Ezipt Lɔ Tulɛ'n 20:12 - NYANMIƐN NDƐ'N 1998

¹² Bu ɔ́ si nin ɔ nin be sran, kɛ ɔ ´yo nan ɔ nguan nyanman'n ɔ'a yo tɛnndɛn mɛn nga min Anannganman Nyanmiɛn n fa man wɔ'n i nun'n ti .

Ezipt Lɔ Tulɛ'n 20:12 ပူးပေါင်းရင်းမြစ်များ

Bo Bolɛ 48:12

Kpɛkuun Zozɛf man be fin i si ja su be jrali nan ɔ'a kɛn i wun ase lele i ti'n ɔ'a to asiɛ'n.

Bo Bolɛ 50:12

Zakɔb i mma'm be niannin ndɛ nga bé si kan kleli be'n su be yoli.

1 Famiɛn Mun 2:19

Bat-Seba ɔli Salomɔn wun lɔ kɛ ɔ ko kan Adɔniza i ndɛ'n kle i. Salomɔn jasoli i famiɛn bia'n su, ɔ ɔli ko kotoli i nyrun, nan ɔ'a sɛ i sin ɔ'a ko tran ase. Ɔ man be fali famiɛn bia'n be blɛli i nin, be fa tɛkɛli i sa fama su.

2 Famiɛn Mun 2:12

Kɛ ɔ ´fu kɔ'n, Elize niɛnnin i, nan ɔ'a kpan kɛ: «Baba, baba! A lɛ nyrun kɛ Izraɛl mɛn'n nun kakaklolo'm be kwlaa, ɔ nin i nnɛn kpanngɔ'm be kwlaa nin be su fufuɛ'm be kwlaa be sa.» Kɛ ɔ yoli sɔ'n, ɔ'a wun-mɛn i kun, kpɛkuun ɔ trɛli i tralɛ'n kpacili nun nnyɔn i wla b'ɔ boli i wun'n ti.

Ezipt Lɔ Tulɛ'n 21:15

Sran ng'ɔ bo i si annzɛ i nin'n, man be kun i.

Ezipt Lɔ Tulɛ'n 21:17

Sran ng'ɔ bo i si annzɛ i nin i sannzan'n, man be kun i.»

Nyanndra Mun 15:5

Ba ng'ɔ si-man ngwlɛlɛ'n, i si tu i fɔ-ɔ ɔ bu-mɛn i ndɛ. Sran nga be ´tu i fɔ b'ɔ ´kplin su lɛ'n, wuun ɔ ti ngwlɛlɛfuɛ.

Nyanndra Mun 17:6

Anunman'm be ti kɛ oke'm be famiɛn kle sa. Siɛ'm be kusu be ti kɛ ba'm be anyrunnyan like sa .

Nyanndra Mun 20:20

Sran kun ng'ɔ bo i si nin i nin be sannzan'n, i bɔbɔ'n ɔ wa wun kɛ ɔ su wu blɛblɛblɛ kɛ kannin wie b'ɔ su nuan aosin nun'n sa.

Nyanndra Mun 28:24

Sran kun nga bɔ ɔ wua i si nin i nin b'ɔ se kɛ: «N kpa'n, nguɛ sa tɛ yɛ n yoli'n,» i sɔ sran'n nin kodiawiefuɛ'n be ti kun.

Nyanndra Mun 3:16

Ɔ man sran sɔ'n i nguan tɛnndɛn, yɛ ɔ mɛn i anyanbeun nin anyrunnyan.

Nyanndra Mun 30:11

Sran wie o lɛ'n, sannzan yɛ ɔ bo i si-ɔ, i nin i wun ndɛ tɛtɛ'n yɛ ɔ kan-an.

Nyanndra Mun 30:17

Sran nga b'ɔ sri i si'n, bɔ i nyin yi-mɛn i nin'n, kuankuan'm be ´fiti i nyinma'n, kpɛkuun anunman nyin'n i mma'm be ´di i.

Zeremi 35:18

Zeremi seli Rekab awlofuɛ'm be kɛ Anannganman b'ɔ sie mɛn wunmuan'n b'ɔ ti Izraɛl Nyanmiɛn'n wan yoo: «Kɛ ɔ ´yo bɔ amun fali ndɛ nga amun nannan Zɔnadab kannin'n su'n, bɔ an niannin i kwlakwla su yoli'n

Zeremi 35:7

Yɛ nán an kplan sua, nán an di fie, nán an ta vinyi, nán an nyan vinyi fie, sanngɛ amún tannin sua'n bo yɛ an `tran titi-ɔ. An `yo sɔ nan amu'an cɛ lika bɔ amun ti nun aofuɛ'n nun.›

Ezekiɛl 22:7

Ɔ lɔ'n, be yo siɛ nin niɛn be finfin. Be yo aofuɛ'm be tɛtɛ. Be bo aika ba nin angboti bla'm be akpo.

Saun Yolɛ 19:3

Man amún nyin yi amún si nin amún nin. Mín wunmiɛn-delɛ-cɛn'n nun'n, nán amun di junman. Min yɛ n ti Anannganman amun Nyanmiɛn nin-ɔn.

Saun Yolɛ 19:32

Amun wun sran oke mun-ɔn, man amún nyin yi be. Amun `bu min sran titi. Min yɛ n ti Anannganman amun Nyanmiɛn nin-ɔn.

Malasi 1:6

Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Matthieu 19:19

yɛ klo ɔ wiengu kɛ ɔ fa klo ɔ bɔbɔ wun'n sa .»

