Ezipt Lɔ Tulɛ'n 2:23 - NYANMIƐN NDƐ'N 1998

²³ I sin b'ɔ cɛ lele'n, Ezipt famiɛn'n wa wuli, sanngɛ i blɛ sɔ nun'n, wuun Izraɛlfuɛ'm be tɛ o kanga'n nun. Be kplin, be sun. Be kpanlɛ'n toli Nyanmiɛn lɔ.

Ezipt Lɔ Tulɛ'n 2:23 ပူးပေါင်းရင်းမြစ်များ

Bo Bolɛ 16:11

Wunnzɛlɛ nga w'a wunnzɛ yɛ'n, a wa wu ba yasua kun. A ´tɔn i dunman kɛ Ismaɛl yɛlɛ kɛ Anannganman tili wɔ aunnvuɛ sunlɛ'n.

Bo Bolɛ 4:10

Yɛ Nyanmiɛn seli i kɛ: «?Ɔ yo sɛ ti yɛ a yoli sɔ-ɔ? Abɛl i mmoja bɔ a guɛli i ase'n ɔ ti kɛ sran yɛ ɔ su kpan flɛ min kɛ n tu i klunngbɔ sa .

Neemi 9:9

A wunnin fɛlɛ nga e nannan'm be fɛli Ezipt lɔ'n, a tili be nɛn'n kɛ be kpan flɛli wɔ ndɛma jenvie'n wun lɔ'n.

Zɔb I Nyrɛnnɛn Wunlɛ 35:9

Kɛ yalɛ klelɛ'n ɔ yo dan'n, sran'm be kpan. Sran wlɛfuɛ'm be dunman nun ti be kplin.

Jue Mun 102:1

Nyrɛnnɛnfuɛ bɔ i wla a bo'n, b'ɔ kan sa ng'ɔ wo i su'n kle Anannganman'n. I waan:

Jue Mun 102:2

Anannganman, tie min srɛlɛ'n, sie ɔ́ su tie kpanlɛ bɔ n kpan n flɛ wɔ'n.

Jue Mun 12:5

Man ɔ nunnun be bɔ be se kɛ: «E si nga e ko kan nan y'a nyan kwlalɛ'n. E nuan waka'n wo lɛ. ?Wan cɛ yɛ ɔ kwla sie ye-ɔ?»

Jue Mun 18:6

Blɔlɔ lɔ nyanman'n blablali mín wun. Wie'n i aya'n ɔ trali min wieli.

Ezipt Lɔ Tulɛ'n 1:14

Junman'n i kekle b'ɔ yoli'n ti'n, Izraɛlfuɛ'm b'a wun-man be wun fɛ, afin be si fa, be kpɛ bliki, be di blo junman'n kwlakwla kpan. E `kpɛ kpo e `se kɛ be dili junman tɛtɛ'n kwlaa. B'a si-man be aunnvuɛ mlɔnmlɔn.

Ezipt Lɔ Tulɛ'n 4:19

Anannganman seli Moiz Madian mɛn'n nun lɔ kɛ: «Kɔ, sa ɔ́ sin Ezipt lɔ sakpa, afin sran nga be waan be ´kun wɔ'n b'a wie wu.»

Ezipt Lɔ Tulɛ'n 6:5

M bɔbɔ n tili Izraɛlfuɛ'm be kplinlɛ nga be kplin Eziptfuɛ'm be yalɛ bɔ be kle be'n ti'n. Mín wla ɔ'a kpɛn aenguɛ nga e nin be e trali'n su.

Ezipt Lɔ Tulɛ'n 6:9

Moiz ko kannin ndɛ sɔ mun kleli Izraɛlfuɛ mun, sanngɛ afɛ b'ɔ o bé su'n ti'n, kanga junman dilɛ'n ti'n, b'a sie-man bé su i bo.

