Ezipt Lɔ Tulɛ'n 20:5 - NYANMIƐN NDƐ'N 1998

⁵ Nán koto bé bo, nán su be, afin n ti Anannganman ɔ Nyanmiɛn yɛ n si kwla. Sɛ sran kun jaso mín wun'n, n tu i fɔ, n tu i nin i mma mun be fɔ lele n fa wlu i anunman'm be mma liɛ'm be nun.

Ezipt Lɔ Tulɛ'n 20:5 ပူးပေါင်းရင်းမြစ်များ

2 Samiɛl 21:1

David i blɛ su'n, awe kun kpɛnnin. Ɔ dili afuɛ klonglo nsan, nan David ɔ'a srɛ Anannganman, yɛ Anannganman tɛli i su kɛ: «Sail nin i awlofuɛ'm be sran kunlɛ'n ti-ɔ. Gabaɔnfuɛ'm bɔ be kunnin be'n i ti-ɔ.»

2 Samiɛl 21:6

Man be fɛ i osu nun sran nso be man e man e bo be kɔmin Anannganman nyrun Gibea lɔ kan Anannganman fɛ i sieli famiɛn'n b'ɔ trannin lɛ laa'n.» Famiɛn'n waan: «N wa fa be m man amun.»

1 Famiɛn Mun 19:10

Eli tɛli i su kɛ: «Anannganman, a ti mɛn wunmuan'n i Nyanmiɛn. Kɛ n klo wɔ'n, i ti n kwla suan-man sa nga Izraɛlfuɛ'm be yo'n i bo kun. Aenguɛ nga a nin be trali'n, b'a yi i ase, be bubuli wɔ sɔwlɛ mun, be kunnin ɔ nuan ijɔfuɛ mun. N kunngba bɔ m'an ka'n, be kunndɛ kɛ be ´kun min .»

1 Famiɛn Mun 21:29

«Nian kɛ Akab ɔ'a kɛn i wun ase mín bo-ɔ. Kɛ b'ɔ kɛnnin i wun ase mín bo'n ti'n, n su fa-man nyrɛnnɛn n yi-mɛn i awlo'n su i nyin su. I wa'n i blɛ su yɛ nyrɛnnɛn sɔ'n wa tɔ i awlo'n su-ɔ.»

2 Famiɛn Mun 17:35

Anannganman nin be trali aenguɛ. Yɛ ɔ seli be kɛ: «Nán amun sro amuɛn mun, nán amun koto be nyrun, nán amun su be, yɛ nán amun yi sraka man be.

2 Famiɛn Mun 17:41

Nvle sɔ'n nunfuɛ'm be kunngba'n be su Anannganman, yɛ be kunngba'n be su be amuɛn mun. Be mma mun nin be anunman'm be kusu be yoli sa kunngba nga bé si'm be yoli'n wie. Lele ndɛ be tɛ yo i sɔ.

2 Famiɛn Mun 23:26

I ti ya dan nga Anannganman fɛli i Zidafuɛ'm bé wun'n, ɔ'a yaci-man nun, afin like nga Manase yoli'n, ɔ fɔkɔli i anwlɛn dan.

2 Famiɛn Mun 5:18

N ´srɛ Anannganman kɛ ɔ yaci sa kun cɛ min. Sa sɔ'n yɛlɛ kɛ, kɛ min min'n wlu i amuɛn bɔ be flɛ i Rimɔn'n i sua'n nun b'ɔ ´koto'n, n kusu n koto wie, afin ɔ kisa min sa'n su. Sɛ n ko koto Rimɔn i sua'n nun sɔ'n, man Anannganman yaci cɛ min.»

2 Famiɛn Mun 5:27

Nian, Naaman i kokowe'n, ɔ ´yo wɔ nin wɔ osu'n nunfuɛ mun, yɛ ɔ ´ka amún wun sɔ tititi.» Yɛ Geazi fiteli-ɔ. Kɛ ɔ fɛ i Elize wun lɛ b'ɔ ´kɔ'n, kokowe'n ɔ'a yo i. I wunnɛn'n yoli ufue fuaii.

