Ezipt Lɔ Tulɛ'n 22:25 - NYANMIƐN NDƐ'N 1998

²⁵ Sɛ a fa ɔ wiengu kun i tralɛ kɛ aowa sa'n, dun mmua fa mɛn i nan wia'n ɔ'a tɔ,

Ezipt Lɔ Tulɛ'n 22:25 ပူးပေါင်းရင်းမြစ်များ

2 Famiɛn Mun 4:1

Le kun Nyanmiɛn i nuan ijɔfuɛ'm be nun kun i angboti'n ko sun kleli Elize. I waan: «A si kɛ mín wun'n suli Anannganman kpa, yɛ ndɛ ɔ nun-man nun kun. Kpɛkuun sran nga e fali like i sa nun'n, ɔ'a ba mín mma'm be falɛ. I waan ɔ ´fa be ko yo i kanga mun.»

2 Famiɛn Mun 4:7

Nan bla'n ɔ'a ko kan sa ng'ɔ juli'n ɔ'a kle Nyanmiɛn i sran'n. Nyanmiɛn i sran'n seli i kɛ: «Kɔ, ko yo ngo'n i atɛ. Fɛ i sika'n tannin kalɛ b'ɔ wo ɔ su'n, nan a nin ɔ mma mun amun `fa sika i onga'n amun `fa to like be di.»

Neemi 5:7

Yɛ m buli akunndan kɛ n ´ijɔ kpɛnngbɛn nin jɔlɛ difuɛ mun trɔ nga be fa jin be niaan'm be ti su'n i dan'n ti. Nan m'an kle anyia cɛn sa sɔ'n ti .

Jue Mun 15:5

Sɛ be fɛ sika i sa nun'n, ɔ se-man kɛ be su i bo. Sɛ be waan be ´cɛ i like nan ɔ `tɔn sran nga ɔ'a yo-man sa'n i suɛn'n, ɔ kplin-man su . Sran ng'ɔ yo kɛ nga sa titi'n, ɔ su tɔ-man le nan kɛ ɔ ´yo-ɔ ɔ'a yo.

Nyanndra Mun 28:8

Sɛ sran kun ɔ nyɛn i wun sran'm be asubo manlɛ nun, i bo ninnge ɔ ´yo be nga be si yalɛfuɛ'm be aunnvuɛ'n be liɛ .

Zeremi 15:10

Ee! ?Min mmo, ɔ yo sɛ yɛ man a wuli min b'ɔ m'an wun nyrɛnnɛn sa-a? Mɛn'n nun sran'm be kwlaa be yi min blo, be klo-man min sa, be nin min lɛ i. N nian bo-man sran bosia le, kusu n nian usa-man kɛ sran bo min bosia le, sanngɛ sran kwlaa kpɛ min nzowa.

Ezekiɛl 18:13

Kɛ ɔ bo sran bosia'n, ɔ kunndɛ asubo nin bosia'n sɔ'n i su mmlusuɛ. ?Sran kɛ nga sa'n, ɔ nin nguan nyanlɛ ɔ fata? Cɛcɛ! Sa nga b'ɔ be ti tɛtɛ'n ɔ yo i kwlaa kpan. Ɔ wa wu, yɛ i ndɛ'n ɔ ´kɛ i bɔbɔ su.

Ezekiɛl 18:17

sɛ ɔ fɛ-mɛn i wun wla-man sa ng'ɔ ti-mɛn i nuan su'n i yolɛ nun'n, sɛ ɔ bo sran bosia'n, nan ɔ kunndɛ-man asubo'n, sɛ ɔ fa mín nuan su ndɛ nin min mmla nga n kpɛli'n be su'n, i sɔ sran liɛ'n, sɛ i si yoli sa tɛ'n, nɛ́n i ti yɛ ɔ wa wu-ɔ. Ɔ ´nyan nguan.

Ezekiɛl 18:7

Ɔ bo-man sran akpo, yɛ ɔ wua-man sran fi. Sran nga i kalɛ o i su sɛ ɔ wlali nun aowa'n, ɔ yi i aowa sɔ'n mɛn i. Sran ng'ɔ nyan-man like di-man'n, ɔ mɛn i wie, ng'ɔ lɛ-man tralɛ'n, ɔ mɛn i wie.

Ezekiɛl 18:8

Sɛ ɔ bo sran bosia, ɔ kunndɛ-man asubo. Ɔ yo-man sa ng'ɔ ti-mɛn i nuan su'n. Sɛ ɔ ´di jɔlɛ'n, o bu ndɛ nanwlɛ, ɔ jran-man sran sin.

Ezekiɛl 22:12

Ɔ lɔ'n, be tua sran kalɛ kɛ ɔ ko kun sran. Kɛ be bo sran bosia'n, be kwla-man i asubo'n nun. Be bo be wiengu'm be akpo be fa nyan bé wun. Yɛ min liɛ'n bé wla fi min su mlɔnmlɔnmlɔn. Nga n wunnin i'n yɛ ɔ o lɛ-ɔ.› » Anannganman Nyanmiɛn'n yɛ ɔ kan sɔ-ɔ.

Amɔs 2:8

Lika kwlaa bɔ be sɔ be amuɛn'm be lɛ'n, yalɛfuɛ'm bé wun ninnge nga be fa wlali aowa bé sa nun'n yɛ be sɛ be la su-ɔ. Nzan nga be dede i be sran'm bé sa nun'n, yɛ be nɔn i be amuɛn sua'm be nun-ɔn.

Matthieu 25:27

?B'ɔ li a si sɔ'n, sɛ ɔ ti kɛ a fali n sika'n ko mannin sika siefuɛ mun'n, wuun kɛ n sa n sin bali'n, bɔ n ´ko fa'n, wuun n nyan-man su nvasuɛ?

JÉSUS-CHRIST I DYASIN FE'N BO LUC KLELI'N 19:23

?B'ɔ li a si sɔ'n, nguɛ ti yɛ a fa-man sika'n a ko man-man sika siefuɛ wie-ɔ? Sɛ a yoli i sɔ'n, wuun kɛ m bali bɔ n ´ko fa'n n ´nyan su nvasuɛ.›

Mmla'n 15:7

Sɛ amun niaan yalɛfuɛ kun wo amun afiɛn mɛn nga Anannganman amun Nyanmiɛn'n ɔ'a fa man amun'n nun'n klɔ wie su'n, sɛ ɔ usa amun afɛ'n, nán amun kete amun anwlɛn'n, amun `bo i bosia ng'ɔ usa'n.

Mmla'n 24:13

Kɛ sɛnzɛ'n ɔ tɔ cɛ'n, amun `fɛ i kondro'n `ko mɛn i man ɔ la fa kɛtɛ i su nan ɔ yra amun nguan. Sɛ amun yo i sɔ'n, sa kpa dan kun yɛ amu'an yo i Anannganman amun Nyanmiɛn'n i nyrun lɛ-ɔ.