Ezipt Lɔ Tulɛ'n 2:10 - NYANMIƐN NDƐ'N 1998

¹⁰ Kɛ bakan'n yoli kaklaka'n, i nin'n fɛli i ko mannin famiɛn'n i wa bla'n. Ɔ kacili kɛ i klun ba sa, kpɛkuun famiɛn'n i wa bla sɔ'n waan: «Kɛ bɔ n fɛli i nzue nun'n ti'n, n ´tɔn i dunman kɛ Moiz.»

Ezipt Lɔ Tulɛ'n 2:10 ပူးပေါင်းရင်းမြစ်များ

Bo Bolɛ 16:11

Wunnzɛlɛ nga w'a wunnzɛ yɛ'n, a wa wu ba yasua kun. A ´tɔn i dunman kɛ Ismaɛl yɛlɛ kɛ Anannganman tili wɔ aunnvuɛ sunlɛ'n.

Bo Bolɛ 4:25

Adam nin i yi Ɛv be sili sua nan b'a wu ba yasua kun ekun. Ɛv flɛli i kɛ Sɛt. Ɔ seli kɛ: «Nyanmiɛn ɔ'a man min ba yasua kun ekun kɛ n fa sie Abɛl bɔ Kaɛn kunnin i'n i osu.»

Bo Bolɛ 48:5

Zakɔb kɛnnin i ekun kɛ: «Ba nnyɔn nga a wuli be Ezipt wa ka nan m'an ba ɔ́ wun wa'n, be ti mín wa. Efraim nin Manase be ti min liɛ kɛ Ribɛn nin Simeɔn be ti min liɛ'n sa.

2 Samiɛl 22:17

Ɔ jrannin nglo lɔ toli i sa'n blali min wa, nan ɔ'a yi min nzue dan b'ɔ mɛnnin min'n i nun ɔ'a fite.

Ezipt Lɔ Tulɛ'n 2:9

Bla'n bali, famiɛn'n i wa bla'n seli i kɛ: «Fa bakan nga kɔ, nan ko mɛn i nyɔnflɛn, n ´tua wɔ kalɛ.» Bla'n fali bakan nan ɔ'a ɔ i nyɔnflɛn manlɛ.

Matthieu 1:21

Ɔ wa wu ba yasua, a ´tɔn i dunman kɛ Jésus, (bɔ i bo'n yɛlɛ Defuɛ), afin i yɛ ɔ wa de i nvle nunfuɛ'm bé sa tɛ bɔ be yo'n be nun-ɔn.»

Galasifuɛ Mun 4:5

Ɔ bali kɛ ɔ ´de be nga be di mmla'n su'n nan e `kaci Nyanmiɛn klun ba mun.

Hébreu 11:24

Nyanmiɛn su bɔ Moiz lafi'n ti, kɛ ɔ nyinnin'n ɔ'a kplin-man su kɛ be se kɛ ɔ ti Ezipt famiɛn'n i wa bla'n i wa ,

1 Jean 3:1

An `nian klolɛ nga e Si Nyanmiɛn fa klo ye-ɔ! Klolɛ dan sɔ'n ti yɛ be flɛ e i mma mun nin-ɔn. Yɛ e ti i mma mun sakpa. An `nian, sa nga ti yɛ mɛn'n nunfuɛ'm be si-man ye'n yɛlɛ kɛ be si-man Nyanmiɛn .

1 Samiɛl 1:20

Afuɛ kunngba'n nun Ani wunnzɛli, ɔ wuli ba yasua. Ɔ tɔnnin i dunman kɛ Samiɛl . Ɔ seli kɛ: «Kɛ bɔ n srɛli i Anannganman sa nun ti, n ´tɔn i dunman kɛ Samiɛl.»