Ezipt Lɔ Tulɛ'n 20:8 - NYANMIƐN NDƐ'N 1998

⁸ Man ɔ́ wla kpɛn wunmiɛn-delɛ-cɛn'n su, man ɔ yo min liɛ klonglo.

Ezipt Lɔ Tulɛ'n 20:8 ပူးပေါင်းရင်းမြစ်များ

Bo Bolɛ 2:2

Kɛ cɛn nso'n ´ju'n, wuun Nyanmiɛn ɔ'a wie junman'n kwlakwla di. Ɔ man cɛn nso su'n ɔ deli wunmiɛn .

Bo Bolɛ 2:3

Nyanmiɛn fali cɛn sɔ'n yoli wunmiɛn-delɛ-cɛn, ɔ sieli i ngunmin. Afin cɛn sɔ'n nun yɛ ɔ yacili mɛn'n i yilɛ junman'n dilɛ yɛ ɔ deli wunmiɛn-ɔn .

Neemi 13:15

Blɛ kunngba sɔ nun'n, n wunnin kɛ Zida nvle nun sran wie'm be cuɛn be vinyi mma i nzue'n yɛ be sua be ble'n wunmiɛn-delɛ-cɛn'n nun. Wie'm be fa aflunmun'm be sua nzan nin vinyi mma, nin figie mma, annzɛ trɔ uflɛ. Be fa ba Zerizalɛm wunmiɛn-delɛ-cɛn'n nun. Cɛn nga be ´yo be ninnge'm be atɛ sɔ'n, n ijɔli be.

Neemi 9:14

Wɔ man ɔ sufuɛ Moiz kleli be wunmiɛn-delɛ-cɛn* b'ɔ ti wɔ liɛ'n, nin ɔ ndɛ mun, nin wɔ atin klelɛ mmla mun.

Ezipt Lɔ Tulɛ'n 23:12

Fa cɛn ba nsiɛn fa di ɔ junman mun. Sanngɛ cɛn'n i nso su'n, ɔ ti wunmiɛn-delɛ-cɛn. Nán di junman, kɛ ɔ ´yo nan ɔ nannin mun, nin aflunmun mun, nin ɔ sa nun junman difuɛ mun, ɔ nin aofuɛ'm b'a kwla de wunmiɛn'n ti.

Ezipt Lɔ Tulɛ'n 31:12

Anannganman seli Moiz kɛ:

Ezipt Lɔ Tulɛ'n 35:1

Moiz yiali Izraɛlfuɛ'm be kwlaa nan ɔ'a se be kɛ: «Like nga Anannganman waan e yo'n yɛ.

Ezai 56:2

Sran ng'ɔ fa ndɛ bɔ m'an kɛn i yɛ'n su'n, b'ɔ tra nun kekle'n, b'ɔ sie min wunmiɛn-delɛ-cɛn'n i ngunmin'n, b'ɔ yo-man sa tɛtɛ'n wie fi'n, i liɛ su ti ye!»

Ezai 58:13

Anannganman wan yoo: «Sɛ amun di-man junman wunmiɛn-delɛ-cɛn nun kun'n, sɛ amun yo-man amun bɔbɔ amun klun klo ninnge mun min bɔbɔ mín cɛn sɔ nun'n, sɛ amun wun i wlɛ kɛ wunmiɛn-delɛ-cɛn'n yɛ man amun klun jɔ'n, nan ɔ ti min cɛn'n, nan ɔ ti cɛn dan'n, sɛ amun sie i ngunmin'n bɔ amun fa di-man junman'n, bɔ amun fa yo-man amun klun klo ninnge mun'n, bɔ amun fa kan-man finfin ndɛ kpanngban mun'n,

Zeremi 17:21

Anannganman'n wan yoo: ‹An `nian amun wun kpa. Wunmiɛn-delɛ-cɛn'n nun nán an sua trɔ. Nán an fa trɔ wlu Zerizalɛm klɔ'n nun.

Zeremi 17:22

Kusu nán an fa trɔ amun awlo lɔ be fite. Nán an yo junman fi. An `sie wunmiɛn-delɛ-cɛn'n i ngunmin man min kɛ n fa kan kleli amun nannan mun'n sa.

Zeremi 17:24

Anannganman'n waan: ‹Sanngɛ amun liɛ'n, sɛ amun tie mín nuan ndɛ'n, nan amu'an fa-man trɔ b'a wlu-man Zerizalɛm klɔ'n nun wunmiɛn-delɛ-cɛn nun'n, sɛ an sie wunmiɛn-delɛ-cɛn'n i ngunmin be man min nan amu'an di-man junman fi cɛn sɔ nun'n,

Ezekiɛl 20:20

Amun `sie min wunmiɛn-delɛ-cɛn i ngunmin, ɔ ti nzɔliɛ kun b'ɔ o min nin amun ye afiɛn kɛ ɔ ´yo nan b'a si jrɛiin kɛ n ti Anannganman amun Nyanmiɛn'n ti.

Saun Yolɛ 19:3

Man amún nyin yi amún si nin amún nin. Mín wunmiɛn-delɛ-cɛn'n nun'n, nán amun di junman. Min yɛ n ti Anannganman amun Nyanmiɛn nin-ɔn.

Saun Yolɛ 19:30

Wunmiɛn-delɛ-cɛn'n nga n mannin amun'n, nán amun fa di junman. Lika nga n wo nun lɛ'n kusu'n, amun `bu i like. Min yɛ n ti Anannganman nin-ɔn.

Saun Yolɛ 23:3

Le mɔcuɛ kun nun amun `fa cɛn ba nsiɛn be `di junman. I cɛn ba nso'n su'n, ɔ ti wunmiɛn-delɛ-cɛn, amun fa be `yia min dunman nun. Kan kwlaa bɔ amun wo'n, i sɔ wunmiɛn-delɛ-cɛn liɛ nun'n, nán man amun di junman, amun `fɛ i sɔ cɛn liɛ'n be man min.»

Saun Yolɛ 26:2

Wunmiɛn-delɛ-cɛn'n ju'n, amun `de wunmiɛn, nán amun di junman. Mín sua'n, nán amun yo i finfin. Min yɛ n ti Anannganman nin-ɔn.»

Kalɛ 15:32

Kɛ Izraɛlfuɛ'm be tɛ o aawlɛ flɛnnɛn'n nun lɔ'n, wie'm be ko trali sran kun, ɔ su isa yie wunmiɛn-delɛ-cɛn'n nun.

Mmla'n 5:12

Man ɔ wla kpɛn wunmiɛn-delɛ-cɛn'n su, man ɔ yo min liɛ klonglo kɛ n kan kle wɔ'n sa.