Ezipt Lɔ Tulɛ'n 2:22 - NYANMIƐN NDƐ'N 1998

²² Bla'n wuli ba yasua kun. Yɛ Moiz waan: «Afin bɔ m'an kaci aofuɛ mɛn uflɛ wie nun nin-ɔn, n ´tɔn i dunman kɛ Gɛrsɔm, i bo'n yɛlɛ kɛ: M'an Fia Wa.»

Ezipt Lɔ Tulɛ'n 2:22 ပူးပေါင်းရင်းမြစ်များ

Bo Bolɛ 23:4

I waan: «N ti aofuɛ yɛ m'an sike amun wun wa yɛ. I ti n ´srɛ amun, an `man min asiɛ nan n sie mín yi i saka'n.»

1 Be Nyoliɛ 16:20

Be sin kɔ nvle annzɛ famiɛn diwlɛ nga nun ndɛkɛn, ainman be ´nian-an, b'a sin b'a ɔ nvle annzɛ famiɛn diwlɛ uflɛ nun.

1 Be Nyoliɛ 29:15

E ti kɛ aofuɛ sa ɔ nyrun, e tran wa sanngɛ e ti-man wafuɛ. E ti kɛ é si mun sa. Afuɛ nga e di i asiɛ'n su wa'n sin ndɛndɛ kɛ fɔnvɔ sa. E lɛ-man é wla ase guawlɛ.

Jue Mun 119:19

N ti aofuɛ asiɛ'n su, nán fa ɔ mmla'n fia mín wun .

Jue Mun 39:12

Sɛ sran yo sa tɛ'n, a mɛn i i nuan like a fa tu i fɔ. A saci ninnge ng'ɔ klo i'n kwlakwla kɛ kakaa'n ɔ saci waka mma'n sa. Sran'n ti kɛ aunngban sa.

Ezipt Lɔ Tulɛ'n 2:10

Kɛ bakan'n yoli kaklaka'n, i nin'n fɛli i ko mannin famiɛn'n i wa bla'n. Ɔ kacili kɛ i klun ba sa, kpɛkuun famiɛn'n i wa bla sɔ'n waan: «Kɛ bɔ n fɛli i nzue nun'n ti'n, n ´tɔn i dunman kɛ Moiz.»

Ezipt Lɔ Tulɛ'n 22:21

Nán amun yo angboti bla nin aika'm be tɛtɛ.

Ezipt Lɔ Tulɛ'n 4:20

Moiz fɛli i yi nin i mma mun be fuli aflunmun su, yɛ ɔ sɛli i sin Ezipt lɔ-ɔ. Kɛ ɔ ´kɔ'n, ɔ fali kpɔnman nga Nyanmiɛn seli i kɛ ɔ fa'n.

Saun Yolɛ 25:23

«Be kwla yo-man asiɛ kun atɛ sran kun sa nun sa mlɔnmlɔn. Afin asiɛ'n ti m bɔbɔ min liɛ. Amun kusu amun ti kɛ aofuɛ sa, amun ti kɛ kpe-nun-sinfuɛ sa mín sa nun .

Sa nga bé yôli'n 7:29

Ndɛ sɔ'n ti'n, Moiz wanndi ko trannin Madian mɛn'n nun, nan ɔ'a wu ba yasua nnyɔn lɔ .

Jɔlɛ Difuɛ Mun 18:30

Dan akpasua'n su sran'm be takali waka sran'n. Zonatan b'ɔ ti Moiz i wa Gɛrsɔm i klun ba liɛ'n, ɔ nin i mma mun yɛ be yoli Dan akpasua'n su sran'm be amuɛn'm be nyrun tranfuɛ lele fa juli blɛ nga be trali Izraɛlfuɛ mun lomuɛn ɔli mɛn uflɛ nun nin-ɔn.

1 Samiɛl 1:20

Afuɛ kunngba'n nun Ani wunnzɛli, ɔ wuli ba yasua. Ɔ tɔnnin i dunman kɛ Samiɛl . Ɔ seli kɛ: «Kɛ bɔ n srɛli i Anannganman sa nun ti, n ´tɔn i dunman kɛ Samiɛl.»