Ezipt Lɔ Tulɛ'n 7:7

Kɛ be ´ko kan ndɛ'n kle Ezipt famiɛn'n, wuun Moiz lɛ afuɛ ablaɔcuɛ yɛ Aarɔn lɛ afuɛ ablaɔcuɛ-nin-nsan.

Ezai 19:20

I sɔ'n ɔ wa yo nzɔliɛ b'ɔ kle kɛ Anannganman b'ɔ sie mɛn wunmuan'n wo Ezipt mɛn'n nun. Blɛ bɔ be ´kle Eziptfuɛ'm be yalɛ'n, sɛ be kpan flɛ Anannganman kɛ ɔ de be'n, ɔ ´blɛ be defuɛ kun b'ɔ ´jran bé sin, yɛ ɔ ´de be.

Ezai 5:7

Anannganman b'ɔ sie mɛn wunmuan'n, i vinyi fie'n yɛlɛ Izraɛl osu'n. Yɛ waka b'ɔ tali b'ɔ klo be kpa'n yɛlɛ Zidafuɛ mun. Anannganman bu kɛ be wa yo sa mun i nuan su, sanngɛ sa tɛtɛ mun yɛ be yo be-ɔ. Ɔ bu i kɛ be wa fa mmla'n su, sanngɛ nyrɛnnɛnfuɛ'm be kpanlɛ'n yɛ be ti i lika'n kwlakwla-a.

Kalɛ 20:16

E sun flɛli Anannganman kɛ ɔ wa de ye. Ɔ tili e sunlɛ'n, yɛ ɔ sunmannin anz kun ko fali e Ezipt lɔ-ɔ. Siɛn'n, e yɛ y'a ju Kadɛs yɛ, klɔ sɔ b'ɔ nin ɔ mɛn'n mantan koko yɛ'n su.

Sa nga bé yôli'n 7:30

Kɛ ɔ dili afuɛ ablanan'n Madian lɔ'n, anz kun fiteli Moiz nyrun aawlɛ flɛnnɛn nun lɔ kan oka'n bɔ be flɛ i Sinai'n wo lɛ'n. Sin taaman b'ɔ o susrɛ kun su'n i nun yɛ ɔ fiteli sɔ nin-ɔn.

Mmla'n 24:15

Amun `fɛ i akatua'n be `mɛn i cɛn kwlakwla. Amun `fa mɛn i, nan wia'n ɔ'a tɔ, afin ɔ lɛ-man wie, sɛ i sa kɛn i ndɛndɛ'n, ɔ ´yo i fɛ. Sɛ ɔ'a yo-man sɔ nan ɔ sanman amun Anannganman sa nun'n, wuun amu'an yo sa tɛ.

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .

Jɔlɛ Difuɛ Mun 4:3

Izraɛlfuɛ'm be kpan flɛli Anannganman afin Sizɛra lɛ blalɛ kakaklolo ya ngwlan. Ɔ kleli Izraɛlfuɛ'm be nun afuɛ kɔe ablaɔn.

1 Samiɛl 12:8

Kɛ Zakɔb ɔ nin i osufuɛ'm be ɔli Ezipt, bɔ be ´kle be nun'n, be sun flɛli Anannganman kɛ ɔ de be. Anannganman kusu sunmannin Moiz nin Aarɔn kɛ be ko fa be Ezipt lɔ bla, nan ɔ'a fa be ɔ'a sie mɛn nga nun wa.

1 Samiɛl 9:16

«Ainman dɔ kunngba nga su, n ´fa Bɛnzamɛn akpasua'n su lɔ sran kun ´blɛ wɔ. Sɛ ɔ ba'n, guɛ i ti su ngo man ɔ sie Izraɛl b'ɔ ti min nvle'n. Ɔ wa de min nvle'n Filistifuɛ'm bé sa nun, afin mín nyin o min nvle'n sɔ'n su. Kpanlɛ nga min nvle'n nunfuɛ'm be kpan'n toli min wa.»