Ezipt Lɔ Tulɛ'n 22:21 - NYANMIƐN NDƐ'N 1998

²¹ Nán amun yo angboti bla nin aika'm be tɛtɛ.

Ezipt Lɔ Tulɛ'n 22:21 ပူးပေါင်းရင်းမြစ်များ

Zɔb I Nyrɛnnɛn Wunlɛ 6:27

?Amun ´tu aika kun wun fɔtɔ? ?Amun ´yo amun janvuɛ'n i atɛ?

Jue Mun 146:9

Anannganman nian aofuɛ'm bé su. Ɔ nian aika nin angboti bla'm be lika. Sanngɛ klunwifuɛ'm be like liɛ nga be sunnzun kɛ be ´yo'n, ɔ saci.

Ezipt Lɔ Tulɛ'n 20:2

«N ti Anannganman ɔ Nyanmiɛn, min yɛ man a tuli Ezipt lɔ blɛ bɔ a tɛ o kanga nun nin-ɔn.

Ezipt Lɔ Tulɛ'n 23:9

Nán kle aofuɛ bɔ be tran amun afiɛn'm be yalɛ. Afin amun si aofuɛ yolɛ'n i nun ndɛ'n kwlaa yɛlɛ kɛ amun bɔbɔ amun yoli aofuɛ Ezipt mɛn'n nun lɔ.»

Ezai 1:17

Amun `suan sa kpa'n i yolɛ, amun `yo sa'm be nuan su. Sran ng'ɔ kle sran'm be nyrɛnnɛn'n, amun `yo man ɔ kaci i sa. Amun `di aika mma'm be jɔlɛ'm be kpa, amun `jran angboti mmla'm bé sin.»

Zeremi 22:3

Anannganman'n wan yoo: ‹An `di jɔlɛ nanwlɛ nun. An `de sran mun be nga be fɛn sran'm be bo ninnge'n be sa nun. Nán an yo aofuɛ nin aika ba ɔ nin angboti bla'm be tɛtɛ. Sran nga bɔ b'a yo-man sa'n, nán an kun be lika nga nun wa.

Zeremi 7:6

sɛ an yo-man aofuɛ nin aika ba, ɔ nin angboti bla'm be tɛtɛ'n, sɛ an yaci sran nga b'a yo-man sa'm be kunlɛ lika nga nun wa'n,

Ezekiɛl 22:7

Ɔ lɔ'n, be yo siɛ nin niɛn be finfin. Be yo aofuɛ'm be tɛtɛ. Be bo aika ba nin angboti bla'm be akpo.

Saun Yolɛ 19:13

Nán amun di sran lufle, nán amun wua like fi. Nán amun tra kpa difuɛ'n i akatua'n i ase man aliɛ cɛn su.

Saun Yolɛ 19:33

Sɛ aofuɛ wie ɔ wa tran amun klɔ'n su'n, nán amun di i lufle.

Saun Yolɛ 19:34

Amun `trɛ i nun kɛ wie-ɔ ɔ ti amun niaan wie sa. Amun `klo i kɛ amun fa klo amun bɔbɔ amun wun'n sa. Nán amun wla fi kɛ amun bɔbɔ amun yoli aofuɛ'n wie Ezipt mɛn'n nun lɔ. Min yɛ n ti Anannganman amun Nyanmiɛn nin-ɔn.

Saun Yolɛ 25:35

«Sɛ yalɛ di amun niaan kun nan i sa ɔ'a mian'n, ɔ fata kɛ amun ukɛ i nan ɔ'a kwla di alaje nan ɔ'a tran amún wun lɛ. Sɛ aofuɛ wie o amún wun lɛ'n nan ɔ nin amun yɛ be tran lɛ'n, nantilɛ kunngba ng'ɔ o lɛ'n yɛ amun nin i be `nanti-ɔ.

Zakari 7:10

Nán an kle aika mma nin bla nga be ti angboti'm be yalɛ. Nán an kle aofuɛ nin yalɛfuɛ'm be yalɛ. Nán amun bu amun wiengu wun akunndan tɛ.»

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Mmla'n 1:16

Yɛ n seli amun jɔlɛ difuɛ'm be kɛ: Sɛ ndɛ tɔ amun niaan'm be afiɛn nan be wa kan kle amun'n, amun `tie be ndɛ'n. Sɛ be ti sran nnyɔn'n nan kun ti Izraɛlfuɛ o, nan kun ekun'n ti aofuɛ o, amun `di be ndɛ mun nanwlɛ su.

Mmla'n 10:18

Ɔ kan aika mma mun nin angboti bla'm bé ti ndɛ, ɔ klo aofuɛ mun, ɔ man be aliɛ be di, ɔ man be tannin be kla.

Mmla'n 10:19

I sɔ'n ti, amun kusu amun `klo aofuɛ mun, afin amun bɔbɔ amun yoli aofuɛ Ezipt mɛn'n nun lɔ.

Mmla'n 15:15

Nán amún wla fi kɛ laa amun ti kanga Ezipt mɛn'n nun lɔ yɛ Anannganman amun Nyanmiɛn'n kpɔli amún ti-ɔ. I sɔ'n ti yɛ n fa ndɛ nga n fa sie amun nyrun ndɛkɛn nin-ɔn.

Mmla'n 23:16

Sɛ sran wie i kanga'n ɔ wanndi ɔ ba amun mɛn'n nun wa'n nan ɔ wa talo amun'n, nán amun trɛ i mɛn i min'n.

Mmla'n 23:7

Ɔ mɛn i ti'n, sɛ Amɔnfuɛ nin Moabfuɛ sɔ'm be wun ´jɔ be o, sɛ be ´di alaje o, nán man i sɔ'n ɔ mian amun sa nan kɛ ɔ ´yo-ɔ ɔ'a yo-ɔ.

Mmla'n 24:17

Nán amun bu aofuɛ annzɛ aika ba'n i ndɛ kwlɛ. Nán amun fa angboti bla'n i kondro'n wla aowa.

Mmla'n 27:19

«Sran ng'ɔ bu aofuɛ annzɛ aika ba, annzɛ angboti bla be lufle'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»