Ezipt Lɔ Tulɛ'n 22:24 - NYANMIƐN NDƐ'N 1998

²⁴ Sɛ min nvle'n i nunfuɛ kun b'ɔ ti yalɛfuɛ'n ɔ wa usa bosia ɔ sa nun'n, nán yo i kɛ sran bɔ sran sika wo i su'n sa, nán se i kɛ ɔ su i bo.

Ezipt Lɔ Tulɛ'n 22:24 ပူးပေါင်းရင်းမြစ်များ

Neemi 5:7

Yɛ m buli akunndan kɛ n ´ijɔ kpɛnngbɛn nin jɔlɛ difuɛ mun trɔ nga be fa jin be niaan'm be ti su'n i dan'n ti. Nan m'an kle anyia cɛn sa sɔ'n ti .

Zɔb I Nyrɛnnɛn Wunlɛ 31:23

Afin Nyanmiɛn ti famiɛn. N su kwla suɛn-mɛn i fɔ b'ɔ fa tu sran'n i bo .

Jue Mun 109:2

Afin klunwifuɛ'm bɔ be kunngba'n be ti gblɛfuɛ'n, be kan min wun ndɛ tɛtɛ, min suɛn yɛ be tɔn be sin-ɔn.

Jue Mun 109:9

Man i mma'm be ka aika. Man i yi kusu yo angboti.

Jue Mun 15:5

Sɛ be fɛ sika i sa nun'n, ɔ se-man kɛ be su i bo. Sɛ be waan be ´cɛ i like nan ɔ `tɔn sran nga ɔ'a yo-man sa'n i suɛn'n, ɔ kplin-man su . Sran ng'ɔ yo kɛ nga sa titi'n, ɔ su tɔ-man le nan kɛ ɔ ´yo-ɔ ɔ'a yo.

Jue Mun 69:24

Man be nyinma su dun be, nán be wun ase kun. Yo man be wi'n sata be wun titi.

Jue Mun 76:7

Zakɔb Nyanmiɛn, kɛ a kannin ndɛ kekle kleli nnɛn kpanngɔ mun nin bé su fufuɛ mun'n, be wuli be klun sa kuɛɛn .

Jue Mun 90:11

?Wan yɛ ɔ kwla si kɛ ɔ ya'n i dan'n fa ti ju-ɔ? ?Wan yɛ ɔ kwla wun ɔ ya'n i wlɛ b'ɔ man i nyin yi wɔ kɛ ɔ fata'n sa-a?

Zeremi 15:8

N yoli man be angboti mmla'm be yoli kpanngbangban, jenvie nuan aunnyan bɔbɔ ɔ ´fɛ i wun wɔ. N yoli man wia klakla kpa'n nun'n, like sacifuɛ'n ɔ wa tɔli sonja gbanflɛn'n i nin'n su. N yoli man i klun kpa'n suannin i sa kplala, kpɛkuun i wawɛ wanndili i wun.

Zeremi 18:21

I sɔ'n ti, yo man awe'n kun be mma mun. Fa be bɔbɔ yi i alɛ'n nun. Man be yi'm be mma'm be fi be sa. Man be ka angboti. Man tukpacɛ b'ɔ sa ndɛndɛ'n kun bé wun mun. Man alɛ'n di be mma gbanflɛn mun.

Ngwlɛ Yilɛ 5:3

E lɛ-man si kun. E nin'm b'a ka angboti. Y'a ka e liɛ aika.

Saun Yolɛ 25:35

«Sɛ yalɛ di amun niaan kun nan i sa ɔ'a mian'n, ɔ fata kɛ amun ukɛ i nan ɔ'a kwla di alaje nan ɔ'a tran amún wun lɛ. Sɛ aofuɛ wie o amún wun lɛ'n nan ɔ nin amun yɛ be tran lɛ'n, nantilɛ kunngba ng'ɔ o lɛ'n yɛ amun nin i be `nanti-ɔ.

Saun Yolɛ 25:36

Nán amun se kɛ amun ´kunndɛ mmlusuɛ i su annzɛ amun ´bo i akpo. Man amun nzuɛn klanman'n ɔ kle kɛ amun nyin yi min. Amun `man amun niaan sɔ'm be atin man be tran amún wun lɛ.

Naɔm 1:6

?Kɛ ɔ ko fa ya'n, wan yɛ ɔ kwla jrɛn i nyrun-ɔn? ?Blɛ b'ɔ yi i ya dan'n i nglo'n, wan yɛ ɔ kwla jrɛn i nyrun-ɔn? I ya'n ɔ jue kɔ i nyrun kɛ sin sa. Yɛbuɛ tanda mun bɔbɔ ɔ kpaci be nun.

JÉSUS-CHRIST I DYASIN FE'N BO LUC KLELI'N 6:38

An `cɛ sran like, yɛ Nyanmiɛn kusu ɔ `cɛ amun wie-ɔ, ɔ ´man amun kpanngban kɛ like bɔ be su be tintin su, yɛ be kejekeje i, b'ɔ yi bu gua'n sa, afin suliɛ nga an su nun man sran wie mun'n, i kunngba'n nun yɛ Nyanmiɛn ´su nun man amun-ɔn.»

Mmla'n 23:20

Sɛ amun niaan Izraɛlfuɛ wie usa amun afɛ'n, sɛ sika o, sɛ aliɛ o, sɛ like uflɛ wie o, nán amun se kɛ ɔ su i bo.

Mmla'n 23:21

Aofuɛ mun yɛ sɛ be usa afɛ amun sa nun'n, amun se be kɛ be su i bo-ɔ. Sanngɛ sɛ amun niaan Izraɛlfuɛ'm be usa afɛ amun sa nun'n, amun lɛ-man atin se-man be kɛ be su i bo. I liɛ'n, Anannganman amun Nyanmiɛn'n ɔ ´yo man junman kwlaa nga amun ´di i lika nga amun ´ko fɛ i lɔ'n nun'n, ɔ ´yo ye amún sa nun.

Hébreu 10:31

Sɛ Nyanmiɛn b'ɔ lafi-man'n ɔ nyan sran kun'n, i sɔfuɛ'n i yako!