Ezipt Lɔ Tulɛ'n 24:10 - NYANMIƐN NDƐ'N 1998

¹⁰ Be wunnin Izraɛl Nyanmiɛn'n, i ja'm bé siesie like su. Like sɔ'n ti kɛ like wie yɛ be fali yɛbuɛ kpakpa nga be flɛ i Safir b'ɔ ti nglannglan'n be yoli sa. Ɔ ti ble klanman kɛ nyanmiɛn ble'n sa.

Ezipt Lɔ Tulɛ'n 24:10 ပူးပေါင်းရင်းမြစ်များ

Bo Bolɛ 32:30

Yɛ Zakɔb usɛli i kɛ: «?Yɛ ɔ li, be flɛ wɔ sɛ?» Ɔ tɛli i su kɛ: «?Ɔ yo sɛ ti yɛ a usa min dunman-an?» I sin ɔ yrali i nguan.

Bo Bolɛ 32:31

Zakɔb waan: «N wunnin Nyanmiɛn i nyrun'n weiin sa, sanngɛ m'an wu-man.» I sɔ'n ti, ɔ flɛli lika sɔ'n kɛ Peniɛl. Peniɛl i bo'n yɛlɛ Nyanmiɛn i nyrun'n.

1 Famiɛn Mun 22:19

Mise kɛnnin i ekun kɛ: «N wunnin Anannganman, ɔ ti i famiɛn bia'n su. Nyanmiɛn su lɔfuɛ'm be wo i wun lɛ. Be wie'm be wo i sa fama su, yɛ wie'm be wo i sa bɛ su. Tie ndɛ nga Nyanmiɛn kannin'n .

2 Be Nyoliɛ 6:17

Siɛn'n, Anannganman Izraɛl Nyanmiɛn, man ndɛ nga a kan kleli David b'ɔ ti ɔ sufuɛ'n i su sa'n yo.

Ezipt Lɔ Tulɛ'n 24:11

Nyanmiɛn ɔ'a yo-man Izraɛl awlobo kpɛnngbɛn sɔ'm bé sa fi. Be wunnin Nyanmiɛn weiin, i sin be dili like yɛ be nɔnnin nzan.

Ezipt Lɔ Tulɛ'n 3:6

N ti ɔ si i Nyanmiɛn, n ti Abraam, nin Izaak, nin Zakɔb be Nyanmiɛn.» Moiz kɛtɛli i nyrun, afin ɔ kwla nian-man Nyanmiɛn srɛ b'ɔ kun i'n ti.

Ezipt Lɔ Tulɛ'n 33:20

Kpɛkuun Anannganman kan guali su kɛ: «Sanngɛ a su kwla wun-man min nyrun fuɛ'n, afin sɛ klɔ sran kun sa wun min nyrun'n, ɔ su kwla tran-man nguan nun kun.»

Ezipt Lɔ Tulɛ'n 33:23

I sin n ´yi mín sa'n, kpɛkuun a ´kwla wun min kɔminsin fuɛ'n, sanngɛ a su kwla wun-man min nyrun'n.»

Ngɔjue Fɛfɛ Kpa'n 5:14

I sa'm be ti kɛ sika ɔkwlɛ nga bɔ b'a fa krizoliti b'a wlawla be nun'n sa. I wunnɛn'n ɔ ti kɛ sui je bɔ b'a yo i wun treketreke bɔ b'a fa safir b'a siesie su'n sa.

Ngɔjue Fɛfɛ Kpa'n 6:10

«?Wan yɛlɛ bla ng'ɔ ti i liɛ kɛ wia b'ɔ su tu i bo sa'n? Ɔ ti klanman kɛ anglo ba'n sa. Ɔ ti kɛ wia b'ɔ su kpaja'n sa. Sanngɛ ɔ yo sro kɛ sonja akpasua wie bɔ be titi be flanga'n i bo lɛ'n sa.»

