Ezipt Lɔ Tulɛ'n 2:11 - NYANMIƐN NDƐ'N 1998

¹¹ Kɛ Moiz yoli kpɛnngbɛn'n, le kun ɔ ɔli i niaan Ebre'm bé wun lɔ. Ɔ wunnin plɔtrɔ junman nga be fa mian be kɛ be di'n. Ɔ wunnin Eziptfuɛ kun b'ɔ su bo i niaan Ebre'm be nun kun.

Ezipt Lɔ Tulɛ'n 2:11 ပူးပေါင်းရင်းမြစ်များ

Ezipt Lɔ Tulɛ'n 1:11

Eziptfuɛ'm be sieli Izraɛlfuɛ'm be su junman kpɛnngbɛn mun. Be waan be `man Izraɛlfuɛ'm be junman kekle man be di. Kɛ be yoli sɔ yɛ be fa kplannin Pitɔm nin Ramsɛs b'ɔ be ti Ezipt famiɛn'n i ninnge siewlɛ klɔ mun-ɔn.

Ezipt Lɔ Tulɛ'n 3:7

Anannganman seli i ekun kɛ: «N wunnin min sran nga be o Ezipt lɔ'n be nyrɛnnɛn nga be fa kle be'n. Kɛ be kle be nyrɛnnɛn'n, kpanlɛ nga be kpannin'n, n tili. N si afɛ ng'ɔ o be su'n.

Ezipt Lɔ Tulɛ'n 5:14

Eziptfuɛ nga be ti plɔtrɔ junman'n su nianfuɛ sɔ'm be bo Izraɛlfuɛ nga be fa be sieli i junman'n su kpɛnngbɛn kanngan mun bɔbɔ. Kpɛkuun be se be kɛ: «?Nzu ti yɛ anunman nin ndɛ bliki liɛ nga amun kpɛli'n ju-man kɛ laa liɛ nga amun kpɛ i titi'n sa kun-ɔn?»

Ezipt Lɔ Tulɛ'n 5:4

Famiɛn'n seli be kɛ: «?Moiz nin Aarɔn, nzu ti yɛ amun saci sran'm bé ti nun kɛ nán be di junman'n kun-ɔn? Amun `sa amún sin amun `ko di junman'n.

Ezipt Lɔ Tulɛ'n 5:5

Siɛn liɛ'n, bɔ nvle sɔ nunfuɛ'm b'a sɔn'n, kpɛkuun amun waan amun ´yo nan nán man be di junman'n kun.»

Ezipt Lɔ Tulɛ'n 5:9

Amun `man be junman kekleekle mun. Kɛ junman'n ti be'n, be su nyan-man blɛ bu-man ato ndɛ nga'm be akunndan kun.»

Ezipt Lɔ Tulɛ'n 6:6

I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezipt Lɔ Tulɛ'n 6:7

N ´fa amun nvle'n n ´yo min nvle, n ´yo amun Nyanmiɛn, yɛ amun wa wun i wlɛ jrɛin kɛ n ti Anannganman amun Nyanmiɛn ng'ɔ ´de amun Eziptfuɛ'm be junman kekleekle nga be mian amun kɛ amun di be'n be nun.

Ezai 58:6

Nglɛmun cilɛ ng'ɔ ti n liɛ'n su'n yɛ: amun `nyannji be nga be cili be abɔlɛ su cilɛ nin jrɔkɔ'n, amun `de be nga be ti kanga'n bɔ be tin bé su'n, amun `yo man be nga be mian be kplɔlɔlɔ'n, be `nyan bé ti. E `kpɛ kpo e `se kɛ like kwlaa ng'ɔ kle kɛ sran ti kanga'n, amun `yo man ɔ wie .

Matthieu 11:28

Amun kwlaa bɔ an sua trɔ bɔ amu'an fɛ'n, an bla min sin, n ´sike amun, yɛ amun ´de wunmiɛn.

JÉSUS-CHRIST I DYASIN FE'N BO LUC KLELI'N 4:18

«E Min Nyanmiɛn i Wawɛ'n wo min su, yɛlɛ kɛ ɔ guali min su ngo kɛ m bo jasin fɛ'n kle yalɛfuɛ mun. Ɔ sunmannin n kɛ n kan kle be bɔ be trali be lomuɛn'm be kɛ be ´nyan bé ti, yɛ n kan kle anyansifuɛ'm be kɛ be ´wun ase, yɛ n `yo man mianfuɛ'm be nyan alaje,