan `fa mmla sɔ mun kle Izraɛlfuɛ mun.»

Ezipt Lɔ Tulɛ'n 24:12 ပူးပေါင်းရင်းမြစ်များ

1 Famiɛn Mun 19:11

Yɛ Anannganman seli i kɛ: «Fite ko jran oka'n su min nyrun lɛ. N wa sin.» Yɛ aunngban dan kpa kun fitali-ɔ. I kekle liɛ'n, be kan-man! Ɔ kpacili oka'm be nun, yɛ ɔ kpukeli yɛbuɛ'm be nun, ɔ dun mmua Anannganman nyrun. Anannganman nun-man nun. Kɛ aunngban sɔ'n sinnin, asiɛ'n kejeli, sanngɛ Anannganman nun-man asiɛ kejelɛ sɔ'n nun.

Ɛsdras 7:10

Ɛsdras sin bɔ Nyanmiɛn'n ´jran'n yɛlɛ kɛ ɔ nian nun suan Anannganman i mmla'n, yɛ ɔ fa su, yɛ ɔ kle Izraɛlfuɛ mun.

Neemi 9:13

A fin nyanmiɛn su lɔ jrali Sinai oka'n su. A kannin ndɛ kleli be. A kleli be sa nuan su yolɛ mmla mun, ɔ nin mmla nga be ti nanwlɛ mun. A fali atin klelɛ mmla mun, nin ɔ ndɛ kpakpa mun sieli be nyrun.

Neemi 9:14

Wɔ man ɔ sufuɛ Moiz kleli be wunmiɛn-delɛ-cɛn* b'ɔ ti wɔ liɛ'n, nin ɔ ndɛ mun, nin wɔ atin klelɛ mmla mun.

Jue Mun 19:12

Anannganman, min bɔ n ti ɔ sufuɛ'n, n nyan bé su ngwlɛlɛ. Sran ng'ɔ fa be su'n, ɔ nyan bé su mmlusuɛ.

Ezipt Lɔ Tulɛ'n 19:3

Moiz fuli oka'n su kɛ ɔ ´ko wun Nyanmiɛn wun. Nyanmiɛn o oka'n i ti su lɔ, ɔ flɛ Moiz seli i kɛ: «Ndɛ ng'ɔ fata kɛ a kan kle Zakɔb i awlo'n bɔ yɛlɛ Izraɛlfuɛ mun'n yɛ:

Ezipt Lɔ Tulɛ'n 24:15

Kɛ Moiz ´fu oka'n su'n, sin wɛnsrɛn kɛtɛli i su bliblibli.

Ezipt Lɔ Tulɛ'n 24:18

Moiz wluli sin wɛnsrɛn'n nun, nan ɔ'a fu oka'n su lɔ. Moiz dili oka'n su lɔ kɔnguɛ ablanan nin wia su ablanan.

Ezipt Lɔ Tulɛ'n 24:2

I sin ɔ ngunmin a wa mantan min wa. Nán be nga'm be mantan min wa, yɛ nvlefuɛ'm be kusu nán be fu oka'n su wa wie.»

Ezipt Lɔ Tulɛ'n 31:18

Blɛ bɔ Anannganman kannin ndɛ kleli Moiz Sinai oka'n su lɔ wieli'n, ɔ mɛnnin i yɛbuɛ paplaapla nnyɔn, bé su yɛ Nyanmiɛn bɔbɔ fɛli i sama klɛli i mmla mun nin-ɔn.

Ezipt Lɔ Tulɛ'n 32:1

Kɛ nvlefuɛ'm be wunnin i kɛ Moiz su cɛ oka'n su lɔ ngboko'n, be ko sin yiali Aarɔn nan b'a se i kɛ: «Jaso, yo amuɛn kun man ye, man ɔ dun mmua e nyrun. Afin Moiz'n, bian sɔ'n b'ɔ fali ye Ezipt lɔ bali'n, e si-man like nga ɔ'a yo i-ɔ.»

Ezipt Lɔ Tulɛ'n 34:1

Anannganman seli Moiz kɛ: «Sɛ yɛbuɛ paplaapla nnyɔn kɛ klikli liɛ'm be sa, yɛ n wa klɛ bé su ndɛ kunngba nga n fa klɛli klikli liɛ nga a bubuli be nun'n bé su'n.

Zeremi 31:33

Anannganman kɛn i ekun kɛ: «Aenguɛ nga cɛn wie e nin Izraɛl nvle'n e ´tra'n yɛ: n ´fa min mmla'n n ´wla be akunndan'n nun. Sɛ n ´kwla se'n, n ´fa klɛ be anwlɛn'n nun. N ´yo be Nyanmiɛn, be kusu be ´yo min sran.

Matthieu 5:19

I sɔ'n ti sran ng'ɔ tɔn mmla i nun kun, kannzɛ i nun kaan kpafuɛ'n bɔbɔ, nan ɔ kle sran'm be kɛ be yo i kunngba sɔ'n, ɔ wa yo be bɔ Nyanmiɛn sie be'n be nun kaan kpa, sanngɛ sran ng'ɔ fa be su, nan ɔ kle sran'm be kɛ be fa su'n, ɔ wa yo be bɔ nyanmiɛn sie be'n be nun sran dan.

2 Korɛntfuɛ Mun 3:3

Be wun kɛ an ti fluwa bɔ Krist klɛ fa sunmannin ye. W'a fa-man kleyɔn a klɛ-mɛn i yɛbuɛ paplapa wie su, sanngɛ ɔ fa Nyanmiɛn b'ɔ lafi-man'n i Wawɛ'n yɛ ɔ fa klɛli i sran'm be anwlɛn'n nun-ɔn .

2 Korɛntfuɛ Mun 3:7

Mmla nga be klɛklɛli i yɛbuɛ'n su'n ɔ man sran wu, sanngɛ i nun nga Nyanmiɛn ´fa man'n, be wunnin i bɔbɔ nyannyannyan. Ɔ ti like b'ɔ wie, sanngɛ ɔ man Moiz nyrun'n yoli nyannyannyan lelele ɔ man Izraɛlfuɛ'm b'a kwla niɛn-mɛn i nyrun a cɛ-man . Sɛ i balɛ'n nun ɔ yoli sɔ'n,

Mmla'n 4:14

I blɛ sɔ'n nun yɛ Anannganman waan n `kle amun mmla fanunfanun nga amun ju mɛn nga amun ´kɔ i falɛ lɛ'n nun lɔ'n amun ko nanti su mun-ɔn.

Mmla'n 5:22

Ndɛ nga Anannganman kan kleli amun kwlakwla oka'n su lɔ'n yɛ ɔ o lɛ-ɔ. Ɔ jrannin sin nin nyanmiɛn ble, ɔ nin aosin ble tuun nun yɛ ɔ kannin-ɔn. Ɔ'a kan-man uflɛ ɔ'a uka-man su. Kɛ ɔ ´kan'n, ɔ kɛnnin i kekle kpa. I sin ɔ klɛli i yɛbuɛ paplaapla nnyɔn su nan ɔ'a fa man min.

Mmla'n 5:31

Sanngɛ ɔ liɛ'n, tran mín wun wa, n ´kan ndɛ nin mmla fanunfanun nga a ko kle be'n n ´kle wɔ. Sɛ be ju mɛn nga m'an fa man be kɛ be fa'n i nun lɔ'n, man be nanti su.»

Hébreu 9:4

Nyanmiɛn sɔwlɛ b'ɔ ti sika ɔkwlɛ'n, bɔ be yra ayre fannin su'n, ɔ nin Nyanmiɛn i alaka, bɔ be klo sika ɔkwlɛ guɛli i wun'n be o lɔ. Sika ɔkwlɛ sɛma'n bɔ mani'n wo nun'n, nin Aarɔn kpɔnman b'ɔ fɛfɛli'n, ɔ nin yɛbuɛ paplaapla bɔ be klɛ aenguɛ nga Nyanmiɛn waan ɔ nin sran'm be ´tra bé su'n, be wo alaka sɔ'n nun .