Ezipt Lɔ Tulɛ'n 2:24 - NYANMIƐN NDƐ'N 1998

²⁴ Nyanmiɛn kusu tili be sun flɛlɛ nga be sun flɛli i'n. Kɛ ɔ tili i sɔ'n, ɔ man i wla kpɛnnin aenguɛ ng'ɔ nin Abraam, nin Izaak, nin Zakɔb be trali'n su.

Ezipt Lɔ Tulɛ'n 2:24 ပူးပေါင်းရင်းမြစ်များ

Bo Bolɛ 15:13

Yɛ Anannganman seli i kɛ: «Se kɛ sɛ, wɔ anunman'm be wa tran nvle wie nun. Be ´yo akua, be ´kle be yalɛ afuɛ kpakpa ya nnan .

Bo Bolɛ 16:11

Wunnzɛlɛ nga w'a wunnzɛ yɛ'n, a wa wu ba yasua kun. A ´tɔn i dunman kɛ Ismaɛl yɛlɛ kɛ Anannganman tili wɔ aunnvuɛ sunlɛ'n.

Bo Bolɛ 17:7

Aenguɛ nga e nin wɔ e ´trɛ i yɛ'n, ɔ osu'n kwlakwla o nun. Aenguɛ sɔ'n ɔ lɛ-man awieliɛ. N ´yo a nin ɔ osu'n amun Nyanmiɛn .

Bo Bolɛ 18:18

Afin i osu'n ɔ wa trɛ dan yɛ ɔ ´nyan kwlalɛ. Abraam dunman nun yɛ n ´yo asiɛ'n su nvle'm be kwlaa be ye-ɔ.

Bo Bolɛ 22:16

Ɔ seli i kɛ: «Ɔ nyin b'ɔ yi min'n ti'n, ɔ́ wa ba kunngba bɔ n srɛli wɔ'n, w'a se-man kɛ a man-man min,

Bo Bolɛ 26:2

Anannganman fiteli i nyrun nan ɔ'a se i kɛ: «Nán kɔ Ezipt. Lika nga n wa kle wɔ lɛ'n, lɛ yɛ tran-an.

Bo Bolɛ 26:24

Kɔnguɛ Anannganman fiteli i nyrun. Ɔ seli i kɛ: «N ti ɔ́ si Abraam i Nyanmiɛn, e nin wɔ e o nun, nán srɛ kun wɔ. N ´yo wɔ kpa. N ´yo man ɔ osu'n ɔ trɛ min sufuɛ Abraam dunman nun.»

Bo Bolɛ 26:3

Tran mɛn sɔ'n nun lɔ, n ´jran ɔ sin, n ´yo wɔ kpa. N ´fa lika nga kwlaa m man wɔ nin wɔ anunman mun. Nda nga n tali ɔ́ si Abraam'n, n ´yiɛ i nuan.

Bo Bolɛ 32:28

Sran'n usɛli kɛ: «?Be flɛ wɔ sɛ?» Ɔ tɛli i su kɛ: «Be flɛ min Zakɔb.»

Bo Bolɛ 35:11

Nyanmiɛn seli i kɛ: «Nyanmiɛn b'ɔ kwla like kwlaa yo'n yɛlɛ min. Wu ba kaka man ɔ osu'n ɔ trɛ ɔ kaci nvle wunmuan kun. I kpa'n ɔ ´kaci nvle sunman. Wɔ anunman sɔ'm be wie ´yo famiɛn.

Bo Bolɛ 35:12

Mɛn nga n fa mannin Abraam nin Izaak'n, n ´fa man wɔ nin wɔ anunman mun.»

Bo Bolɛ 8:1

Nyanmiɛn buli Noe nin nnɛn nga be wo i sin lɔ'n be kwlaa be akunndan. Ɔ man ɔ fitali aunngban kun asiɛ'n su kpɛkuun nzue'n su kan ase.