2 Be Nyoliɛ 25:14

Kɛ Amazia kwlali Edɔmfuɛ mun b'ɔ sɛli i sin bali'n, ɔ man be fali be lɔ amuɛn mun bali. Ɔ fa yoli i bɔbɔ i amuɛn, ɔ koto bé bo, yɛ ɔ man be yra ansans man be.

2 Be Nyoliɛ 7:19

Sanngɛ sɛ amun fa atin uflɛ'n, sɛ amun gua min mmla fanunfanun nga n fa mannin amun'n be ase'n, yɛ sɛ amun ko sɔ amuɛn mun nan amun koto bé bo'n,

Zɔb I Nyrɛnnɛn Wunlɛ 21:19

Amun waan: «Sran ng'ɔ bu-man Nyanmiɛn like fi'n, Nyanmiɛn nin i mma mun be ´nyɛn i.» ?Nán i bɔbɔ'n yɛ ɔ fata kɛ Nyanmiɛn yo i sa nan ɔ `fɛ-ɔ?

Zɔb I Nyrɛnnɛn Wunlɛ 5:4

I mma'm be nyan-man sran b'ɔ ´de be-ɔ. Sɛ ba sɔ'm be nin sran be nyan ndɛ'n, be bu be yi be su, yɛ be nyan-man sran b'ɔ ´jran bé sin-ɔn.

Jue Mun 109:14

Nán Anannganman wla fi fɔnlɛ nga i si'm be fɔnnin'n. I nin i sa tɛ ng'ɔ yoli'n, nɛ́n i osu'n nunnun le.

Jue Mun 78:58

Be klɔklɔli Nyanmiɛn, yɛlɛ kɛ be fali be bɔ be si-man Nyanmiɛn'n be amuɛn sɔwlɛ mun yɛ be yili be sraka'm be nun-ɔn. Be sɔli waka sran mun be fa fɔkɔli i anwlɛn.

Jue Mun 79:8

Nán fa be nga be dun mmua e nyrun'n bé sa tɛ'n fa gua ye su, sanngɛ kɛ bɔ a klo ye'n ti'n, wunnge e wun wa. Nán sisi ɔ bo, afin e tɔlɛ'n ɔ'a yo dan ngboko.

Jue Mun 81:15

wuun n jranjran-man be kpɔfuɛ'm bé nyin ase gualɛ'n wun, wuun m boli be kpɔfuɛ sɔ mun.

Ezipt Lɔ Tulɛ'n 23:24

Nán amun koto nvle sɔ'm be amuɛn'm be bo, nán an sɔ be. Nán amun nian be aeliɛ'm bé su yo wie. Amun `bubu be waka sran'm be nun, yɛ amun `saci yɛbuɛ nga be takali be'n mun.

Ezipt Lɔ Tulɛ'n 34:14

Nán amun koto amuɛn'm bé bo, afin min Anannganman, n ti Nyanmiɛn kun bɔ n klo kɛ be su min kunngba cɛ. N si kwla.

Nyanndra Mun 8:36

Sran ng'ɔ yo min tɛ kusu-ɔ wuun ɔ ti kɛ ɔ'a yo i bɔbɔ wun tɛ. Be kwlaa nga be kpɔ min'n, ɔ ti kɛ wuun be klo wie'n ti-ɔ.

Ezai 44:15

Yɛ sran'n ɔ trɔ waka sɔ mun. Ɔ fa wie, ɔ kplɛ i nuan tɔn sin. Ɔ trɔ wie fa tɔn kpaun. Yɛ ɔ fa wie yo amuɛn, ɔ koto i bo. Ɔ fa wie sɛ waka sran, ɔ su i.

Ezai 44:19

Be wie fi lɛ-man akunndan, be wie fi si-man sa, be wie fi lɛ-man ngwlɛlɛ b'ɔ ´se kɛ: «N fali waka'n i wie n trɔli sin, yɛ n tɔnnin kpaun sin sɔ'n i sɛnmlɛn'n su, n nyintɔnnin nnɛn su n dili. Kpɛkuun m'an fɛ i onga'n m'an yo tete like! M'an koto waka losin'n i bo!»

