Ezipt Lɔ Tulɛ'n 23:8 - NYANMIƐN NDƐ'N 1998

⁸ Nán sɔ adi ninnge nun, afin i sɔ ninnge bɔ be fa man'n, be si sran be nyin, kannzɛ sran'n ti sa sifuɛ kpa bɔbɔ o, be si i nyin. Yɛ be saci nanwlɛ difuɛ'm be ndɛ kanlɛ'n.

Ezipt Lɔ Tulɛ'n 23:8 ပူးပေါင်းရင်းမြစ်များ

Jue Mun 15:5

Sɛ be fɛ sika i sa nun'n, ɔ se-man kɛ be su i bo. Sɛ be waan be ´cɛ i like nan ɔ `tɔn sran nga ɔ'a yo-man sa'n i suɛn'n, ɔ kplin-man su . Sran ng'ɔ yo kɛ nga sa titi'n, ɔ su tɔ-man le nan kɛ ɔ ´yo-ɔ ɔ'a yo.

Jue Mun 26:10

B'a fa bé sa'n b'a yo sa tɛ kpanngban kpa. Adi ninnge'm b'a sɔn-man ngowa bé sa nun.

Nyanndra Mun 15:27

Sran nga i waan ɔ su kpli nyɛn i wun'n, i awlo'n i bolɛ i wun atin yɛ ɔ su kpɛ i lɛ-ɔ. Sran nga kusu bɔ be cɛ i like kɛ ɔ bua ato-ɔ ɔ kplin-man su'n, ɔ ´cɛ cɛcɛcɛ .

Nyanndra Mun 17:23

Sran ng'ɔ ti-man kpa'n, sɛ be mɛn i sika kɛ ɔ jran ndɛ tɛ sin'n, ɔ sɔ nun.

Nyanndra Mun 17:8

Sran'm be bu i kɛ sran like cɛlɛ'n ɔ ti muae like nan be bɔ be yo i sɔ'n, i yɛ man like kwlaa nga be yo'n ɔ yo kpa man be-ɔ.

Nyanndra Mun 19:4

Sikafuɛ'n lɛ janvuɛ kaka. Yalɛfuɛ'n i liɛ ba kun ng'ɔ ka'n, ɔ wanndi i.

Akunndanfuɛ'n 7:7

Sɛ be su kle sran kun nyrɛnnɛn'n, ɔ yo ngwlɛlɛfuɛ'n i ya lele tra su. Adi nga be man'n, ɔ yo man sran di-man nanwlɛ.

Ezai 1:13

Amun `yaci sraka ninnge ngbɛn'm be fa balɛ. Ansans bɔ amun yra be man min'n, ɔ yo min tɛ. Anglo le kun cɛn mun, nin wunmiɛn-delɛ-cɛn mun, ɔ nin cɛn dilɛ uflɛ nga sran'm be kwlaa be yia be di'n, n kwla suan-man bé bo kun sa tɛtɛ bɔ amun nyinfu amun yo be cɛn sɔ'm be nun'n ti.

Ezai 1:23

Ɔ famiɛn'n i awlo lɔ sran dandan mun be yo nyin kekle Nyanmiɛn su. Be nin awiefuɛ'm bé bo ti kun. Adi ninnge'n yɛ be kunndɛ-ɔ, siɛn'n be bɔbɔ yɛ be su sran'm be su kɛ be `wla bé sa bo-ɔ. Be di aika mma'm be ndɛ kwlɛ, angboti mmla'n be ndɛ'n nga be fa blɛ be kɛ be di'n, ɔ ti-man be ndɛ.

Ezai 33:15

Sran ng'ɔ fa mmla'n su'n, b'ɔ yo sa i nuan su'n, b'ɔ klo-man like nga be de i be wue kekle su'n, b'ɔ sɔ-man adi ninnge'm be nun'n mlɔnmlɔn'n, bɔ kɛ be ´kan sran kunlɛ ndɛ be kle i'n ɔ tannin i su'n, b'ɔ kɛtɛ i nyin kɛ ɔ ´yo nan ɔ'a wun-man sa tɛ'n,

Ezai 5:22

Be nga nzan nɔnlɛ'n yɛ ɔ ti be yasua like'n, be nga be waan be `se kɛ be yɛ be ti nzan kekle yifuɛ'm be klikli'n, be yako!