2 Famiɛn Mun 13:23

Sanngɛ Anannganman sili be aunnvuɛ, yɛ aenguɛ b'ɔ nin Abraam, nin Izaak, ɔ nin Zakɔb be trali'n ti ɔ'a nunnun-man be, ɔ yacili bé wun sa'n cɛli be. Ɔ'a fuan-man be lele yɛ ɔ'a fa ju yɛ.

Jue Mun 102:2

Anannganman, tie min srɛlɛ'n, sie ɔ́ su tie kpanlɛ bɔ n kpan n flɛ wɔ'n.

Jue Mun 102:20

Afin kɛ Anannganman wo i tranwlɛ'n nun lɔ'n, ɔ kpɛ i nyin ase nian. Kɛ ɔ o nyanmiɛn su lɔ'n, ɔ nian asiɛ wun wa.

Jue Mun 105:42

Afin nda ng'ɔ tali Abraam b'ɔ ti i sufuɛ'n, i wla o su.

Jue Mun 106:45

Kɛ i waan ɔ ´yo be ye'n ti'n, i wla kpɛnnin aenguɛ ng'ɔ nin be trali'n su. I klun-ufue dan'n ti ɔ sili be aunnvuɛ.

Jue Mun 138:3

I nun bɔ n kpan flɛli wɔ'n, a tɛli mín su. A wlali min fanngan, a mannin min wunmiɛn.

Jue Mun 22:24

Amun bɔ amun nyin yi Anannganman'n, amun `mɛnmɛn i! Zakɔb i osu'n nunfuɛ mun, amun kwlakwla amun `yi i ayɛ. Izraɛl i osu'n nunfuɛ mun, kɛ amun wo i nyrun'n, man srɛ kun amun, yɛ amun `usu.

Jue Mun 22:5

Ɔ su yɛ e nannan'm be fa bé wla'n be guali-ɔ. Be fa guali ɔ́ su, yɛ a deli be.

Jue Mun 79:11

Man bisuafuɛ'm be kplinlɛ'n to wɔ lɔ. Ɔ kwlalɛ bɔ a kwla dan'n ti, de be bɔ b'a bu be fɔ kɛ be ´kun be'n.

Ezipt Lɔ Tulɛ'n 6:5

M bɔbɔ n tili Izraɛlfuɛ'm be kplinlɛ nga be kplin Eziptfuɛ'm be yalɛ bɔ be kle be'n ti'n. Mín wla ɔ'a kpɛn aenguɛ nga e nin be e trali'n su.

Kalɛ 20:16

E sun flɛli Anannganman kɛ ɔ wa de ye. Ɔ tili e sunlɛ'n, yɛ ɔ sunmannin anz kun ko fali e Ezipt lɔ-ɔ. Siɛn'n, e yɛ y'a ju Kadɛs yɛ, klɔ sɔ b'ɔ nin ɔ mɛn'n mantan koko yɛ'n su.

Sa nga bé yôli'n 7:34

N wunnin n sran'm bɔ be o Ezipt lɔ'n be nyrɛnnɛn bɔ be wun'n i, n tili be otolɛ'n, n jra bali be delɛ. I sɔ'n ti, bla man n sunman wɔ Ezipt lɔ .›

Jɔlɛ Difuɛ Mun 2:18

Kɛ Anannganman man be jɔlɛ difuɛ kun ɔ ukɛ i, blɛ nga jɔlɛ difuɛ i nyin tɛ o su'n, Anannganman de be be kpɔfuɛ'm be sa nun. Afin kɛ be ´kle be yalɛ bɔ be ´mianmian be'n, be sun flɛ Anannganman. I kusu ɔ si be aunnvuɛ,

1 Samiɛl 9:16

«Ainman dɔ kunngba nga su, n ´fa Bɛnzamɛn akpasua'n su lɔ sran kun ´blɛ wɔ. Sɛ ɔ ba'n, guɛ i ti su ngo man ɔ sie Izraɛl b'ɔ ti min nvle'n. Ɔ wa de min nvle'n Filistifuɛ'm bé sa nun, afin mín nyin o min nvle'n sɔ'n su. Kpanlɛ nga min nvle'n nunfuɛ'm be kpan'n toli min wa.»