Ezipt Lɔ Tulɛ'n 21:1 - NYANMIƐN NDƐ'N 1998

¹ Anannganman seli ekun kɛ: «Mmla wie mun ekun yɛ, fa be kle Izraɛlfuɛ mun:

Ezipt Lɔ Tulɛ'n 21:1 ပူးပေါင်းရင်းမြစ်များ

1 Famiɛn Mun 6:12

«Mín sua'n yɛ a su kplɛn i yɛ. Sɛ a fa min mmla fanunfanun'm bé su kpa'n, i liɛ'n ndɛ nga n kan kleli ɔ́ si David'n, n ´yo i nuan like m ´man wɔ.

2 Be Nyoliɛ 19:10

Blɛ bɔ amun niaan nga be o be klɔ'm bé su be wa kan sa wie kle amun'n, sɛ sran kunlɛ ndɛ o, sɛ mmla fanunfanun'n wie su ndɛ o, amun `yiyi sa sɔ'n nun wein-wein kle be. I liɛ'n, be su fɔn-man Anannganman wun, yɛ Anannganman su fa-man amun nin amun niaan'm bé wun ya. Amun `yo kɛ ng'ɔ o lɛ'n sa, i liɛ'n, amun su fɔn-man.

Neemi 10:29

Izraɛlfuɛ kun nga'm be yɛ: Nyanmiɛn nyrun jranfuɛ mun, nin Levifuɛ mun, nin anuan su nianfuɛ mun, nin jue tofuɛ mun, nin Nyanmiɛn i sua'n nun junman difuɛ bɔ be lɛ su kpɛn mun'n, ɔ nin be kwlaa nga be nin nvle uflɛ'm be tili nun afin be kunndɛ kɛ be ´fa Nyanmiɛn mmla'n su'n, be sɔfuɛ mun nin bé yi, nin be mma bla annzɛ yasua nga be wun sa wlɛ'n.

Jue Mun 147:19

Ɔ kɛn i nuan su ndɛ mun kle Zakɔb. Ɔ fɛ i mmla fanunfanun'n man Izraɛlfuɛ mun.

Ezipt Lɔ Tulɛ'n 19:7

Moiz sɛli i sin ngblaliɛ'n nun lɔ, ɔ flɛli Izraɛl kpɛnngbɛn mun nan ɔ'a kan ndɛ nga Anannganman kan kleli i'n i kwlaa ɔ'a kle be.

Ezekiɛl 20:11

N fali mín nuan su ndɛ nin min mmla'n n kleli be kɛ ɔ ´yo nan be nga be fa su'n b'a nyan nguan'n ti.

Ezekiɛl 20:25

M bɔbɔ n kunngba min yɛ m mannin be mmla wie bɔ b'a yo-man be kpa nin-ɔn, mmla sɔ'm be ti b'a nyan-man nguan .

Saun Yolɛ 18:26

I sɔ'n ti'n, Izraɛlfuɛ mun, yɛ aofuɛ nga bɔ amun tran Izraɛl asiɛ'n su'n, amun `fa ndɛ nga n kan n kle amun'n su, yɛ amun `di mmla nga n fa man amun'n su, nán amun yo i sɔ tete sa liɛ'n be wie.

Saun Yolɛ 18:5

Amun `di min mmla'm bé su, yɛ amun `fa mín nuan ndɛ'm bé su. Sran ng'ɔ nanti bé su'n, ɔ ´nyan nguan be dunman nun. Afin min yɛ n ti Anannganman nin-ɔn.

Saun Yolɛ 19:37

Min mmla'n, ɔ nin min ndɛ nga n kan be n kleli amun'n, amun `tra be nun, yɛ amun `nanti su. Min yɛ n ti Anannganman nin-ɔn.»

Saun Yolɛ 20:22

Mmla nga n fa man amun'n, amun `nian bé su, yɛ amun `di bé su kpa. Sɛ an fa su'n, mɛn nga n su fa amun kɛ amun ko tran lɔ'n, n su yi-man n sa amún su.

