Ezipt Lɔ Tulɛ'n 20:2 - NYANMIƐN NDƐ'N 1998

² «N ti Anannganman ɔ Nyanmiɛn, min yɛ man a tuli Ezipt lɔ blɛ bɔ a tɛ o kanga nun nin-ɔn.

Ezipt Lɔ Tulɛ'n 20:2 ပူးပေါင်းရင်းမြစ်များ

1 Famiɛn Mun 18:39

Kɛ nzrafuɛ'm be wunnin i sɔ'n, be kwlaa be tɔli, be utuli bé nyin ase, kpɛkuun be kpannin be seli kɛ: «Anannganman'n yɛ ɔ ti Nyanmiɛn nin-ɔn! Anannganman'n yɛ ɔ ti Nyanmiɛn nin-ɔn!»

2 Famiɛn Mun 17:12

Be suli amuɛn mun, sanngɛ Anannganman dun mmua seli be kɛ nán be yo i sɔ ninnge mun.

2 Famiɛn Mun 17:7

Sa ti bɔ nyrɛnnɛn tɔli Izraɛlfuɛ'm be su'n, yɛlɛ kɛ be fɔnnin Anannganman be Nyanmiɛn'n i wun. Yɛ be sɔli amuɛn wie mun, sanngɛ wuun i fanngan nun yɛ man be fin Ezipt famiɛn'n i sa nun fiteli-ɔ. I yɛ ɔ ko fali be Ezipt mɛn'n nun lɔ bali-ɔ.

2 Be Nyoliɛ 28:5

Anannganman i Nyanmiɛn'n yili i mannin Siri famiɛn'n. Sirifuɛ'm be kwlɛli i nin i sran mun, be trali be nun sran kpanngban kpa ɔli Damas. Anannganman fɛli i wlali Izraɛl famiɛn'n i sa nun ekun. Ɔ kwlɛli i tɛtɛ kpa.

Jue Mun 50:7

Min sran mun, min bɔ n ti Nyanmiɛn'n, min bɔ n ti amun Nyanmiɛn'n, amun `sie amún su man n kan ndɛ n kle amun. Izraɛlfuɛ mun, amún wun ndɛ ng'ɔ o min klun'n, n wa kan kle amun.

Jue Mun 81:10

Nán amuɛn tran amún sa nun! Nán amun su nvle kun nga'm be amuɛn mun.

Jue Mun 81:11

N ti Anannganman amun Nyanmiɛn. Min yɛ n ko fali amun Ezipt lɔ m bali-ɔ. Like kwlaa ng'ɔ mian amún sa'n, amun `kan kle min, n ´fa man amun.

Jue Mun 81:7

«M'an sike ɔ wati su trɔ'n m'an jin, yɛ ɔ sa'm b'a yaci gbogbo dan'n i nun tralɛ.

Ezipt Lɔ Tulɛ'n 13:14

Sɛ cɛn kun amun mma'm be usa amun kɛ: ‹?Ɔ yo sɛ ti yɛ be yo sa nga-a?› Amun `tɛ bé su kɛ: ‹Anannganman i tinmin bɔ be jrɛn i nyrun-ɔn, ɔ yo-man ye'n ti ɔ fali e Ezipt lɔ bali. Kɛ ɔ ´yo sɔ'n, wuun e o kanga nun.

Ezipt Lɔ Tulɛ'n 13:3

Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Ezipt Lɔ Tulɛ'n 15:13

A deli ɔ sran mun wɔ aunnvuɛ silɛ dan'n ti, ɔ nin ɔ tinmin bɔ a lɛ i'n ti. A su tinngɛ be nan a ´fa be kɔ mɛn ng'ɔ ti ɔ liɛ klonglo'n, bɔ a kan kleli be kɛ a ´fa man be'n i nun lɔ.