Ngwlɛ Yilɛ 4:7

Famiɛn'm bɔ laa be ti saun Nyanmiɛn nyrun'n, bɔ fiɛn kaan sa nun-man bé wun'n, famiɛn'm bɔ laa be wunnɛn ba sa'n, sɛ i waan ɔ loko'n ɔ loko kɛ likɛ'n, bɔ be nyrun'n ɔ ti sa mlanmlanmlan'n,

Ezekiɛl 1:1

Min afuɛ ablasan'n i anglo nnan'n i cɛn ba nnun su'n, m bɔbɔ min Nyanmiɛn nyrun jranfuɛ Bizi wa Ezekiɛl, n wo Zuif nga be trali be lomuɛn ɔli Kɛbar nzue ba'n i nuan lɔ'n be nun. (N wo lɛ) kpɛkuun n ´wun i-ɔ, nyanmiɛn su lɔ'n ɔ'a tike muaan, yɛ Nyanmiɛn yoli man n wunnin aolia nun ninnge mun. Kɛ be trali famiɛn Zozakim lomuɛn ɔli'n, i afuɛ nnun'n su yɛ i sɔ sa'n yoli-ɔ. Babilɔni mɛn'n nun, Kɛbar nzue ba'n nuan lɛ yɛ Anannganman'n kannin ndɛ kleli min-ɔn. Lɛ yɛ i fanngan'n wluli min nun-ɔn.

Ezekiɛl 10:1

N ´nian Nyanmiɛn su lɔ anz nga be nian Nyanmiɛn i ninnge'm be su'n bé ti su nglo lɔ-ɔ, like kun o lɛ, ɔ ti kɛ yɛbuɛ kpa bɔ be flɛ safir'n sa. I wafa'n ti kɛ famiɛn bia sa.

Daniɛl 10:17

?Ɔ ´yo sɛ nan min bɔ n ti-man like fi'n min nin wɔ bɔ a ti min Min'n y'a ijɔ? Afin kɛ n wo yɛ'n, n lɛ-man fanngan, yɛ n de-man wunmiɛn bɔbɔ.›

Kalɛ 12:8

N kan min ndɛ mun weiin n kle i. N yi mín wun nglo weiin n kle i, n yo-mɛn i nyanndra nun, ɔ wun wafa nga n fa ti'n. ?Yɛ ɔ yo sɛ ti yɛ an kan min sufuɛ sɔ'n i wun ndɛ tɛtɛ bɔ srɛ kaan sa kun-man amun nin-ɔn?»

Matthieu 17:2

I wunnɛn'n kacili be nyrun, i nyrun'n yoli kɛ wia'n bɔ bo'n sa, yɛ i tralɛ'n yoli ufue nyɛnnyɛnnyɛn.

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 14:9

Jésus seli i kɛ : «?Filip, lalaa bɔ min nin amun o wa'n, a nian si-man min? Sran ng'ɔ wun min'n, wuun ɔ'a wun e Si'n. ?Ɔ yo sɛ yɛ a se n kɛ n kle amun e Si nin-ɔn?

Jean 6:46

Nán kɛ sran wie a wun n Si le ti-ɔ, san min bɔ Nyanmiɛn sunmannin min'n, min yɛ m'an wun i le-ɔ.

1 Timote 6:16

I kunngba cɛ yɛ ɔ wu-man-an, ɔ tran lika b'ɔ kpaja nyannyannyan bɔ sran fi kwla mɛntɛn-mɛn i'n nun. Sran fi nian wun-mɛn i le, yɛ be kwla wun-mɛn i. Man be mɛnmɛn i yɛ be si kɛ ɔ ti kwlafuɛ tititi. Man ɔ yo sɔ.

1 Jean 4:12

Sran fi nian wun-man Nyanmiɛn le. Sɛ e klo e wun'n, wuun e nin Nyanmiɛn e ti kun, yɛ klolɛ ng'ɔ man e fa klo sran'n i nyin'n ´fite weiin.

Sa nglô yile 1:16

Nzraama nso wo i sa fama'n nun, yɛ tokofi nnana kpa kun wo i nuan nun. I nyrun'n ti kɛ wia'n b'ɔ fi kpa'n sa .

Sa nglô yile 21:11

Nyanmiɛn wun'n kpaja nyannyan klɔ'n su. Klɔ'n su kpaja kɛ yɛbuɛ kpakpa'n sa. Ɔ fa zasp b'ɔ ti kɛ laglasi bɔ kɛ a nian-an a wun i klun lɔ'n sa.

Sa nglô yile 4:3

Sran ng'ɔ ti su'n i nyrun'n ti nyannyannyan kɛ yɛbuɛ bɔ be flɛ be zasp nin sarduani'n sa. Nyanngondin b'ɔ ti nyannyannyan kɛ yɛbuɛ bɔ be flɛ i emɛrɔd sa'n, ɔ sin yia bia sɔ'n .