Ezipt Lɔ Tulɛ'n 22:20 - NYANMIƐN NDƐ'N 1998

²⁰ Nán amun kle aofuɛ'm be yalɛ, yɛ nán amun bo be akpo, afin man amun wla kpɛn su kɛ amun yoli aofuɛ Ezipt mɛn'n nun lɔ wie.

Ezipt Lɔ Tulɛ'n 22:20 ပူးပေါင်းရင်းမြစ်များ

1 Famiɛn Mun 18:40

Yɛ Eli seli be kɛ: «Amun `tra Baal i nuan ijɔfuɛ mun, nán ba kun sa wanndi!» Yɛ be trali be-ɔ. Eli fali be ɔli Kizɔn nzue ba'n nuan lɔ nan ɔ'a kpɛ be kɔmin.

2 Famiɛn Mun 10:25

Kɛ be wieli sraka'n yi'n, Zei seli sonja mun nin bé su kpɛn'm be kɛ: «Amun `wlu lɔ be ko kun be. Nán sran bɔ kun sa fite.» Yɛ be fali tokofi ko kunnin be-ɔ, kpɛkuun be fali be fuɛn mun guali gua'n su lɛ. I sin be ko wluli Baal i lika kpafuɛ'n nun.

2 Be Nyoliɛ 15:13

Be kɛnnin i kɛ, sɛ sran kun, bakan o, kpɛnngbɛn o, yasua o, bla o, ɔ fɛ-mɛn i wun mantan-man Anannganman b'ɔ ti Izraɛl Nyanmiɛn'n, be ´kun i.

Ezipt Lɔ Tulɛ'n 23:9

Nán kle aofuɛ bɔ be tran amun afiɛn'm be yalɛ. Afin amun si aofuɛ yolɛ'n i nun ndɛ'n kwlaa yɛlɛ kɛ amun bɔbɔ amun yoli aofuɛ Ezipt mɛn'n nun lɔ.»

Ezipt Lɔ Tulɛ'n 32:8

B'a yaci atin nga n kleli be'n lɛ lalaa, b'a klo sika ɔkwlɛ b'a yo nannin ba kun, b'a koto i bo, b'a yi sraka mun b'a mɛn i, kpɛkuun be seli kɛ: ‹Izraɛlfuɛ mun, amun like ng'ɔ fa amun Ezipt lɔ bali'n yɛ.› »

Ezipt Lɔ Tulɛ'n 34:15

Nán amun nin mɛn sɔ'n nunfuɛ'm be tra aenguɛ wie fi, kɛ ɔ ´yo nan blɛ bɔ be ´sɔ be amuɛn mun'n, b'a flɛ-man amun kɛ amun ko sɔ wie nan amu'an di-man be amuɛn nnɛn'n wie'n ti.

Ezekiɛl 20:7

N seli be kɛ: Amun kwlaa amun `yi tete sa nga amún nyin blo su'n be ase, nán amun sɔ Eziptfuɛ'm be amuɛn mun, nán amun yo amun wun fiɛn. N ti Anannganman amun Nyanmiɛn.

Saun Yolɛ 17:7

I sɔ mmla liɛ'n, ɔ man tɛ nga be yi man amuɛn nga be yo be kɛ boli kpakpuɛ sa'n, b'ɔ man Izraɛlfuɛ'm be su min kun nin bue'n, be su yi-mɛn i kun. Mmla ng'ɔ ti bɔ Izraɛlfuɛ mun ɔ nin be osu nunfuɛ'm be `fa su tititi'n, yɛ ɔ o lɛ-ɔ.

Saun Yolɛ 19:33

Sɛ aofuɛ wie ɔ wa tran amun klɔ'n su'n, nán amun di i lufle.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Kalɛ 21:3

Anannganman tili ndɛ nga Izraɛlfuɛ'm be kannin'n nan ɔ'a fa Kanaanfuɛ mun ɔ'a wla bé sa nun. Izraɛlfuɛ'm be nunnunnin be, yɛ be sacili be klɔ mun mlɔnmlɔn. Be flɛli lika sɔ'n kɛ Ɔrma, i bo'n yɛlɛ Sacilɛ.

Mmla'n 10:18

Ɔ kan aika mma mun nin angboti bla'm bé ti ndɛ, ɔ klo aofuɛ mun, ɔ man be aliɛ be di, ɔ man be tannin be kla.

Mmla'n 18:20

Sran nga kusu b'ɔ di wlɛwlɛ ɔ fa min dunman'n fa kan ndɛ nga m'an se-mɛn i kɛ ɔ kan'n, annzɛ b'ɔ kan ndɛ amuɛn wie dunman nun'n, i sɔfuɛ'n be ´kun i.»

Mmla'n 23:8

Sanngɛ nán amun yo Edɔmfuɛ'm be finfin. Be ti amun niaan. Nán amun yo Eziptfuɛ'm be finfin, afin be sikeli amun i nun bɔ amun trannin be mɛn'n nun lɔ'n.

Mmla'n 24:17

Nán amun bu aofuɛ annzɛ aika ba'n i ndɛ kwlɛ. Nán amun fa angboti bla'n i kondro'n wla aowa.