Ezipt Lɔ Tulɛ'n 22:9 - NYANMIƐN NDƐ'N 1998

⁹ Sɛ sran kun man i wiengu nnɛn wie kɛ ɔ tɛ i, sɛ aflunmun o, sɛ nannin o, sɛ bua o, sɛ boli o, sɛ nnɛn uflɛ wie o, nan sɛ nnɛn sɔ'n wu'n, annzɛ like wie bu i ja'n, annzɛ kusu ɔ tu anunman nan sran fi ɔ'a wun-man nun'n,

Ezipt Lɔ Tulɛ'n 22:9 ပူးပေါင်းရင်းမြစ်များ

Bo Bolɛ 31:39

Sɛ nnɛn wlɛfuɛ wie tra ɔ nnɛn'n wie titi i nun'n, n fa kle-man wɔ, n fa m bɔbɔ n liɛ'n wie n sie i osu. Sɛ be wua nnɛn'n wie wia nun o, sɛ kɔnguɛ o, a yo man n yi m man wɔ.

1 Famiɛn Mun 8:31

Sɛ be waan sran wie ɔ'a yo i wiengu sa'n nan be miɛn i kɛ ɔ ta nda'n, sɛ ɔ wa ta nda sɔ'n ɔ sɔwlɛ'n nyrun lɛ sua nga nun wa'n,

2 Be Nyoliɛ 19:10

Blɛ bɔ amun niaan nga be o be klɔ'm bé su be wa kan sa wie kle amun'n, sɛ sran kunlɛ ndɛ o, sɛ mmla fanunfanun'n wie su ndɛ o, amun `yiyi sa sɔ'n nun wein-wein kle be. I liɛ'n, be su fɔn-man Anannganman wun, yɛ Anannganman su fa-man amun nin amun niaan'm bé wun ya. Amun `yo kɛ ng'ɔ o lɛ'n sa, i liɛ'n, amun su fɔn-man.

Ezipt Lɔ Tulɛ'n 22:10

man sran ng'ɔ ta nnɛn'n fa Anannganman i dunman ta nda nun kɛ nɛ́n i yɛ ɔ wuali i wiengu kun'n i nnɛn nin-ɔn. Man sran ng'ɔ lɛ nnɛn'n lafi nda nga i niaan'n tali'n su, nán man i wiengu'n sie i nnɛn'n i osu.

Ezipt Lɔ Tulɛ'n 22:28

Amun fie'm be su ninnge be mma klikli'n, ɔ nin amun vinyi mma klikli'n, amun `fa blɛ min ndɛndɛ, nán man ɔ cɛ. Amun `fa amún wa yasua klikli mun be wla min sa nun.

Ezipt Lɔ Tulɛ'n 22:4

Sɛ sran kun yaci i nnɛn'm be lɛ be ko di sran wie i fie su like'n, annzɛ be ko saci vinyi fie kun'n, man ɔ fɛ i fie liɛ'n su lɔ ninnge kpakpa ng'ɔ nyɛnnin i'n, annzɛ i vinyi mma kpakpa ng'ɔ titili be i vinyi fie'n nun lɔ'n, ɔ `fa sie sran sɔ'n i liɛ'n i osu.

Saun Yolɛ 6:5

Sin ng'ɔ o min sɔwlɛ'n su b'ɔ jue'n, nán man ɔ nuan. Nglɛmun kwlaa man min nyrun jranfuɛ'n gua su yie, i su yɛ ɔ `dun mmua sie nnɛn nga be ´fa yi tɛ-ɔ be yrɛ i'n, kwlaa nan ɔ'a yra bo kun yolɛ i su tɛ'n i nnɛn lui'n.

Matthieu 18:15

«Sɛ ɔ niaan kun yo wɔ sa'n, flɛ i aamiɛn kan kle i. Sɛ ɔ wun i wlɛ'n, wuun w'a nyan ɔ niaan'n.

Matthieu 18:35

Sɛ an yaci-man amun wiengu'm bé sa bɔ be yo amun'n cɛ-man be amun klun-ufue su'n, kɛ min si b'ɔ o nyanmiɛn su lɔ'n ɔ wa yo amun sɔ-ɔ.»

Mmla'n 25:1

Sɛ ndɛ tɔ sran nnyɔn be afiɛn'n nan be fa kɔ jɔlɛ difuɛ'm be ja su'n, nán be bu sran nga i ndɛ'n ɔ yo fɛ'n i fɔ, sanngɛ man be bu ndɛ be yi sran nga i ndɛ yo-man fɛ'n i su.