Ezipt Lɔ Tulɛ'n 23:6 - NYANMIƐN NDƐ'N 1998

⁶ Sɛ sran wie waan a `di i jɔlɛ'n, sɛ ɔ ti yalɛfuɛ bɔbɔ'n, nán niɛn i yalɛ'n ti bu i ndɛ kwlɛ.

Ezipt Lɔ Tulɛ'n 23:6 ပူးပေါင်းရင်းမြစ်များ

2 Be Nyoliɛ 19:7

I sɔ'n ti, amun nyin `yi Anannganman kpa. Like nga amun yo i sa'n, amun `nian su kpa. Yɛlɛ kɛ Anannganman e Nyanmiɛn'n klo-man gblɛgblɛ sa mun nin sran nun kpalɛ'n, ɔ nin adi ninnge nga be fa kaci sran akunndan'n.»

Zɔb I Nyrɛnnɛn Wunlɛ 31:13

?Sɛ n di min sufuɛ yasua wie annzɛ min sufuɛ bla wie i lufle'n, sɛ ɔ fɛ i sɔ sa'n ɔ sie min nyrun nan m'an yo-man ng'ɔ ti su'n m'an mɛn-mɛn i'n,

Nyanndra Mun 18:5

Sran nga b'ɔ yo sa'n, ɔ fata-man kɛ be jrɛn i sin nan be fa ndɛ'n gua sran nga bɔ ɔ'a yo-man sa'n i su.

Nyanndra Mun 22:22

Nán nian kɛ yalɛfuɛ'n lɛ-man sran'n ti de i wun ninnge mun. Sran b'ɔ lɛ-man wie'n, bɔ sɛ jɔlɛ diwlɛ lɔ be su di i ndɛ kwlɛ'n nán jran bé sin.

Nyanndra Mun 31:5

Afin sɛ be nɔn be bo'n, bé wla ´fi mmla'n, yɛ be ´di yalɛfuɛ'm be ndɛ kwlɛ.

Akunndanfuɛ'n 5:8

Asiɛ'n nun like nga be nyɛn i'n ɔ ti sran'm be kwlaa be liɛ. Fie su junman'n yɛ man famiɛn'n ɔ di like-ɔ.

Ezai 5:23

Sɛ sran kun yo sa tɛ'n, kɛ ɔ man be adi'n, kpɛkuun b'a di i ndɛ'n klanman. Sɛ sran wie i ndɛ'n yo fɛ'n, be bu ndɛ'n be yi su.

Zeremi 5:28

Be wunnɛn'n wo be wun, be ti mlanmlanmlan. Sa tɛ'n wie fi nun-man lɛ bɔ be yo-man-an. Be ndɛ nun-man sa i nuan su yolɛ'n ndɛ nun. Like ng'ɔ ti bɔ be yo man aika mun'n, ɔ ti-man be ndɛ, sanngɛ be yɛ be ndɛ'n yo fɛ-ɔ. Like ng'ɔ ti bɔ be yo man yalɛfuɛ mun'n, ɔ ti-man be ndɛ.

Zeremi 6:28

Be kekleke liɛ'n ti kɛ aaba annzɛ blalɛ sa, ɔ lɛ-man be nun kun. Be ti abla difuɛ, be kwlaa be ti sa tɛ yofuɛ.

Zeremi 7:6

sɛ an yo-man aofuɛ nin aika ba, ɔ nin angboti bla'm be tɛtɛ'n, sɛ an yaci sran nga b'a yo-man sa'm be kunlɛ lika nga nun wa'n,

Saun Yolɛ 19:15

Nán amun bu ndɛ kwlɛ. Nán amun nian kɛ sran nga ti yalɛfuɛ'n ti amun ´bu ndɛ yi i su. Nán amun nian kɛ sran nga kusu ti sikafuɛ'n ti amun ´jrɛn i sin. Sanngɛ kɛ ndɛ'n fa ti'n, yɛ amun `fa kan man amun wiengu mun-ɔn.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Mmla'n 16:19

Nán amun bu sran fi ndɛ kwlɛ. Nán amun nian sran nyrun nan amu'an bu ndɛ. Nán amun sɔ adi ninnge'm be nun. Afin ninnge sɔ'm be si akunndanfuɛ'm be nyinma. Yɛ be saci nanwlɛ difuɛ'm be ndɛ kanlɛ'n.

Mmla'n 27:19

«Sran ng'ɔ bu aofuɛ annzɛ aika ba, annzɛ angboti bla be lufle'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

1 Samiɛl 8:3

Sika klolɛ'n ti, ba sɔ'm b'a nanti-man kɛ bé si sa. Be nga be man be like'n, be yɛ be bu be ndɛ klanman-an.