Zeremi 2:9

I sɔ ng'ɔ o lɛ'n ti'n Anannganman'n wan yoo: ‹M ´man amun ndɛ lelele. E nin amun anunman mun e wa nyɛn i.

Zeremi 32:18

Osu nga ɔ waan a ´di i nɛnnɛn'n, a di i lele ɔ ju i akpasua akpi su. Sɛ kusu siɛ'm be yoli sa tɛ'n, a yo man be mma nga be jaso su'n be fɛ i su afɛ'n. Wɔ yɛ a ti Nyanmiɛn kpli ng'ɔ ti dan bɔ be flɛ i kɛ Anannganman b'ɔ sie mɛn wunmuan nin-ɔn.

Ezekiɛl 18:19

Amun usa kɛ: ‹?Nguɛ ti yɛ ba'n ɔ fɛ-mɛn i si i sa tɛ i su afɛ nin-ɔn?› Amun `nian, i bo'n yɛlɛ kɛ ba'n ɔ yoli sa seiin nin sa i nuan su, yɛ ɔ fali min mmla'm be su. Ɔ ´nyan nguan.

Ezekiɛl 18:2

«?Nguɛ ti yɛ amun bu nyanndra nga Izraɛl lɔ tititi se kɛ: ‹Siɛ'm be dili vinyi mma amuɛn, ba mun yɛ be je'm be nyannin nin-ɔn?› »

Ezekiɛl 20:7

N seli be kɛ: Amun kwlaa amun `yi tete sa nga amún nyin blo su'n be ase, nán amun sɔ Eziptfuɛ'm be amuɛn mun, nán amun yo amun wun fiɛn. N ti Anannganman amun Nyanmiɛn.

Ezekiɛl 39:25

Anannganman Nyanmiɛn wan yoo: «N ´fa Zakɔb i anunman nga be trali be lomuɛn'n n ´sa be sin, yɛ n ´si Izraɛlfuɛ'm be aunnvuɛ. N ´si min dunman fɛ'n i ti kwla.

Ezekiɛl 8:3

Ɔ fɛ i sa sɔli mín ti ndrɛ'n. Kpɛkuun aolia nun like nga Nyanmiɛn yili i nglo kleli min sɔ'n i nun'n, n wunnin i kɛ i Wawɛ'n ɔ'a man mín su. Yɛ ɔ fali min ɔli Zerizalɛm. N ´wun mín wun-ɔn, n wo sua'n i klun lɔ anuan ng'ɔ o klɔ'n i nglo lɔ lika liɛ'n nun'n i nyrun lɛ lika nga be takali waka sran lɛ'n. Waka sran bɔ be sieli i lɛ sɔ'n ɔ ti kɛ nzowa yɛ be kpɛli Nyanmiɛn sa .

Daniɛl 1:2

Anannganman fali Zozakim b'ɔ ti Zida famiɛn'n wlali i sa nun, yɛ Nɛbikadnɛzar fali Nyanmiɛn i sua'n nun lɔ ninnge bɔ sika ɔkwlɛ ɔ nin jɛtɛ ufue yɛ be fa yoli be'n, be nun wie mun. Ɔ fali be ɔli Babilɔni mɛn'n nun lɔ. Yɛ ɔ sieli ninnge sɔ mun kan ɔ guɛ i amuɛn mma'm be ninnge liɛ'm be lɔ'n .

Daniɛl 3:18

Nannan, kannzɛ ɔ yo sɛ, ɔ fata kɛ a si kɛ e su sɔ-man wɔ amuɛn mun, yɛ e su su-man ɔ sika ɔkwlɛ sran bɔ a takali'n .»

