Ezipt Lɔ Tulɛ'n 20:11 - NYANMIƐN NDƐ'N 1998

¹¹ Afin n fali cɛn ba nsiɛn yɛ n fa yili nglo'n, nin asiɛ'n, nin jenvie'n, ɔ nin ninnge nga be o lɛ'n be kwlaa-a, kpɛkuun cɛn ba nso'n su fuɛ'n, n fa deli wunmiɛn. I sɔ'n ti yɛ m bɔbɔ min Anannganman n yrali min nuan klanman kɛ cɛn sɔ'n `yo kpa, yɛ n klo kɛ ɔ `yo min liɛ klonglo nin-ɔn.

Ezipt Lɔ Tulɛ'n 20:11 ပူးပေါင်းရင်းမြစ်များ

Bo Bolɛ 1:28

Nyanmiɛn boli muae mannin be. Ɔ seli be kɛ: «An `trɛ, an `sɔn kpa, an `yi asiɛ'n, an `sie i. Jenvie'n nun jue mun nin anunman bɔ be tu sin nglo lɔ'n mun, ɔ nin nnɛn nga be wlan asiɛ'n su'n, amun `sie be kwlakwla.»

Bo Bolɛ 1:31

Nyanmiɛn niannin ninnge ng'ɔ yoli'n be kwlaa, ɔ wunnin kɛ ɔ yoli kpa dan. Kɛ ɔ yoli sɔ'n, aliɛ'n sannin kpɛkuun lika'n cɛnnin. Cɛn nsiɛn su'n yɛ ɔ o lɛ-ɔ.

Ezipt Lɔ Tulɛ'n 31:17

Ɔ ti nzɔliɛ kun b'ɔ o e nin Izraɛlfuɛ mun ye afiɛn b'ɔ ´tran lɛ tititi. Afin min Anannganman, n fali cɛn ba nsiɛn yɛ n fa yili nglo'n nin asiɛ nin-ɔn, sanngɛ i cɛn ba nso'n su n jrannin min junman'n, yɛ n deli wunmiɛn.»

Ezipt Lɔ Tulɛ'n 8:22

Moiz tɛli i su kɛ: «Cɛcɛ, e kwla yo-mɛn i sɔ, afin nnɛn nga bɔ e fa yi tɛ man e Nyanmiɛn'n ti tete like Eziptfuɛ'm be nyrun. ?Yɛ sɛ e yi i sɔ tɛ ng'ɔ ti be nyrun tete like'n be nyrun wa'n, be su to-man e yɛbuɛ?

Ezipt Lɔ Tulɛ'n 9:29

Moiz tɛli i su kɛ: «Kɛ n fin klɔ'n nun n ´fite cɛ'n, m ´manman mín sa'm bé su n ´srɛ Anannganman. Ngblannan'n nin nzraama'n be ´jran, kɛ ɔ ´yo nan w'a si kɛ asiɛ'n ti Anannganman liɛ'n ti.

Ezai 42:10

Amun `to jue uflɛ uflɛ kun fa manman Anannganman. Kɛ ɔ fɛ i asiɛ'n awieliɛ lɔ lele ba'n, amun nga bɔ amun wlan-wlan jenvie'n nyin su'n, amun nga bɔ amun klɔ'm be o jenvie'n su'n, amun nga bɔ amun tran jenvie nuan mmua mmua lɔ'n, amun `manman Anannganman.

Ezai 48:13

M bɔbɔ yɛ n fali mín sa n wlali asiɛ'n i bo ase-ɔ, sɛ nyanmiɛn ng'ɔ la nglo lɔ plaii yɛ'n o ti bɛ'n, wuun n ´se kɛ m bɔbɔ yɛ n fali min sa n tinngɛli nun-ɔn. Sɛ asiɛ'n nin nyanmiɛn'n be ti sran'n, wuun n ´se kɛ, kɛ m bo be dunman cɛ'n, kpɛkuun be ba likawlɛ.

Sa nga bé yôli'n 14:15

«?Nja mun, nguɛ ti yɛ an yo sɔ-ɔ? Nán an sɔ ye, e ti sran kɛ amun sa wie, yɛ e su bo jasin fɛ'n kle amun nan an yaci like ngbɛn-ngbɛn nga'm be yolɛ, an kpɛ amún nyin Nyanmiɛn b'ɔ lafi-man wun, i yɛ ɔ yili nglo nin asiɛ'n, nin jenvie'n, ɔ nin like b'ɔ o mɛn'n nun'n i kwlaa-a .

Sa nga bé yôli'n 20:7

Mɔnnɛn bɔ sɛ aliɛ cɛn-ɔn Pɔl ´kɔ'n, e yiali kɛ e ´di like e ´fa kɔminiɔn. Pɔl kan ndɛ kleli be bɔ be yiali lɛ'n lele fa juli lika mlunnuɛn nun.

Sa nga bé yôli'n 4:24

Kɛ be tili'n, be kwlaa be mannin be nɛn'n su be seli Nyanmiɛn kɛ: «E Si, ɔ bɔ a yili nglo nin asiɛ'n, nin jenvie'n, ɔ nin ninnge'n kwlaa bɔ be o lɛ'n ,

Mmla'n 5:15

Nán ɔ́ wla fi kɛ a yoli kanga Ezipt mɛn'n nun lɔ yɛ min Anannganman ɔ Nyanmiɛn'n n fali wɔ lɔ n bali-ɔ. Afin sran fi kwla jran-man min nyrun. I sɔ'n ti yɛ min Anannganman ɔ Nyanmiɛn'n n waan a de wunmiɛn wunmiɛn-delɛ-cɛn'n nun nin-ɔn.

Hébreu 4:4

Afin be klɛli cɛn ba nso su'n i ndɛ Nyanmiɛn Ndɛ'n nun lika wie kɛ: «Kɛ Nyanmiɛn dili junman lele'n, i le nso su'n ɔ deli wunmiɛn .»

Sa nglô yile 10:6

Ɔ seli kɛ: «N kan Nyanmiɛn b'ɔ ti anannganman'n, b'ɔ yili nyanmiɛn su lɔ'n nin ninnge nga be o lɔ'n be kwlaa, nin asiɛ'n nin ninnge nga be o su'n be kwlaa'n, nin jenvie'n nin ninnge nga be o nun'n be kwlaa'n, kɛ sɛ be minndɛ ekun'n, wuun nán min-ɔn!»