Ezipt Lɔ Tulɛ'n 2:25 - NYANMIƐN NDƐ'N 1998

²⁵ Kɛ Nyanmiɛn niannin Izraɛlfuɛ mun'n, kpɛkuun be yoli i annvɔ.

Ezipt Lɔ Tulɛ'n 2:25 ပူးပေါင်းရင်းမြစ်များ

2 Samiɛl 16:12

Sɛ nja, Anannganman ´wun min awlaboɛ'n nan ɔ ´fa min su sannzan'n kaci muae ´man min o.»

Zɔb I Nyrɛnnɛn Wunlɛ 33:27

Ɔ sro jue. Kɛ ɔ wun sran mun'n ɔ se be kɛ: «N yoli sa tɛ, m'an nanti-man atin'n su kɛ ɔ fata'n sa. Sanngɛ Nyanmiɛn ɔ'a nian-man sa nga n yoli'n su ɔ'a bu-man min fɔ.

Jue Mun 1:6

Anannganman nian sran ng'ɔ bu be sran kpa'n be atin nga be fa'n su. Klunwifuɛ'm be atin liɛ'n, ɔ fa be kɔ mlinlɛ nun.

Jue Mun 10:14

A wun nyrɛnnɛnfuɛ'm be afɛ'n nin be nyrɛnnɛn'n. A yaci-man be nga afɛ nin nyrɛnnɛn'n wo bé su'n be lika nianlɛ. Ɔ su yɛ nyrɛnnɛnfuɛ'm be kisa-a. Wɔ yɛ a uka aika mun-ɔn.

Jue Mun 31:8

Ɔ klun-ufue'n ti, n klun'n ɔ jɔ, yɛ min wun kpaja min, afin a wun afɛ ng'ɔ o min su'n, yɛ awlaboɛ ng'ɔ o min nun'n, a si.

Jue Mun 55:22

I nuan nun ndɛ'n ti sa wɛtɛɛ, ɔ ti sa fɛfɛfɛ! Sanngɛ i like b'ɔ klo i'n yɛlɛ alɛ. I nuan nun ndɛ'm be ti kɛ ngo mɔntɔɔn wie sa, kusu wuun be la kpa kɛ kue sa.

Ezipt Lɔ Tulɛ'n 1:8

Yɛ famiɛn uflɛ kun bɔ i liɛ'n ɔ'a si-man Zozɛf mlɔnmlɔn'n, ɔ wa jasoli su nan ɔ'a sie Ezipt mɛn'n.

Ezipt Lɔ Tulɛ'n 18:8

Moiz kannin sa nga Anannganman fa yili i Ezipt famiɛn'n nin Eziptfuɛ'm be su Izraɛlfuɛ'm be dunman nun'n kwlaa. Ɔ kannin nyrɛnnɛn nga be wunnin i atin nun'n, ɔ nin delɛ nga bɔ Anannganman fa deli be'n.

Ezipt Lɔ Tulɛ'n 3:9

N tili Izraɛlfuɛ'm be kpanlɛ'n b'ɔ toli min wa'n, kpɛkuun n wunnin wafa nga Eziptfuɛ'm be fa yo be tɛtɛ'n.

Ezipt Lɔ Tulɛ'n 4:31

Kpɛkuun sran'm be lafili su, be wunnin i wlɛ kɛ Anannganman wunnin bé su afɛ'n, nan i waan ɔ ´yi i wun nglo nan ɔ ´de be. Be kotoli nan b'a su i.

Matthieu 7:23

Yɛ n ´se be kɛ: ‹Amun bɔ an saci mmla'n, an `fa jao min wun lɛ. N si-man amun mlɔnmlɔn .› »

JÉSUS-CHRIST I DYASIN FE'N BO LUC KLELI'N 1:25

«Nian ye dan bɔ e Min Nyanmiɛn'n ɔ'a yo min-ɔn, siɛn'n, ɔ'a titi min nyrun nyannzuɛn'n sran'm be nyrun .»

Sa nga bé yôli'n 7:34

N wunnin n sran'm bɔ be o Ezipt lɔ'n be nyrɛnnɛn bɔ be wun'n i, n tili be otolɛ'n, n jra bali be delɛ. I sɔ'n ti, bla man n sunman wɔ Ezipt lɔ .›

Mmla'n 26:7

Yɛ e kpan flɛli Anannganman e nannan'm be Nyanmiɛn'n. Anannganman kusu tili e aniɛn'n, ɔ wunnin afɛ nga e o nun'n, ɔ wunnin yalɛ nin nyrɛnnɛn bɔ be ´kle ye'n.

1 Samiɛl 1:11

Ɔ fua kleli Anannganman kɛ: «Ee! Anannganman b'ɔ sie mɛn wunmuan'n, nian afɛ dan b'ɔ o n su-ɔ. E Min, nán ɔ́ wla fi min su. Sɛ ɔ́ wla kpɛn mín su nan a man min ba yasua kun'n, n ´fa man wɔ, ɔ ´yo ɔ liɛ mlɔnmlɔn. Be su yi-mɛn i ti'n le .»