Saun Yolɛ 20:5

m bɔbɔ min e nin i e ´nyɛn i, yɛ e nin i osufuɛ mun e ´nyɛn i. I bɔbɔ kun, yɛ be nga be ukɛ i su bɔ be ko yo bé wun wannzo be fa bé wun be man Mɔlɔk'n, n ´fuan be n sran'm be afiɛn.

Saun Yolɛ 26:1

«Nán amun kpɛ amuɛn ba. Waka sran nga be taka'n, ɔ nin yɛbuɛ amuɛn nga be taka'n, nán amun yo wie. Nán amun fa yɛbuɛ be sɛ amuɛn be klɛ i wun wɛnkɛɛn kɛ amun ´fa sie amun mɛn'n nun wa nan amun sɔ i. Afin min yɛ n ti Anannganman amun Nyanmiɛn nin-ɔn.

Saun Yolɛ 26:29

Siɛn'n, amun ´di amun bɔbɔ amun mma'm be nnɛn .

Naɔm 1:2

Anannganman'n ti Nyanmiɛn kun b'ɔ si kwla. Be yo i sa-a ɔ yaci cɛ-man, ɔ yo be wie, i ya'n ti-man blɛblɛ. I kpɔfuɛ'm be yo i sa-a ɔ yo be wie. Ɔ yaci cɛ-man be .

Kalɛ 14:18

‹N ti Anannganman, n ti amlin difuɛ, yɛ min klun ti ufue kpa liɛ su. N di sa nga be yo min'n nin nyin kekle nga be yo i min su'n bé wun amlin. N jran-man sa tɛ yofuɛ'n i sin, n se-man kɛ ɔ'a yo-man sa tɛ. Kɛ sran kun yo sa tɛ'n n tu i fɔ lele fa wlu i anunman sian nin i anunman siansian'm be nun .›

Kalɛ 14:33

Yɛ amun mma'm be wa wlan-wlan aawlɛ flɛnnɛn'n nun sa daan lele afuɛ ablanan. Amún nyin kekle nga amun yoli'n, be yɛ be wa fɛ i su afɛ nin-ɔn. Ɔ ´yo sɔ lele san amun fuɛn'm be kwlaa be ´ka aawlɛ flɛnnɛn'n nun wa.

Kalɛ 25:11

«Eleazar i wa Fine b'ɔ ti Nyanmiɛn nyrun jranfuɛ'n b'ɔ ti Aarɔn i osu'n nunfuɛ'n, i dunman nun ti min ya nga n fɛli Izraɛlfuɛ'm bé wun ɔ'a wie. Ɔ kplili mín ti amun afiɛn. I sɔ'n ti yɛ man m'an nunnun-man Izraɛlfuɛ mun kɛ n fali ya nin-ɔn.

Matthieu 4:9

«Sɛ a koto m bo a manman min'n, n ´fa ninnge nga kwlaa man wɔ.»

Jean 15:18

«Sɛ mɛn nunfuɛ'm be kpɔ amun'n, man an si kɛ min yɛ be dun mmua kpɔli min-ɔn.

Jean 7:7

Sran'm be kpɔ-man amun, sanngɛ n liɛ'n be kpɔ min, afin n seli be kɛ be nyoliɛ'n ti tɛtɛ.

Jean 9:2

I sɔnnzɔnfuɛ'm be usɛli i kɛ: «?Baba, bian nga, ɔ yo sɛ ti yɛ be wuli i anyansifuɛ-ɔ, i bɔbɔ yoli sa wie annzɛ i si nin i nin be yoli sa wie ti yɛ be wuli i sɔ-ɔ?»

Rɔmfuɛ Mun 1:30

be kan sran wun ndɛ, be kpɔ Nyanmiɛn, be kpɛ nzowa, be tu bé wun, be di bé nuan, be kpɛ sa tɛtɛ uflɛ'm be ba, bé nyin yi-man bé si nin be nin mun,

Rɔmfuɛ Mun 8:7

Afin be nga klɔ sran ninnge'n lo be'n, be kpɔ Nyanmiɛn, be klo-man kɛ be fa Nyanmiɛn mmla'n su, yɛ kusu be kwla fa-man su bɔbɔ.

