Ezipt Lɔ Tulɛ'n 2:15 - NYANMIƐN NDƐ'N 1998

¹⁵ Ezipt famiɛn tili sa sɔ'n, kpɛkuun ɔ kunndɛli kɛ ɔ ´kun Moiz, kpɛkuun yɛ Moiz wanndili Ezipt famiɛn'n nyrun ɔli Madian mɛn'n nun lɔ-ɔ. Kɛ ɔ ɔli'n, ɔ ko trannin nzue gbo kun wun lɛ.

Ezipt Lɔ Tulɛ'n 2:15 ပူးပေါင်းရင်းမြစ်များ

Bo Bolɛ 24:11

Ɔ ko toli nzue gbo wie b'ɔ mantan klɔ'n nan ɔ'a yo man nyɔnngɔnmɛn mun b'a koto. Kɛ ɔ ´ju lɔ'n, wuun lika'n su san'n, wuun bla'm be nzue nun balɛ ɔ'a ju.

Bo Bolɛ 25:2

Ɔ nin i be wuli Zimran, nin Zɔksan, nin Mɛdan, nin Madian, nin Zisbak yɛ Sua.

Bo Bolɛ 25:4

Madian kusu wuli Efa, nin Efɛr, nin Enɔk, nin Abida, yɛ Ɛlda. Be kwlaa sɔ'm be ti Kɛtira i anunman mun.

Bo Bolɛ 29:2

Ɔ ko fiteli gbo kun su bo'n nun lɔ. Bua akpasua nsan be o gbo sɔ'n i wun lɛ. Gbo sɔ'n ti nnɛn'm be nzue nɔnwlɛ. Yɛbuɛ ng'ɔ nannan su'n yo nɔnnin.

1 Famiɛn Mun 11:18

Be fɛli i Madian nvle'n nun lɛ be ɔli Paran. Be fali Paran lɛ sran wie mun, nan b'a ɔ Ezipt lɔ famiɛn'n sin. Ezipt famiɛn'n sikeli be. Ɔ niannin be lika, ɔ mannin be asiɛ.

Ezipt Lɔ Tulɛ'n 18:4

Ɔ tɔnnin kasiɛnfuɛ'n i dunman kusu kɛ Eliezɛr, afin i waan: «Mín si i Nyanmiɛn'n bali min delɛ, nan ɔ'a de min Ezipt famiɛn bɔ i waan ɔ ´kun min'n i sa nun.»

Ezipt Lɔ Tulɛ'n 4:19

Anannganman seli Moiz Madian mɛn'n nun lɔ kɛ: «Kɔ, sa ɔ́ sin Ezipt lɔ sakpa, afin sran nga be waan be ´kun wɔ'n b'a wie wu.»

Nyanndra Mun 22:3

Sran ng'ɔ ti ngwlɛlɛfuɛ'n, kɛ ɔ wun kɛ ndɛ tɛ wie su ba'n, kpɛkuun ɔ'a cuɛn i wun ɔ'a yi i ja. Sanngɛ be nga be bɔbɔ be kwla uka-man be wun'n be liɛ'n, be ko kuku bé wun yi nun, kpɛkuun b'a wun i nuan sa fiaan.

Abakik 3:7

Etiopifuɛ'm be wla bɔ ɔ'a bo bé wun'n, n wun i. Madianfuɛ'm be kusu srɛ ng'ɔ kun be'n, n wun i ekun.

Matthieu 10:23

Sɛ be kle amun yalɛ klɔ kun su'n, an `wanndi wɔ klɔ uflɛ su. Nanwlɛ, an su wie-man Izraɛl klɔ'm be su wlan nan m bɔ n kacili Sran'n m'an ba.

Jean 4:6

Zakɔb i nzue gbo kun o lɛ. Kɛ Jésus nantili b'ɔ fɛli'n, ɔ trannin ase nzue gbo sɔ'n su lɛ. Kɛ ɔ ´yo sɔ'n, wuun wia'n ɔ'a jran.

Sa nga bé yôli'n 7:29

Ndɛ sɔ'n ti'n, Moiz wanndi ko trannin Madian mɛn'n nun, nan ɔ'a wu ba yasua nnyɔn lɔ .

Hébreu 11:27

Nyanmiɛn su b'ɔ lafi'n ti, kɛ ɔ jao Ezipt famiɛn wlɛfuɛ'n wun lɔ'n, srɛ a kun-mɛn i, afin ɔ trɛ i anwlɛn, ɔ ti kɛ ɔ'a wun Nyanmiɛn bɔ be wun-mɛn i'n sa .