Ezipt Lɔ Tulɛ'n 15:16

Srɛ kun be, srɛ dan kpa kun be. Kɛ be wunnin ɔ wunmiɛn'n, Anannganman, srɛ b'ɔ kun be kpo'n ti, bé nuan ´muan lele san ɔ sran nga a deli be kanga'n nun'n be ´wie sin.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezipt Lɔ Tulɛ'n 20:1

Ndɛ nga Anannganman kannin'n i kwlaa'n yɛ:

Ezipt Lɔ Tulɛ'n 29:46

I sɔ'n nun be ´wun i wlɛ jrɛiin kɛ min Anannganman, bɔ n ti be Nyanmiɛn'n, min yɛ n fali be Ezipt lɔ n bali kɛ ɔ ´yo nan m'an tran be afiɛn'n ti. N ti Anannganman be Nyanmiɛn.»

Ezipt Lɔ Tulɛ'n 6:6

I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezai 43:3

Afin n ti Anannganman amun Nyanmiɛn, n ti Izraɛl Nyanmiɛn, min yɛ n de amun-ɔn. N ´fa Eziptfuɛ mun m ´man kɛ amún ti kpɔlɛ like sa. N ´fa Etiopifuɛ mun nin Sebafuɛ mun n ´kaci amun.

Zeremi 16:14

Anannganman'n wan yoo: «Cɛn wie lele be ´ta nda-a, be su se-man kɛ: ‹N kan Nyanmiɛn b'ɔ fali Izraɛlfuɛ mun Ezipt mɛn'n nun bali'n kun.›

Zeremi 2:6

B'a usa-man kɛ: ‹?Anannganman'n b'ɔ fali ye Ezipt lɔ bali'n, b'ɔ kleli ye atin aawlɛ flɛnnɛn nun lɔ'n, ɔ liɛ lika kee sɔ'n, lika kunman-kunman sɔ'n, nzue we lika sɔ'n, awlaboɛ lika sɔ'n, lika bɔ sran fi sin-man nun'n, bɔ sran fi tran-man lɔ'n, Anannganman sɔ'n wo nin?

Zeremi 31:1

Anannganman waan: «I blɛ sɔ nun'n, n wa yo Izraɛl awlobo'm be kwlakwla be Nyanmiɛn. Be kusu be ´yo min sran.»

Zeremi 31:33

Anannganman kɛn i ekun kɛ: «Aenguɛ nga cɛn wie e nin Izraɛl nvle'n e ´tra'n yɛ: n ´fa min mmla'n n ´wla be akunndan'n nun. Sɛ n ´kwla se'n, n ´fa klɛ be anwlɛn'n nun. N ´yo be Nyanmiɛn, be kusu be ´yo min sran.

Zeremi 34:13

«Min Anannganman'n bɔ n ti Izraɛl Nyanmiɛn'n min wan yoo: ‹Kɛ n ´fa amun nannan mun Ezipt lɔ kan be yoli afanniɛn lɔ'n m ´ba'n, e nin be e nuan sɛli é wun

Ezekiɛl 20:19

N ti Anannganman amun Nyanmiɛn, amun `fa mín nuan su ndɛ'n su. Amún nian min mmla be su. Amun `nanti be su.

Ezekiɛl 20:5

Se be kɛ: ‹Anannganman Nyanmiɛn wan yoo: Cɛn nga bɔ n ´fa Izraɛl'n, m mannin mín sa su n tali nda kleli Zakɔb i osu nunfuɛ sɔ mun, n fali mín wun kleli be kɛ be o Ezipt lɔ'n. M mannin mín sa su n kleli be, n seli kɛ: Min ti Anannganman amun Nyanmiɛn.

Ezekiɛl 20:7

N seli be kɛ: Amun kwlaa amun `yi tete sa nga amún nyin blo su'n be ase, nán amun sɔ Eziptfuɛ'm be amuɛn mun, nán amun yo amun wun fiɛn. N ti Anannganman amun Nyanmiɛn.