1 Korɛntfuɛ Mun 10:22

?E ´kan e Min'n i ya? ?E lɛ wunmiɛn trɛ i ?

Mmla'n 32:21

Kɛ bɔ be fali like ngbɛn-ngbɛn nga be ti-man Nyanmiɛn'n be fa fɔkɔli min anwlɛn b'ɔ man ya kunnin min'n ti'n, n kusu n ´yo man be nyin ´ci nvle kun b'ɔ ti-man nvle kpa'n, yɛ n ´yo man nvle bɔ i nunfuɛ'm be si-man ngwlɛlɛ'n be ´fita be anwlɛn su.

Mmla'n 32:41

N wa si min kue'n, n ´fa tu min kpɔfuɛ'm be fɔ. N wa tu min klunngbɔ bé su, like nga be yoli min'n, n wa yi m ´man be.

Mmla'n 4:24

Afin Anannganman amun Nyanmiɛn'n jue kɛ sin sa, ɔ yra, ɔ ti Nyanmiɛn kun b'ɔ si kwla .

Mmla'n 5:10

Sanngɛ sran nga be klo min'n, bɔ be fa min mmla'm bé su'n, n ´klo be lele n fa wlu be anunman'm be mma liɛ'm be nun lele fa ju be akpasua akpi su.

Mmla'n 5:9

Nán koto bé bo, nán su be. Afin n ti Anannganman ɔ Nyanmiɛn yɛ n si kwla. Sɛ sran kun jaso min wun'n, n ´tu i fɔ, n ´tu i nin i mma'm be fɔ lele n fa wlu i anunman'm be mma liɛ'm be nun.

Mmla'n 6:15

Afin Anannganman amun Nyanmiɛn b'ɔ nin amun wo nun'n, ɔ ti Nyanmiɛn kun b'ɔ si kwla. Sɛ amun yo nan Anannganman amun Nyanmiɛn'n fa ya'n, ɔ ´nunnun amun asiɛ'n su.

Mmla'n 7:10

I kpɔfuɛ'm be kusu ɔ ka lɛ tu be fɔ, ɔ sisi-mɛn i bo, ɔ `yo man be wu. Sran ng'ɔ kpɔ i Anannganman'n, ɔ yaci cɛ-mɛn i, ɔ ka lɛ tu i fɔ.

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

Zozie 23:16

Sɛ amun yaci aenguɛ nga Anannganman nin amun trali'n i mmla'n, nan sɛ amun koto ninnge'm be bo nan amun sɔ be'n, Anannganman wa fa ya dan kpa amún wun. Ɔ su sisi-mɛn i bo, ɔ ´nunnun amun mɛn klanman ng'ɔ fa mannin amun yɛ'n nun.»

Zozie 23:7

Nán amun nin nvle nga be tɛ o amun afiɛn'n be sanngan. Nán amun bo be amuɛn'm be dunman'n su be di jɔlɛ. Nán amun fa be dunman'm be ta nda. Nán amun koto bé bo, nan amun sɔ be.

Zozie 24:19

Zozie tɛli be su kɛ: «Amun su kwla-man Anannganman su yɛlɛ kɛ ɔ ti Nyanmiɛn kun bɔ i nzuɛn'n nin klɔ sran liɛ'n ti-man kun. Ɔ su kwla suan-man amun fɔnlɛ nin amun sa tɛ'm bé bo, yɛ ɔ su kplin-man su kɛ amun fa like uflɛ ukɛ i su.

Jɔlɛ Difuɛ Mun 2:19

sanngɛ kɛ jɔlɛ difuɛ'n ko wu cɛ'n, kpɛkuun be nantilɛ nga be wa nanti'n i tɛ tra bé nannan'm be liɛ'n bɔbɔ. Be fa bé wun fa cici amuɛn mun, be sɔ be, yɛ be koto bé bo. Bé nannan'm bé nyin kekle'n i su cɛ yɛ be nian-an.