Marc 10:19

A si mmla'n b'ɔ se kɛ: Nán kun sran, nán kunndɛ bla annzɛ bian ɔ́ yi annzɛ ɔ́ wun bo, nán wua, nán tɔn sran suɛn, nán di ndrunmun, bu ɔ́ si nin ɔ nin be sran .»

Marc 7:10

Afin Moiz kannin kɛ: ‹Bu ɔ si nin ɔ nin be sran,› yɛ ‹sran ng'ɔ kɛn i si annzɛ i nin i ndɛ tɛ'n man be kun i .›

JÉSUS-CHRIST I DYASIN FE'N BO LUC KLELI'N 18:20

A si mmla nga be klɛli i kɛ: ‹Nán kunndɛ bla ɔ́ yi bo, nán kun sran, nán wua, nán tɔn sran suɛn, bu ɔ́ si nin ɔ nin be sran'n .› »

Efɛzfuɛ Mun 5:21

Kɛ amún nyin yi Krist'n ti, an `bu amun wiengu sran.

Mmla'n 11:8

Ɔ man ndɛ nga n ´kan kle amun ndɛ yɛ'n, amun `fa be sie nan amu'an nyan fanngan, nan amu'an ɔ mɛn nga amun su kɔ i falɛ'n nun lɔ.

Mmla'n 11:9

Amun `fa ndɛ sɔ'n be sie, nan amu'an cɛ mɛn nga Anannganman tali nda kɛ ɔ ´fa man amun nannan'm be nin be osu nunfuɛ mun'n nun. Mɛn sɔ'n i asiɛ'n ɔ yo like ye kpa. I kunngba'n ɔ ti nnɛn tawlɛ klanman.

Mmla'n 21:18

Sɛ sran kun i wa'n i nyin ti kekle'n, bɔ i nyin yi-man sran'n, bɔ i si nin i nin be kan ndɛ kle i-ɔ ɔ ti-man'n, bɔ be tu i fɔ-ɔ ɔ fa-man'n,

Mmla'n 25:15

Man amun jayɛbuɛ'n ɔ yo sɛsɛ, man amun ninnge sunnzunliɛ'n ɔ yo sɛsɛ nan amu'an cɛ asiɛ nga Anannganman amun Nyanmiɛn'n ´fa man amun'n su.

Mmla'n 27:16

«Sran ng'ɔ bu-mɛn i si nin i nin be sran'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

Mmla'n 32:47

Nán ndɛ sɔ'n yo amun nyrun ndɛ finfin, afin i yɛ ɔ´yo man amun ´nyan nguan-an, i yɛ ɔ ´yo man amun ´cɛ mɛn nga amun wa kpɛ Zurdɛn'n amun ´ko fa'n i nun lɔ-ɔ.»

Mmla'n 4:26

Sɛ amun yo i sɔ sa tɛ liɛ'n, amun ´wu ndɛndɛ kpa mɛn nga amun wa kpɛ Zurdɛn'n be ´kɔ i falɛ lɛ'n nun lɔ, n kan nyanmiɛn nin asiɛ'n. Amun su cɛ-man mɛn sɔ'n nun, amun ´nunnun treketreke.

Mmla'n 4:40

Ɔ man i mmla nin i ndɛ bɔ n ´fa man amun yɛ'n, amun `fa bé su. I liɛ'n, amun nin amun osu nunfuɛ nga be wa jaso su'n, amun ´nyan ye, yɛ amun nguan nyanman'n ɔ ´yo tɛnndɛn mɛn nga Anannganman amun Nyanmiɛn'n ɔ'a fa man amun mlɔnmlɔn'n i nun.

Mmla'n 5:16

Bu ɔ́ si nin ɔ́ nin be sran kɛ min Anannganman ɔ Nyanmiɛn'n n kan kleli wɔ'n sa, nan ɔ nguan nyanman'n ɔ'a yo tɛnndɛn nan ɔ wun ɔ'a jɔ wɔ fɔuun mɛn nga min Anannganman ɔ Nyanmiɛn'n fa man wɔ'n i nun'n ti.

Mmla'n 5:33

Amun `fa atin nga Anannganman amun Nyanmiɛn'n kleli amun'n su seiin nan amu'an wu-man, nan amun wun ɔ'a jɔ amun fɔuun, nan amun nguan nyanman'n ɔ'a yo tɛnndɛn mɛn nga amun wa fa'n nun.»

Mmla'n 6:2

I waan amun nin amun osu nunfuɛ mun amun `fa be kwlakwla be su titi lele fa ju amun wie cɛn, nan amun nguan nyanman'n ɔ'a yo tɛnndɛn.

Kolɔsfuɛ Mun 3:20

Ba kanngan mun, man amún nyin yi amún si nin amun nin sa'n kwlaa nun, afin sɛ an yo sɔ-ɔ, ɔ yo e Min'n i fɛ.

Rit I Wun Ndɛ 3:6

Yɛ ɔ ɔli ɔrz siwlɛ lɔ-ɔ. Ɔ niannin sa nga i sewi'n kan kleli i'n i kwlaa'n su yoli.

1 Samiɛl 22:3

David fɛ i lɛ ɔli Mizpe b'ɔ o Moab mɛn nun lɔ'n. Ɔ kɔ seli lɔ famiɛn'n kɛ: «N waan n ´srɛ wɔ nan mín si nin mín nin be wa tran ɔ́ wun wa, nan sɛ n ko wun like nga Nyanmiɛn waan ɔ ´yo man min'n, n ko ba be falɛ.»