Kalɛ 35:24

wafa ng'ɔ fata kɛ nvlefuɛ'm be siesie ndɛ ng'ɔ juli sran ng'ɔ kunnin sran'n nin sran nga be kunnin i'n i klunngbɔ tufuɛ'n be afiɛn'n, i su mmla'n yɛ.

Kalɛ 36:13

Mmla nin atin kleklelɛ ninnge nga bɔ Anannganman man Moiz kan kleli Izraɛlfuɛ mun Moab lika kpɛtɛkplɛɛ'n nun, Zurdɛn'n i nuan lɛ Zeriko klɔ'n nyrun ndɛnman su lika'n nun lɔ'n, be yɛ be o lɛ-ɔ.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Mmla'n 15:12

Sɛ amun niaan Ebre wie, sɛ bla o, sɛ yasua o, be yo be wun atɛ amun sa nun'n, man be su amun afuɛ nsiɛn. I afuɛ nso su'n, amun `yaci be nun man be wɔ.

Mmla'n 4:14

I blɛ sɔ'n nun yɛ Anannganman waan n `kle amun mmla fanunfanun nga amun ju mɛn nga amun ´kɔ i falɛ lɛ'n nun lɔ'n amun ko nanti su mun-ɔn.

Mmla'n 4:45

Mmla'n nin atin klelɛ mmla mun, ɔ nin sa'm be nuan su yolɛ mmla mun, Moiz fa be sieli Izraɛlfuɛ'm be nyrun kɛ be fin Ezipt lɔ bali'n.

Mmla'n 4:5

Amun si kɛ mmla fanunfanun nga Anannganman min Nyanmiɛn'n fa mannin min'n yɛ n kusu n fa kleli amun-ɔn. Sɛ amun ju mɛn nga amun ´kɔ i falɛ yɛ'n nun lɔ'n, amun `nian be su `fa nanti.

Mmla'n 4:8

?Nvle dan onin cɛ yɛ i mmla fanunfanun'm be kpa ti kɛ mmla nga n ´fa sie amun nyrun ndɛkɛn yɛ'n sa-a?

Mmla'n 5:1

Moiz flɛli Izraɛlfuɛ'm be kwlaa, nan ɔ'a se be kɛ: Izraɛlfuɛ mun, amun `tie mmla fanunfanun nga n ´kan be n ´kle amun ndɛ yɛ'n. Amun `suan be, yɛ amun `nian bé su `nanti.

Mmla'n 5:31

Sanngɛ ɔ liɛ'n, tran mín wun wa, n ´kan ndɛ nin mmla fanunfanun nga a ko kle be'n n ´kle wɔ. Sɛ be ju mɛn nga m'an fa man be kɛ be fa'n i nun lɔ'n, man be nanti su.»

Mmla'n 6:1

«Mmla fanunfanun ng'ɔ o yɛ'n kwlaa Anannganman amun Nyanmiɛn'n waan n `kle amun nan sɛ amun ju mɛn nga amun su kɔ nun yɛ'n nun lɔ'n, amun `fa be su.

Mmla'n 6:20

Sɛ cɛn wie amun mma'm be usa amun kɛ: «?Ɔ yo sɛ ti yɛ Anannganman e Nyanmiɛn'n fali mmla fanunfanun nga mun mannin amun-ɔn?»

1 Tɛsalonikfuɛ Mun 4:1

Aniaan mun, min ndɛ'n i atabo'n yɛ: sa nga an yo-ɔ ɔ yo Nyanmiɛn fɛ'n, e kleli amun, an fali su yɛ an wo i yolɛ su, sanngɛ sran wunmuan bɔ e nin e Min Jésus ti'n ti, e ´srɛ amun yɛ e ´kan kle amun kpa kɛ an yo i sɔ tra laa'n.