Ezipt Lɔ Tulɛ'n 22:26 - NYANMIƐN NDƐ'N 1998

²⁶ afin i wun katalɛ like bɔ ɔ lɛ i'n yɛlɛ kunngba ng'ɔ o lɛ'n. Sɛ be de i sa nun'n, nzu yɛ ɔ ´fa kɛtɛ i su nan ɔ'a la-a? Sɛ ɔ kpan flɛ min'n, n ´tɛ i su, afin n ti aunnvuɛsifuɛ.

Ezipt Lɔ Tulɛ'n 22:26 ပူးပေါင်းရင်းမြစ်များ

Zɔb I Nyrɛnnɛn Wunlɛ 22:6

A de ɔ wiengu'm be aowa ngbɛn. A de wie'm be wun kondro'n, be ka be wun kplɛn.

Zɔb I Nyrɛnnɛn Wunlɛ 24:3

Be fa aika'm be aflunmun'n kɔ. Be tra angboti bla'm be nannin'n be fa wla aowa.

Zɔb I Nyrɛnnɛn Wunlɛ 24:7

Be la be wun kplɛn, nán kondro kan-an. Be lɛ-man like be kata-man bé wun, be la ayrɛ flɔlɔ'n nun.

Zɔb I Nyrɛnnɛn Wunlɛ 24:9

Be kpɛ aika ba'n i nyɔnflɛn kekle nun. Be fa yalɛfuɛ'n i sa nun ninnge'n be wla aowa.

Zɔb I Nyrɛnnɛn Wunlɛ 34:28

Be yoli man afɛfuɛ mun nin yalɛfuɛ'm be kpan flɛli Nyanmiɛn. Nyanmiɛn kusu tili be aunnvuɛ kpanlɛ'n .

Jue Mun 10:14

A wun nyrɛnnɛnfuɛ'm be afɛ'n nin be nyrɛnnɛn'n. A yaci-man be nga afɛ nin nyrɛnnɛn'n wo bé su'n be lika nianlɛ. Ɔ su yɛ nyrɛnnɛnfuɛ'm be kisa-a. Wɔ yɛ a uka aika mun-ɔn.

Jue Mun 34:7

Sɛ yalɛfuɛ wie kpan flɛ Anannganman'n, ɔ ti, yɛ ɔ man nyrɛnnɛn ng'ɔ o i su'n ɔ wie.

Nyanndra Mun 20:16

Sɛ sran nga bɔ a si-mɛn i bɔ i waan ɔ ´usa afɛ ɔ́ sa nun'n, sran ng'ɔ jran nun'n bɔ a si i'n, man ɔ fɛ i wun tralɛ'n wla nun aowa.

Nyanndra Mun 22:27

Afin sɛ w'a nyan-man sika w'a tannin-man'n, ɔ́ bo bɛ nga a la su'n, be ´de. Sɛ ɔ wie ɔ́ wun kondro'n bɔbɔ-ɔ, be ´de.

Ezekiɛl 18:16

sɛ ɔ bo-man sran akpo'n, sɛ ɔ wua-man sran'n, sɛ sran ɔ wa fa sika i sa nun'n nan ɔ se-man sran sɔ'n kɛ ɔ wla aowa'n, sran ng'ɔ nyan-man like di-man'n, sɛ ɔ mɛn i wie'n, sran ng'ɔ lɛ-man tralɛ'n, sɛ ɔ mɛn i wie'n,

Ezekiɛl 18:7

Ɔ bo-man sran akpo, yɛ ɔ wua-man sran fi. Sran nga i kalɛ o i su sɛ ɔ wlali nun aowa'n, ɔ yi i aowa sɔ'n mɛn i. Sran ng'ɔ nyan-man like di-man'n, ɔ mɛn i wie, ng'ɔ lɛ-man tralɛ'n, ɔ mɛn i wie.

Ezekiɛl 33:15

Sɛ ɔ yi like nga be fa wlali aowa man'n, sɛ like ng'ɔ wuali ɔ sie i osu'n, sɛ ɔ fa mmla nga be man nguan'n be su'n, nan ɔ yo-man sa ng'ɔ ti-mɛn i su'n, ɔ ´nyɛn i ti, ɔ su wu-man.

Amɔs 2:8

Lika kwlaa bɔ be sɔ be amuɛn'm be lɛ'n, yalɛfuɛ'm bé wun ninnge nga be fa wlali aowa bé sa nun'n yɛ be sɛ be la su-ɔ. Nzan nga be dede i be sran'm bé sa nun'n, yɛ be nɔn i be amuɛn sua'm be nun-ɔn.

Mmla'n 24:17

Nán amun bu aofuɛ annzɛ aika ba'n i ndɛ kwlɛ. Nán amun fa angboti bla'n i kondro'n wla aowa.

Mmla'n 24:6

Be kwla fa-man sran kun i ble silɛ yɛbuɛ nin'n wla-man aowa, yɛbuɛ ba'n bɔbɔ be kwla fa-man. Sran ng'ɔ fɛ i sɔ'n, wuun be se kɛ ɔ'a fa sran sɔ'n i nguan'n bɔbɔ ɔ'a wla aowa.