Ezipt Lɔ Tulɛ'n 23:2 - NYANMIƐN NDƐ'N 1998

² Sran wie bé bo yo kun be yo sa tɛ. Nán nian kɛ be ti kpanngban ti a se kɛ a su be su yo wie. Sran wie'm be kusu be di ndɛ i wafa b'ɔ ti-man su'n. Nán jran bé sin.

Ezipt Lɔ Tulɛ'n 23:2 ပူးပေါင်းရင်းမြစ်များ

Bo Bolɛ 19:4

Be nian ɔ-man lalɛ kpɛkuun Sodɔm klɔ'n su yasua mun, i gbanflɛn mun o, i kpɛnngbɛn mun o, ɔ lɛ-man be nun kun, be kwlakwla'n b'a a bo b'a sin b'a yia sua'n.

Bo Bolɛ 6:12

Nyanmiɛn ´nian asiɛ nin-ɔn, ɔ wunnin kɛ ɔ'a wie saci. I su sran'm be kwlakwla b'a wie saci kpan.

Bo Bolɛ 7:1

Anannganman seli Noe kɛ: «A nin wɔ awlofuɛ mun an `wlu mmeli'n nun afin ɔ blɛ sufuɛ'm be kwlakwla be nun'n, wɔ kunngba yɛ n wun kɛ a nin min mantan-an.

1 Famiɛn Mun 19:10

Eli tɛli i su kɛ: «Anannganman, a ti mɛn wunmuan'n i Nyanmiɛn. Kɛ n klo wɔ'n, i ti n kwla suan-man sa nga Izraɛlfuɛ'm be yo'n i bo kun. Aenguɛ nga a nin be trali'n, b'a yi i ase, be bubuli wɔ sɔwlɛ mun, be kunnin ɔ nuan ijɔfuɛ mun. N kunngba bɔ m'an ka'n, be kunndɛ kɛ be ´kun min .»

Zɔb I Nyrɛnnɛn Wunlɛ 31:34

kɛ ɔ ´yo nan nzrafuɛ'm b'a ti-man'n ti, annzɛ kɛ ɔ ´yo nan sran'm b'a yo-man min finfin'n ti? ?M muannin mín nuan? ?M'an fite-man gua su?

Jue Mun 72:2

Man ɔ di ɔ sran'm be jɔlɛ nin nanwlɛ. Man ɔ bu yalɛfuɛ'm be ndɛ mun i atin su kɛ ɔ fata'n sa.

Nyanndra Mun 1:15

Mín wa, atin nga be ´fɛ i lɛ'n, nán a nin be wɔ. Kaci ɔ́ sin si be.

Nyanndra Mun 18:5

Sran nga b'ɔ yo sa'n, ɔ fata-man kɛ be jrɛn i sin nan be fa ndɛ'n gua sran nga bɔ ɔ'a yo-man sa'n i su.

Nyanndra Mun 4:14

Klunwifuɛ'm be sinwlɛ liɛ'n nán fa su wie, sran nga i klun ti tɛ'n, i atin liɛ'n, nán ɔ́ ja kpɛn nun.

Zeremi 37:15

Kɛ i su kpɛn'm be tili i sɔ'n, be fali ya Zeremi wun nan b'a bo i b'a wlɛ i bisua fluwa klɛfuɛ Zonatan i sua lɔ. I blɛ sɔ nun'n, wuun b'a fa sua sɔ'n b'a yo bisua.

Zeremi 37:21

Nan famiɛn Sedesias man b'a sie Zeremi gladi difuɛ'm be awlo'n nun lɛ. I waan be `niɛn i lika nan cɛn kwlaa be mɛn i kpaun kukluku kun. Be tɔn kpaun sɔ'n kpaun tɔnfuɛ'm be atin'n su lɔ. Man ɔ di lele san be nyan-man kpaun klɔ'n nun kun. Nan Zeremi ɔ'a ka gladi difuɛ'm be awlo'n nun.

Zeremi 38:9

«Nannan, be nga be fali Zeremi yili i nzue gbo nun'n, b'a yo-man sa kpa mlɔnmlɔn. Sɛ ɔ ka lɔ-ɔ, awe'n ´kun i, ɔ ´wu, afin kpaun ba kun sa nun-man klɔ'n nun kun.»