Ezai 5:23

Sɛ sran kun yo sa tɛ'n, kɛ ɔ man be adi'n, kpɛkuun b'a di i ndɛ'n klanman. Sɛ sran wie i ndɛ'n yo fɛ'n, be bu ndɛ'n be yi su.

Ezekiɛl 22:12

Ɔ lɔ'n, be tua sran kalɛ kɛ ɔ ko kun sran. Kɛ be bo sran bosia'n, be kwla-man i asubo'n nun. Be bo be wiengu'm be akpo be fa nyan bé wun. Yɛ min liɛ'n bé wla fi min su mlɔnmlɔnmlɔn. Nga n wunnin i'n yɛ ɔ o lɛ-ɔ.› » Anannganman Nyanmiɛn'n yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:18

Kɛ be wie nzan nɔn cɛ'n, man be fa bé ti be tin i tekle silɛ'n nun. Kuakualɛ yɛ bé su ngbɛn'm be klo i-ɔ.

Amɔs 5:12

«Min Nyanmiɛn, amún sa tɛ nga amu'an yo'n, bɔ ɔ'a bobo su n si be. N si kɛ sran nga ɔ'a yo-man like fi'n, an fa bé nyin be ci i. An kan ndɛ sika nun. Amun ndɛ kanwlɛ lɔ'n, amun bu ndɛ be yi i yalɛfuɛ'm be su.»

Mise 7:3

Sa tɛ'n, b'a yo i lele b'a si i yo kekleke. Kpɛnngbɛn mun nin jɔlɛ difuɛ'm be mianmian sran mun kɛ be man be ninnge mun. Sran dandan'm be kusu be like liɛ kun nga be waan be ´fɛ i sran sa nun'n, be fia-man bé wun, be fɛ i wue kekle su.

Mmla'n 10:17

Yɛlɛ kɛ Anannganman amun Nyanmiɛn'n ɔ ti dan tra amuɛn'm be ngba. Ɔ ti miɛn'm be Miɛn. Ɔ ti Nyanmiɛn Kpli, ɔ lɛ wunmiɛn, ɔ yo sro, ɔ kpa-man sran nun, be cɛ i like kɛ ɔ jran bé sin-ɔn ɔ yo-man ye.

Mmla'n 16:19

Nán amun bu sran fi ndɛ kwlɛ. Nán amun nian sran nyrun nan amu'an bu ndɛ. Nán amun sɔ adi ninnge'm be nun. Afin ninnge sɔ'm be si akunndanfuɛ'm be nyinma. Yɛ be saci nanwlɛ difuɛ'm be ndɛ kanlɛ'n.

1 Samiɛl 12:3

Min yɛ n wo yɛ, Anannganman ɔ nin famiɛn b'ɔ sieli'n be ti min lalofuɛ. Amun `kan sa nga n yoli'n, sɛ n fali sran wie nannin-ɔn, ɔ `kan. Sɛ n fali sran wie i aflunmun-ɔn, ɔ `kan. Sran nga n dili i lufle-ɔ, ɔ `kan. Sran nga n yoli i sa b'ɔ ti-man su-ɔ, ɔ `kan. Sran ng'ɔ mannin min like kɛ n fa nan sɛ ɔ yo sa tɛ-ɔ, n yo kɛ n wun-mɛn i sa'n, sɛ i sɔfuɛ o wa'n man ɔ kan. Like nga n fali'n b'ɔ ti-mɛn i su'n, amun `kan man n yi man amun.»

1 Samiɛl 8:3

Sika klolɛ'n ti, ba sɔ'm b'a nanti-man kɛ bé si sa. Be nga be man be like'n, be yɛ be bu be ndɛ klanman-an.