Ndɛ Nga Nyanmiɛn I Nuan Ijɔfuɛ Oze Kannin'n 12:10

M bɔbɔ min Anannganman bɔ kɛ amun tɛ o Ezipt lɔ'n yɛ n yoli amun Nyanmiɛn'n, n wa yo man amun ´tran tannin sua bo ekun kɛ e nin amun e wun wunlɛ klikli nun'n sa .

Ndɛ Nga Nyanmiɛn I Nuan Ijɔfuɛ Oze Kannin'n 13:4

«Izraɛlfuɛ mun, kɛ amun ´fin Ezipt lɔ ´ba, m bɔbɔ min Anannganman yɛ n ti amun Nyanmiɛn-ɔn. Amun si-man Nyanmiɛn uflɛ kun san min kunngba cɛ. Defuɛ uflɛ fi nun-man lɛ san min.

Saun Yolɛ 11:45

M bɔbɔ min Anannganman'n, min yɛ n fali amun Ezipt mɛn'n nun lɔ m bali-ɔ. Min waan n ´fa amun m ´ba nan n ´yo amun Nyanmiɛn. Min nzuɛn nin klɔ sran liɛ'n ti-man kun. I sɔ'n ti man amun nzuɛn liɛ'n ɔ fa min liɛ'n .»

Saun Yolɛ 19:36

man amun toe mun nin amun ja yɛbuɛ mun, ɔ nin amun ninnge'm be suliɛ mun be di nanwlɛ. Min yɛ n ti Anannganman amun Nyanmiɛn nin-ɔn. Min yɛ n fali amun Ezipt mɛn'n nun m bali nin-ɔn.

Saun Yolɛ 23:43

Nan be nga be ´wu be kasiɛn'n b'a si kɛ i nun bɔ n ´yi be nannan mun Ezipt mɛn'n nun n ´fite'n, be trannin kpata'm bé bo. Min yɛ n ti Anannganman amun Nyanmiɛn nin-ɔn.»

Saun Yolɛ 25:38

Min yɛ n ti Anannganman amun Nyanmiɛn nin-ɔn. Min yɛ n fali amun Ezipt mɛn'n nun lɔ m bali-ɔ. Min yɛ n fali Kanaan nvle'n m mannin amun-ɔn. N fa mannin amun sɔ kɛ n ´yo amun Nyanmiɛn.»

Saun Yolɛ 25:42

Min sufuɛ mun yɛlɛ Izraɛlfuɛ mun, afin min yɛ n fali be Ezipt mɛn'n nun lɔ m bali-ɔ. I sɔ'n ti ɔ fata-man kɛ be yo be atɛ kɛ be fa yo kanga'm be atɛ'n sa wie.

Saun Yolɛ 25:55

«Izraɛlfuɛ'm be min'n ti-man nnyɔn nin nsan, be min'n yɛlɛ m bɔbɔ min. Kɛ bɔ min yɛ n fali be Ezipt mɛn'n nun lɔ m bali'n ti'n, be ti min sufuɛ mun. Min yɛ n ti Anannganman amun Nyanmiɛn nin-ɔn.»

Saun Yolɛ 26:1

«Nán amun kpɛ amuɛn ba. Waka sran nga be taka'n, ɔ nin yɛbuɛ amuɛn nga be taka'n, nán amun yo wie. Nán amun fa yɛbuɛ be sɛ amuɛn be klɛ i wun wɛnkɛɛn kɛ amun ´fa sie amun mɛn'n nun wa nan amun sɔ i. Afin min yɛ n ti Anannganman amun Nyanmiɛn nin-ɔn.

Saun Yolɛ 26:13

Min yɛ n ti Anannganman amun Nyanmiɛn nin-ɔn. Min yɛ n fali amun Ezipt mɛn'n nun lɔ m bali-ɔ. Min waan n ´yi amun n ´fite sɔ nan nán amun yo kanga kun. Wunmiɛn nga Eziptfuɛ'm be lɛ i'n, bɔ i ti yɛ be tin amun su kplɔlɔlɔ'n, n sacili i. Ɔ man siɛn'n, sɛ amun ´nanti'n, amun ´kwla man amun ti su.»

