Ezipt Lɔ Tulɛ'n 22:30 - NYANMIƐN NDƐ'N 1998

³⁰ Amun `yo min liɛ klonglo, ɔ man nán amun di nnɛn nga i wiengu nnɛn tɛ wie ɔ'a kun i fie su lɔ'n, amun `fa man alua mun man be di.»

Ezipt Lɔ Tulɛ'n 22:30 ပူးပေါင်းရင်းမြစ်များ

Bo Bolɛ 17:12

Amun osu-osu'n kwlaa nun ba yasua kwlaa ng'ɔ ko di le mɔcuɛ'n man be wlɛ i klɛn. Sɛ ɔ ti awlo ba o, sɛ sran wie yɛ a toli i b'ɔ ti-man wɔ akpasua sufuɛ o, be `wlɛ i klɛn.

Ezipt Lɔ Tulɛ'n 13:12

amun `fa amún wa yasua klikli'm be mɛn i. Amun nnɛn'm bé wa yasua klikli'm be kusu be ti i liɛ.

Ezekiɛl 4:14

Yɛ n seli kɛ: «Ee! Anannganman Nyanmiɛn, n nian di-man like fiɛn le. Kɛ ɔ fɛ i min kaan nun lele b'ɔ ´fa ju yɛ'n, n nian di-man nnɛn ng'ɔ wuli i sa su annzɛ nga i wiengu nnɛn wie kunnin i'n le. Like fiɛn'n i wie nian wlu-man mín nuan nun le .»

Saun Yolɛ 11:44

M bɔbɔ min yɛ n ti Anannganman amun Nyanmiɛn nin-ɔn, amun `siesie amun nin min ye afiɛn. Min nzuɛn nin klɔ sran liɛ'n ti-man kun. I sɔ'n ti man amun nzuɛn liɛ'n ɔ ´fa min liɛ'n. I sɔ'n ti nnɛn nga bɔ be cuɛn be wun ase'n, nán amun kan be nan fiɛn ɔ'a kan-man amun.

Saun Yolɛ 11:45

M bɔbɔ min Anannganman'n, min yɛ n fali amun Ezipt mɛn'n nun lɔ m bali-ɔ. Min waan n ´fa amun m ´ba nan n ´yo amun Nyanmiɛn. Min nzuɛn nin klɔ sran liɛ'n ti-man kun. I sɔ'n ti man amun nzuɛn liɛ'n ɔ fa min liɛ'n .»

Saun Yolɛ 12:3

I le mɔcuɛ'n su'n, kpɛkuun b'a wla ba'n i klɛn .

Saun Yolɛ 17:15

Sɛ nnɛn wie wuli i sa su'n, sɛ wie kusu-ɔ blo nnɛn wie kunnin nnɛn'n, nan Izraɛlfuɛ kun annzɛ kusu aofuɛ wie b'ɔ tran Izraɛl wa'n, ɔ di i nnɛn'n, man i sɔ sran'n ɔ kpu i wun tralɛ mun nan i bɔbɔ'n ɔ `wunnzin. Sanngɛ kɛ ɔ ´yo sɔ'n, wuun ɔ tɛ o fiɛn nun lele sɛnzɛ'n ´fa tɔ kwlaa nan i wun ɔ'a sa.

Saun Yolɛ 22:27

«Sɛ nannin ba o, sɛ bua ba o, sɛ i kusu boli ba o, kɛ be wu i'n, man ɔ kɛ i nin bo wun cɛn ba nso, i cɛn ba mɔcuɛ'n su'n, sɛ be waan be ´fa yi tɛ nga be yrɛ i nnɛn'n kɔlikɔli'n, n ´sɔ nun.

Saun Yolɛ 22:8

Nnɛn nga b'ɔ wu i sa su'n, wie kusu-ɔ bɔ blo nnɛn wie yɛ ɔ kunnin i'n, ɔ fata-man kɛ min nyrun jranfuɛ kun di i nnɛn nan ɔ fɛ i wun wla fiɛn nun. Min yɛ n ti Anannganman nin-ɔn.

Saun Yolɛ 7:23

ɔ kan ndɛ yɛ mun kle Izraɛlfuɛ mun. I waan: «Like nga be flɛ i kɛ nnɛn lui'n, sɛ ɔ wie nannin lui o, bua lui o, boli bla lui o, nán amun di i mlɔnmlɔn.

Saun Yolɛ 7:24

Nnɛn nga bɔ sɛ ɔ wuli i sa su o, sɛ kusu i wiengu nnɛn wie yɛ ɔ kunnin i o, like kwlaa nga amun waan amun fɛ i lui'n be ´yo'n, amun `fa yo. Sanngɛ nán amun di.

Saun Yolɛ 7:26

Kan kwlaa bɔ amun tran'n, ɔ fata-man kɛ amun di anunman kun sa i mmoja, ɔ fata-man kɛ amun di nnɛn kun sa i mmoja .

Mmla'n 14:21

Nán amun di nnɛn fuɛn. Amun `fa man aofuɛ nga be tran amun afiɛn mun man be di, annzɛ kusu amun `yo i atɛ aofuɛ wie'm bé sa nun. Amun liɛ'n, amun ti Anannganman amun Nyanmiɛn'n i nvle nun sran mun, amun ti i liɛ klonglo. Nán amun tɔn boli ba i nin i nyɔnflɛn nzue'n nun.

Mmla'n 15:19

Amun nannin mun, nin amun bua mun, nin amun boli'm be talua ba yasua mun'n, amun `fa be sie be ngunmin nan amun `fa man Anannganman amun Nyanmiɛn'n. Nán amun fa amun nannin tola ng'ɔ ti talua ba'n be fa di junman. Amun bua nga be ti talua ba yasua'n kusu, nán amun kpɛkpɛ be ndrɛ'n.