Ezipt Lɔ Tulɛ'n 23:7 - NYANMIƐN NDƐ'N 1998

⁷ Nán sie ɔ́ su ato ndɛ'm bé bo. Nán kun sran nga ɔ'a yo-man sa tɛ'n, ɔ nin sran kpa'n. Sran ng'ɔ yo i sɔ sa tɛ liɛ'n, n ´tu i fɔ.

Ezipt Lɔ Tulɛ'n 23:7 ပူးပေါင်းရင်းမြစ်များ

Bo Bolɛ 18:23

Abraam wunngeli Anannganman wun lɔ, ɔ usɛli i kɛ: «?Nan a ´kan sran kpa mun nin sran tɛ mun bo nun a ´nunnun be ngba?

Zɔb I Nyrɛnnɛn Wunlɛ 22:23

Sɛ a wa sa ɔ sin nan a nin Nyanmiɛn be nanti'n, ɔ ´yo man a ´jaso. Sa ng'ɔ ti-man su'n, nán kplin su man ɔ tran wɔ awlo'n nun.

Jue Mun 119:29

Yo nan nán n fa gblɛgblɛ'n cici mín ti. Yɛ si min aunnvuɛ, yo man n fa ɔ mmla'n.

Jue Mun 94:21

Be nin sran kpa mun be lɛ i. Be bu sran nga ɔ'a yo-man sa'n i fɔ.

Ezipt Lɔ Tulɛ'n 20:13

Nán kun sran .

Ezipt Lɔ Tulɛ'n 20:16

Nán tɔn ɔ wiengu suɛn .

Ezipt Lɔ Tulɛ'n 23:1

«Nán kan ndɛ ng'ɔ ti ato ndɛ'n sin lika'm be nun. Nán jran sa tɛ yofuɛ'm bé sin, nán yo ato lalofuɛ.

Ezipt Lɔ Tulɛ'n 34:7

N yi min aklunye'n i nglo sran'm be lika lele n fa wlu be anunman'm be anunman liɛ'm be nun lele ju be akpasua akpi su. N yaci bé sa tɛ mun, nin bé nyin kekle, ɔ nin be fɔnlɛ mun n cɛ be. Sanngɛ sran ng'ɔ yo sa tɛ'n, n se-mɛn kɛ ɔ'a yo-man like fi. N tu siɛ'm be fɔ lele fa wlu be mma nin be anunman'm be nun, kpɛkuun ɔ wlu be anunman siansian'm be nun.»

Nyanndra Mun 11:21

Kannzɛ ɔ yo sɛ klunwifuɛ'm be fɔ tulɛ'n ɔ su to fuan-man be. Klun-ufuefuɛ'm be osu'n nun mma'm be liɛ'n, be nyan bé ti. Klunwifuɛ mun ɔ lɛ-man kɛ be su nyan-man be klunwi'n i nuan like.

Nyanndra Mun 17:15

Kɛ Anannganman nyin fa ci sran nga bɔ sɛ i wiengu kun yo i sa-a, ɔ blublu su bɔ i waan nán be se kɛ i yɛ ɔ yoli'n, i kunngba'n yɛ i nyin fa ci sran nga bɔ sɛ i wiengu kun ɔ'a yo-man sa kpɛkuun ɔ kpɛ suɛn tɛ i wun'n .

Ezai 33:15

Sran ng'ɔ fa mmla'n su'n, b'ɔ yo sa i nuan su'n, b'ɔ klo-man like nga be de i be wue kekle su'n, b'ɔ sɔ-man adi ninnge'm be nun'n mlɔnmlɔn'n, bɔ kɛ be ´kan sran kunlɛ ndɛ be kle i'n ɔ tannin i su'n, b'ɔ kɛtɛ i nyin kɛ ɔ ´yo nan ɔ'a wun-man sa tɛ'n,

Ezai 5:20

Be nga be flɛ sa kpa'n kɛ sa tɛ'n, bɔ be flɛ sa tɛ'n kusu kɛ sa kpa'n, be yako! Like ng'ɔ ti tuun'n yɛ be waan ɔ ti weiin-ɔn, like ng'ɔ yo fɛ'n yɛ be waan ɔ yo wi-ɔ, yɛ like ng'ɔ yo wi'n yɛ be waan ɔ yo fɛ-ɔ.

Saun Yolɛ 19:11

Nán amun wua, nán amun kpɛ gblɛ, nán amun di amun wiengu Izraɛlfuɛ kun lufle.

Saun Yolɛ 19:16

Nán amun tɔn amun osufuɛ'm be suɛn. Nán amun fua amun wiengu kun i ti nan amun tɔn i suɛn man be fa ndɛ be yi i su nan be kun i ngbɛn. Min yɛ n ti Anannganman nin-ɔn.

Naɔm 1:3

Anannganman fa-man ya ndɛndɛ, i wunmiɛn'n ti dan. Sran ng'ɔ yo sa tɛ'n, ɔ yaci-mɛn i lɛ ngbɛn. Kɛ ɔ ´sin'n, aunngban dan kun fita, ndutre ng'ɔ ´nanti-ɔ ɔ tu'n, sɛ e ´kwla se'n, yɛlɛ nzue ng'ɔ mlan'n .

JÉSUS-CHRIST I DYASIN FE'N BO LUC KLELI'N 3:14

Sonja'm be kusu be usɛli i kɛ: «?Yɛ e liɛ'n, nguɛ yɛ e `yo-ɔ?» Ɔ seli be kɛ: «Nán an de sran fi like wue kekle su, yɛ nán an tɔn sran suɛn, sanngɛ man amun klun jɔ amun kalɛ nga be fa tua amun'n su.»

Rɔmfuɛ Mun 1:18

Sran'm be nyin b'ɔ yi-man Nyanmiɛn'n nin sa tɛtɛ'n kwlaa bɔ be yo'n ti, Nyanmiɛn kle be kɛ i ya'n wa jaso. Bé sa tɛtɛ yolɛ sɔ'n ti, ɔ man sran'm be wun-man Nyanmiɛn ndɛ'n i nanwlɛ.

Efɛzfuɛ Mun 4:25

I sɔ'n ti'n, an `yaci ato bualɛ'n, an `di nanwlɛ kle amun wiengu, afin e kwlaa e ti sran wunmuan .

Mmla'n 25:1

Sɛ ndɛ tɔ sran nnyɔn be afiɛn'n nan be fa kɔ jɔlɛ difuɛ'm be ja su'n, nán be bu sran nga i ndɛ'n ɔ yo fɛ'n i fɔ, sanngɛ man be bu ndɛ be yi sran nga i ndɛ yo-man fɛ'n i su.

Mmla'n 27:25

«Sran nga be cɛ i like kɛ ɔ `fa nan ɔ `kun sran wie bɔ ɔ'a yo-man sa fi'n, b'ɔ sɔ nun'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

1 Tɛsalonikfuɛ Mun 5:22

an `nian amun wun sa tɛtɛ'n kwlaa be lika.