Amɔs 2:10

N fali amun Ezipt lɔ m bali. N ko sunmannin amun afuɛ ablanan aawlɛ flɛnnɛn'n nun lɔ lele nan m'an fa Amɔrfuɛ'm be mɛn'n m'an man amun.

Rɔmfuɛ Mun 10:12

Yɛlɛ kɛ ɔ lɛ-man Zuif, yɛ ɔ lɛ-man Grɛk, be kwlaa be Min'n ti kun, ɔ fɛ i ninnge kpakpa'n man be kwlaa nga be bo flɛ i'n,

Rɔmfuɛ Mun 3:29

?Nyanmiɛn'n ti Zuif'm be ngunmin be liɛ? ?Ɔ ti-man be nga be ti-man Zuif'm be liɛ wie? Ɔ ti be liɛ wie,

Mmla'n 13:10

Amun `finfin i sɔ sran'm be yɛbuɛ be `kun be. Sran nga be lɛkɛ i'n yɛ ɔ dun mmua fin be yɛbuɛ-ɔ, yɛ sran'm be nian su finfin be wie kun be.

Mmla'n 15:15

Nán amún wla fi kɛ laa amun ti kanga Ezipt mɛn'n nun lɔ yɛ Anannganman amun Nyanmiɛn'n kpɔli amún ti-ɔ. I sɔ'n ti yɛ n fa ndɛ nga n fa sie amun nyrun ndɛkɛn nin-ɔn.

Mmla'n 20:1

Sɛ amun ´kɔ alɛ kunlɛ'n, nan amun ´nian-an, amun kpɔfuɛ'm be nnɛn kpanngɔ mun, nin be kakaklolo'm be kpanngban ɔ tra amun liɛ'n, nán amun sro be, afin Anannganman amun Nyanmiɛn b'ɔ fali amun Ezipt mɛn'n nun lɔ bali'n, ɔ nin amun wo nun.

Mmla'n 5:15

Nán ɔ́ wla fi kɛ a yoli kanga Ezipt mɛn'n nun lɔ yɛ min Anannganman ɔ Nyanmiɛn'n n fali wɔ lɔ n bali-ɔ. Afin sran fi kwla jran-man min nyrun. I sɔ'n ti yɛ min Anannganman ɔ Nyanmiɛn'n n waan a de wunmiɛn wunmiɛn-delɛ-cɛn'n nun nin-ɔn.

Mmla'n 5:6

«N ti Anannganman ɔ Nyanmiɛn'n. Min yɛ man a tuli Ezipt lɔ blɛ bɔ a tɛ o kanga nun nin-ɔn.

Mmla'n 7:8

Sanngɛ kɛ Anannganman klo amun'n ti'n, yɛ aenguɛ ng'ɔ nin amun nannan'm be trali'n i su bɔ i waan ɔ ´nian'n ti, ɔ yili amun Ezipt lɔ fiteli. Kɛ ɔ ´yo sɔ'n, wuun amun wo kanga nun, i tinmin bɔ be jrɛn i nyrun ɔ yo-man ye'n ti, ɔ deli amun Ezipt famiɛn'n i sa nun.

Jɔlɛ Difuɛ Mun 2:1

Anannganman i anz'n fɛli i Gilgal lɛ ɔ ɔli Bɔkim. Ɔ seli Izraɛlfuɛ'm be kɛ: «N fali amun Ezipt lɔ m bali, mɛn nga n kan kleli amún nannan mun kɛ n ´fa man amun'n nun. Yɛ n seli kɛ aenguɛ nga e nin amun trali'n, ɔ ´tran lɛ titi .

Jɔlɛ Difuɛ Mun 6:10

Yɛ n seli amun kɛ: N ti Anannganman amun Nyanmiɛn. Amɔrfuɛ nga'm bé mɛn'n nun yɛ amun wo yɛ'n, nán amun sɔ be amuɛn mun. Sanngɛ, amu'an ti-man mín nuan ndɛ'n.› »