Ezipt Lɔ Tulɛ'n 22:23 - NYANMIƐN NDƐ'N 1998

²³ N ´fa ya amun wun, kpɛkuun n ´yo man alɛ ´di amun, yɛ amun yi'm be ´yo angboti, amun mma'm be kusu be ´ka aika.

Ezipt Lɔ Tulɛ'n 22:23 ပူးပေါင်းရင်းမြစ်များ

Zɔb I Nyrɛnnɛn Wunlɛ 34:28

Be yoli man afɛfuɛ mun nin yalɛfuɛ'm be kpan flɛli Nyanmiɛn. Nyanmiɛn kusu tili be aunnvuɛ kpanlɛ'n .

Zɔb I Nyrɛnnɛn Wunlɛ 35:9

Kɛ yalɛ klelɛ'n ɔ yo dan'n, sran'm be kpan. Sran wlɛfuɛ'm be dunman nun ti be kplin.

Jue Mun 10:14

A wun nyrɛnnɛnfuɛ'm be afɛ'n nin be nyrɛnnɛn'n. A yaci-man be nga afɛ nin nyrɛnnɛn'n wo bé su'n be lika nianlɛ. Ɔ su yɛ nyrɛnnɛnfuɛ'm be kisa-a. Wɔ yɛ a uka aika mun-ɔn.

Jue Mun 140:12

Nán sran b'ɔ ti sran'm be suɛn tɔnfuɛ'n ɔ ka mɛn ng'ɔ o yɛ'n nun. Man nyrɛnnɛn tɔ sran ng'ɔ yo sran'm be sa kekleekle'n i su tikatikatika.

Jue Mun 145:19

Be nga bé nyin yi i'n, ɔ fa like bɔ be kunndɛ'n man be. Ɔ ti be nɛn'n yɛ ɔ de be.

Jue Mun 18:6

Blɔlɔ lɔ nyanman'n blablali mín wun. Wie'n i aya'n ɔ trali min wieli.

Jue Mun 68:5

An `to jue manman Nyanmiɛn, amun `bo flɛ i! Amun `trɛ atin'n nun be `man sran b'ɔ fa nyanmiɛn ble'n yo i nnɛn kpanngɔ fu su'n. Ɔ suan Anannganman. Amun `tu kpɛn si able i nyrun.

Ezipt Lɔ Tulɛ'n 22:27

Nán amun kpɛ min bɔ n ti amún Nyanmiɛn'n min nzowa. Nán amun bo amun nvle'n i su kpɛnngbɛn'n i sannzan.

Ngwlɛ Yilɛ 5:3

E lɛ-man si kun. E nin'm b'a ka angboti. Y'a ka e liɛ aika.

JÉSUS-CHRIST I DYASIN FE'N BO LUC KLELI'N 18:7

?Yɛ be nga Nyanmiɛn kpali be bɔ be sun flɛ i kɔnguɛ nin wia nun'n, ɔ su jran-man bé sin di-man be ndɛ'n? ?Ɔ ´sisi i bo nan ɔ'a di be jɔlɛ'n?

Mmla'n 10:18

Ɔ kan aika mma mun nin angboti bla'm bé ti ndɛ, ɔ klo aofuɛ mun, ɔ man be aliɛ be di, ɔ man be tannin be kla.

Mmla'n 15:9

Amun `nian amún wun kpa, nán amun bu akunndan tɛ se kɛ: «Afuɛ'n i nso su b'ɔ ti kalɛ'n i yaci cɛlɛ afuɛ'n ɔ'a mantan.» Sɛ ɔ yo sɔ'n, amun su si-man amun niaan yalɛfuɛ'm be aunnvuɛ, kpɛkuun sɛ be srɛ amun like'n, amun su man-man be. Be kusu be ´kpan flɛ Anannganman be ´kan kle i, kpɛkuun Anannganman ɔ ´bu amun fɔ.

Mmla'n 24:15

Amun `fɛ i akatua'n be `mɛn i cɛn kwlakwla. Amun `fa mɛn i, nan wia'n ɔ'a tɔ, afin ɔ lɛ-man wie, sɛ i sa kɛn i ndɛndɛ'n, ɔ ´yo i fɛ. Sɛ ɔ'a yo-man sɔ nan ɔ sanman amun Anannganman sa nun'n, wuun amu'an yo sa tɛ.

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .