Ezipt Lɔ Tulɛ'n 20:16 - NYANMIƐN NDƐ'N 1998

¹⁶ Nán tɔn ɔ wiengu suɛn .

Ezipt Lɔ Tulɛ'n 20:16 ပူးပေါင်းရင်းမြစ်များ

Jue Mun 15:3

Sran sɔ'n ɔ tɔn-mɛn i wiengu suɛn, ɔ yo-mɛn i wiengu tɛ, ɔ kpɛ-mɛn i nzowa.

Ezipt Lɔ Tulɛ'n 23:1

«Nán kan ndɛ ng'ɔ ti ato ndɛ'n sin lika'm be nun. Nán jran sa tɛ yofuɛ'm bé sin, nán yo ato lalofuɛ.

Nyanndra Mun 10:18

Sran nga bɔ i wiengu wun kpɔɛ o i klun b'ɔ fia su'n, i sɔ sran liɛ'n ɔ ti gblɛfuɛ. Yɛ sran nga kusu b'ɔ tɔn sran suɛn sin'n, i sɔ sran liɛ'n ɔ ti sinnglinfuɛ.

Nyanndra Mun 11:13

Sran ng'ɔ tɔn i wiengu suɛn sin'n, i sɔ sran liɛ'n yiyi ndɛ bo. Sran ng'ɔ ti ndɛ-ɔ ɔ fa sie i klun'n, be lafi i su-ɔ ɔ yo ye.

Nyanndra Mun 19:5

Lalofuɛ ng'ɔ bua ato'n, san be ´tu i fɔ. Fɔ ng'ɔ fata kɛ be tu gblɛfuɛ'n, san be ´tu i.

Nyanndra Mun 25:18

Sɛ be fa kate, annzɛ tokofi, annzɛ ta mma piembie be fa yo sran like'n, ɔ wun i ya'n sa fiaan. Suɛn nga sran fa tɔn i wiengu'n, kɛ i kusu ti sɔ-ɔ.

Saun Yolɛ 19:11

Nán amun wua, nán amun kpɛ gblɛ, nán amun di amun wiengu Izraɛlfuɛ kun lufle.

Saun Yolɛ 19:16

Nán amun tɔn amun osufuɛ'm be suɛn. Nán amun fua amun wiengu kun i ti nan amun tɔn i suɛn man be fa ndɛ be yi i su nan be kun i ngbɛn. Min yɛ n ti Anannganman nin-ɔn.

Saun Yolɛ 19:18

Nán amun se kɛ sran nga sa ɔ'a yo amun sa ti amun ´yo i wie. Nán amun fa amun wiengu wun ndɛ be sie amun klun. Ɔ fata kɛ sran kun klo i wiengu kɛ ɔ fa klo i bɔbɔ wun'n sa. Min yɛ n ti Anannganman nin-ɔn .

Matthieu 19:18

Ɔ usali Jésus kɛ: «?Mmla onin?» Yɛ i waan: «Mmla sɔ'n yɛ ɔ o yɛ: nán kun sran, nán kunndɛ bla annzɛ bian ɔ́ yi annzɛ ɔ́ wun bo, nán wua, nán tɔn sran suɛn, bu ɔ́ si nin ɔ nin be sran,

JÉSUS-CHRIST I DYASIN FE'N BO LUC KLELI'N 3:14

Sonja'm be kusu be usɛli i kɛ: «?Yɛ e liɛ'n, nguɛ yɛ e `yo-ɔ?» Ɔ seli be kɛ: «Nán an de sran fi like wue kekle su, yɛ nán an tɔn sran suɛn, sanngɛ man amun klun jɔ amun kalɛ nga be fa tua amun'n su.»

Sa nga bé yôli'n 6:13

Be man sran wie'm be jrannin be nyrun lɛ be tɔnnin i suɛn seli kɛ: «Bian nga kan Nyanmiɛn lika ng'ɔ o yɛ'n nin mmla'n be sacilɛ ndɛ titi,

Efɛzfuɛ Mun 4:31

An `wla klunwi'n, nin anwlɛn fufu'n, nin ya falɛ'n, nin ndɛnngan'n, nin sran wun sacilɛ'n, ɔ nin sran kpɔlɛ'n be kwlaa be ase.

Mmla'n 5:20

Nán tɔn ɔ wiengu suɛn.

1 Timote 1:10

nin bla nin bian kunndɛfuɛ mun, nin yasua nga be kunndɛ be wiengu yasua'n, nin be nga be tra sran ndɔlɛ'n, nin atofuɛ mun, nin be nga be tɔn sran suɛn'n, ɔ nin be kwlaa nga be yo sa nga b'ɔ nin sa nga be kle be kɛ be yo'n ɔ ti-man kun'n.

2 Timote 3:3

be su klo-man sran, be yo be sa-a be su yaci cɛ-man, be ´di abla, be su si-man bé wun su nian, be ´yo wlɛ, be ´kpɔ sran kpa mun,

Jacques 4:11

Aniaan mun, nán an kan amun wiengu wun ndɛ tɛ. Sran ng'ɔ kɛn i niaan wun ndɛ tɛ annzɛ ɔ bu i fɔ'n, wuun mmla'n yɛ ɔ kɛn i ndɛ tɛ kɛ ɔ ti sa ɔ ti sa-a. Ɔ man sɛ an se kɛ mmla'n ti sa ti sa'n, wuun amun waan ɔ ti-man kpa.