Ezekiɛl 9:9

Ɔ tɛli min su kɛ: «Izraɛlfuɛ mun nin Zidafuɛ'm bé sa tɛ'n ɔ'a yo dan kpa. Mɛn'n i lika'n kwlaa nun ɔ ti sran kunlɛ'n bɔ cɛ. Be yo-man sa ng'ɔ ti i nuan su'n kun klɔ'n nun. Afin be ndɛ nga be kan'n yɛlɛ kɛ: ‹Anannganman'n nin e mɛn'n nun-man nun kun. Anannganman'n wun-man ye.

Saun Yolɛ 19:15

Nán amun bu ndɛ kwlɛ. Nán amun nian kɛ sran nga ti yalɛfuɛ'n ti amun ´bu ndɛ yi i su. Nán amun nian kɛ sran nga kusu ti sikafuɛ'n ti amun ´jrɛn i sin. Sanngɛ kɛ ndɛ'n fa ti'n, yɛ amun `fa kan man amun wiengu mun-ɔn.

Ndɛ Nga Nyanmiɛn I Nuan Ijɔfuɛ Aze Kannin'n 1:4

B'a wlawla bé sua liɛ'm be nun ninnge kpakpa mun, sanngɛ m bɔbɔ min Anannganman mín sua liɛ'n ɔ'a bubu. ?Kɛ be yo i sɔ lɛ'n, ɔ nin i fata?› »

Marc 15:15

Kɛ Pilat klo kɛ ɔ ´yo sa ng'ɔ yo sran'm be fɛ ti'n, ɔ man ɔ yacili Barabas nun mannin be. Kɛ ɔ yoli bɔ be boli Jésus nin ngble'n, ɔ fɛ i mannin be kɛ be ko bobo i waka'n su .

Sa nga bé yôli'n 24:27

Ɔ yo i sɔ lele ɔ dili afuɛ nnyɔn. Pɔrsiis Fɛstis wa kacili i. Feliks klo kɛ ɔ ´yo Zuif'm be klun sa, i ti ɔ yacili Pɔl bisua'n nun lɛ.

Sa nga bé yôli'n 25:9

Kɛ Fɛstis waan ɔ ´yo Zuif'm be klun sa'n ti, ɔ usali Pɔl kɛ: «?A klo kɛ a kɔ Zerizalɛm kɛ be di wɔ jɔlɛ'n ń ja su lɔ?»

Rɔmfuɛ Mun 1:32

Be si kɛ be klɛli i Nyanmiɛn mmla'n nun kɛ sran ng'ɔ yo i sɔ sa'n, ɔ nin kunlɛ fata, sanngɛ be yo, yɛ kɛ sran wie'm be yo sa kunngba sɔ'n, ɔ yo be fɛ.

Mmla'n 1:17

Nán amun nian sran'm be nyrun be bu ndɛ. Amun `tie sran ng'ɔ lɛ-man nyrun'n i ndɛ'n kɛ amun fa tie sran dan'n i liɛ'n sa. Nán amun yo srongble. Nyanmiɛn dunman nun yɛ amun di ndɛ mun-ɔn. Ndɛ nga amun nian nan amun kwlɛ-mɛn i di'n, amun wa `kan kle min.

Mmla'n 16:19

Nán amun bu sran fi ndɛ kwlɛ. Nán amun nian sran nyrun nan amu'an bu ndɛ. Nán amun sɔ adi ninnge'm be nun. Afin ninnge sɔ'm be si akunndanfuɛ'm be nyinma. Yɛ be saci nanwlɛ difuɛ'm be ndɛ kanlɛ'n.

Mmla'n 24:17

Nán amun bu aofuɛ annzɛ aika ba'n i ndɛ kwlɛ. Nán amun fa angboti bla'n i kondro'n wla aowa.

Zozie 24:15

Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»

1 Samiɛl 15:24

Sail tɛli Samiɛl su kɛ: «M'an yo sa tɛ, m'an fa-man Anannganman nin wɔ amún nuan ndɛ'n su. Srɛ kunnin min sran'm bé wun yɛ man n yoli nga be seli min nin-ɔn.

1 Samiɛl 15:9

Sail nin i sa nun sran'm be yacili Agag lɛ. Nannin kpakpa mun, nin bua kpakpa mun, nin nnɛn nin nannin ba nga b'a lo mun, nin ninnge nga be ti kpa mun be yacili be lɛ, b'a saci-man be. San nga bɔ be bɔn-man like fi'n, bɔ be fa-a, ɔ fa-man'n, yɛ be nunnunnin be-ɔ.