Ezipt Lɔ Tulɛ'n 2:21 - NYANMIƐN NDƐ'N 1998

²¹ Moiz kplinnin su kɛ ɔ nin bian sɔ'n be ´tran. Zetro fɛli i wa bla kun mɛnnin i kɛ ɔ jɛ i. Be flɛ i kɛ Sefora.

Ezipt Lɔ Tulɛ'n 2:21 ပူးပေါင်းရင်းမြစ်များ

Ezipt Lɔ Tulɛ'n 2:10

Kɛ bakan'n yoli kaklaka'n, i nin'n fɛli i ko mannin famiɛn'n i wa bla'n. Ɔ kacili kɛ i klun ba sa, kpɛkuun famiɛn'n i wa bla sɔ'n waan: «Kɛ bɔ n fɛli i nzue nun'n ti'n, n ´tɔn i dunman kɛ Moiz.»

Ezipt Lɔ Tulɛ'n 2:20

Ɔ usɛli i mma'm be kɛ: «?Yɛ bian sɔ'n wo nin? ?Ɔ yo sɛ ti yɛ amun yacili i lɔ-ɔ? Amun `ko flɛ i man ɔ wa di like.»

Ezipt Lɔ Tulɛ'n 3:1

Moiz kɛnkɛn i sia Zetro b'ɔ ti Madian lɔ sraka yifuɛ'n i bua mun nin i boli mun. Cɛn kun ɔ kankannin nnɛn mun ɔli aawlɛ flɛnnɛn'n i sin lɔ, kpɛkuun ɔ ɔli Nyanmiɛn i oka nga be flɛ i Orɛb'n su lɔ.

Ezipt Lɔ Tulɛ'n 4:18

Moiz sɛli i sin i sia Zetro wun lɔ, ɔ seli i kɛ: «Ɔ fata kɛ n wɔ min niaan Izraɛlfuɛ nga be o Ezipt lɔ'n be osu nianlɛ. N ´ko nian sɛ be tɛ o nguan nun o.» Zetro seli Moiz kɛ: «N tili. Nanti ye o!»

Kalɛ 10:29

Moiz kannin ndɛ kleli Ɔbab b'ɔ ti Moiz i sia Reiɛl i wa yasua'n. Reiɛl ti Madianfuɛ. Moiz seli Ɔbab kɛ yoo: «Lika nga bɔ Anannganman seli kɛ ɔ ´fa man ye'n, i nun yɛ e su kɔ lɛ. Bla man e wɔ, e ´yo wɔ kpa, afin Anannganman kannin kɛ ɔ wa yo Izraɛlfuɛ'm be kpa.»

Kalɛ 12:1

Moiz jali Kis lɔ bla kun. Mari nin Aarɔn be kannin i wun ndɛ tɛtɛ i bla aja sɔ'n ti.

Sa nga bé yôli'n 7:29

Ndɛ sɔ'n ti'n, Moiz wanndi ko trannin Madian mɛn'n nun, nan ɔ'a wu ba yasua nnyɔn lɔ .

1 Timote 6:6

Nanwlɛ, sɛ sran kun su Nyanmiɛn nan i nyin yi like ng'ɔ lɛ, i sɔ'n ti anyanbeun like dan.

Hébreu 11:25

afin ɔ klo kɛ be kle i nin Nyanmiɛn sran'm be nyrɛnnɛn tra kɛ ɔ ´di mɛn'n b'ɔ ti le nnyɔn kun like'n.

Hébreu 13:5

Like nga amun ´yo'n, nán an yo i sika klolɛ'n ti. Man amún nyin yi like nga an lɛ i'n, afin Nyanmiɛn bɔbɔ seli kɛ: «N su yaci-man wɔ, n su kpɔci-man wɔ mlɔnmlɔn .»

Jacques 1:10

Yɛ anyanbeunfuɛ'n kusu, kɛ Nyanmiɛn kle i kɛ ɔ ti yalɛfuɛ'n, man ɔ fɛ i yalɛ'n di i nuan. Afin anyanbeunfuɛ'n ti kɛ waka nyrɛ sa, ɔ cɛ-man.