Ezipt Lɔ Tulɛ'n 19:9 - NYANMIƐN NDƐ'N 1998

⁹ Kpɛkuun Anannganman seli Moiz kɛ: «N wa ba ɔ́ wun lɔ. Sin wɛnsrɛn kpikplikpi kun nun yɛ n ´fia-a kɛ ɔ ´yo nan kɛ n ijɔ kle wɔ'n, Izraɛlfuɛ'm b'a ti nan b'a lafi ɔ su titi'n ti.» Moiz kannin i su nga nvlefuɛ'm be tɛli'n kleli Anannganman.

Ezipt Lɔ Tulɛ'n 19:9 ပူးပေါင်းရင်းမြစ်များ

1 Famiɛn Mun 8:12

Yɛ Salomɔn kpan seli kɛ: «Anannganman, ɔ waan a ´tran lika tuun nun.

2 Be Nyoliɛ 20:20

Kɛ i aliɛ cɛnnin'n, nglɛmun ndɛ kpa'n, be jasoli be fali Tekoa aawlɛ flɛnnɛn'n i atin'n. Kɛ be wa kɔ'n, Zozafat jaso jrannin nan ɔ'a kan ndɛ ng'ɔ o yɛ'n ɔ'a kle be. I waan: «Zerizalɛmfuɛ mun nin Zidafuɛ mun, amun `tie ndɛ nga n kan'n! Amun `fa amún wla'n gua Anannganman amun Nyanmiɛn'n su kpa, yɛ ɔ ´man amun fanngan. Amun `fa amun wla'n guɛ i nuan ijɔfuɛ'm be su, yɛ amun wa kwla amun kpɔfuɛ mun.»

2 Be Nyoliɛ 6:1

Yɛ Salomɔn waan: «Anannganman, a seli kɛ a ´tran aosin nun.

Jue Mun 97:2

Nyanmiɛn ble kun bo sin yiɛ i. Sa nuan su yolɛ'n nin ndɛ nanwlɛ dilɛ'n bé su yɛ i sielɛ'n taka-a.

Jue Mun 99:7

Ɔ jrannin nyanmiɛn ble b'ɔ jaso tianmaan'n nun ɔ kan ndɛ kleli be. Ndɛ ng'ɔ kan kleli be'n, ɔ nin mmla ng'ɔ fa mannin be'n, be niannin su.

Ezipt Lɔ Tulɛ'n 14:31

Kɛ Izraɛlfuɛ'm be wunnin Anannganman i tinmin dan bɔ i ti ɔ kwlali Eziptfuɛ mun'n, bé nyin yili i. Be lafili i su, yɛ be lafili i sufuɛ Moiz su wie.

Ezipt Lɔ Tulɛ'n 19:16

Cɛn ba nsan su'n, i nglɛmun nun'n, be tili kɛ nyanmiɛn su kpan kplannan kplannan oka'n su lɔ. Be wunnin kɛ nyanmiɛn'n kpa sin piapiapia lɔ, yɛ be wunnin sin wɛnsrɛn kpikplikpi kun lɔ ekun. Be tili awɛ kun tɛlɛ kekle kpa. Kɛ Izraɛlfuɛ'm be o ngblaliɛ'n nun lɔ'n, be usuli kpa'n sa tututu.

Ezipt Lɔ Tulɛ'n 20:21

Izraɛlfuɛ'm be kali mmua lɔ, sanngɛ Moiz liɛ'n, ɔ wunngeli sin wɛnsrɛn kpikplikpi bɔ i nun yɛ Nyanmiɛn wo'n i wun lɔ.

Ezipt Lɔ Tulɛ'n 34:5

Anannganman jrali sin wɛnsrɛn tianman kun nun, ɔ wa jrannin Moiz i wun lɛ. Yɛ ɔ boli i dunman seli kɛ: «Anannganman nin-ɔn.»

Ezipt Lɔ Tulɛ'n 4:31

Kpɛkuun sran'm be lafili su, be wunnin i wlɛ kɛ Anannganman wunnin bé su afɛ'n, nan i waan ɔ ´yi i wun nglo nan ɔ ´de be. Be kotoli nan b'a su i.

Ezipt Lɔ Tulɛ'n 4:5

Anannganman waan: «Like nga a wa yo nan b'a lafi su kɛ min Anannganman bɔ n ti be nannan Abraam, nin Izaak, nin Zakɔb be Nyanmiɛn'n, n yili min wun nglo n kleli wɔ'n yɛ ɔ o lɛ-ɔ.»

Ezai 19:1

Ezipt i wun ndɛ. Amun `nian, Anannganman o nyanmiɛn ble kun b'ɔ ba luu kpa'n su, ɔ su ba Ezipt. Ezipt amuɛn'm be usu i nyrun sa tututu, yɛ Eziptfuɛ'm be wla'n ɔ bo bé wun.

Ezai 7:9

Samari yɛ ɔ ti Efraim i klɔ dan nin-ɔn, yɛ Rɛmalia i wa'n yɛ ɔ ti Samari i su kpɛn nin-ɔn. Sɛ amu'an lafi-man n su kpa'n, amun su jran-man kekle.› »

Kalɛ 12:5

Anannganman jrali sin wɛnsrɛn tiaan kun nun, kpɛkuun ɔ jrannin tannin sua'n nyrun lɛ. Ɔ flɛli Aarɔn nin Mari, yɛ be nnyɔn'n be wunngeli i wun lɔ-ɔ.

Matthieu 17:5

Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»

Marc 9:7

Nyanmiɛn ufue kun wa katali be su, yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, an `tie ndɛ ng'ɔ kan'n .»

JÉSUS-CHRIST I DYASIN FE'N BO LUC KLELI'N 10:16

Sran ng'ɔ fa amun ndɛ'n su'n, wuun min ndɛ'n su yɛ ɔ'a fa-a. Sanngɛ sran ng'ɔ sɔ-man amun nun'n, wuun ɔ'a sɔ-man min nun, yɛ sran ng'ɔ sɔ-man min nun'n, wuun ɔ'a sɔ-man sran ng'ɔ sunmannin min'n, i nun.»

Mmla'n 4:10

Nán amún wla fi cɛn nga amun jrannin Anannganman amun Nyanmiɛn'n i nyrun Orɛb lɔ'n i su. Ɔ seli min kɛ: «Flɛflɛ sran mun man be bla min wun wa. N ´kan ndɛ kle be nan be nyin ɔ'a yi min titi kɛ be o Kanaan asiɛ'n su wa'n. Be kusu ndɛ nga n kan'n, ɔ fata kɛ be fa kle be osu nunfuɛ mun.»

Mmla'n 4:36

Ɔ jrannin nyanmiɛn su lɔ ijɔ kleli amun, yɛ ɔ tikeli sa wie'm be su kleli amun. Asiɛ'n su wa kusu ɔ fɛli i sin dan'n kleli amun. Ɔ ijɔli sin sɔ'n nun amun tili.

Sa nglô yile 1:7

An `nian, ɔ o nyanmiɛn ble'n nun su ba! Sran'm be kwlaa be ´wun i, yɛ be nga be wɔli i cua'n, be ´wun i wie. I ti, asiɛ'n su nvle-nvle'm be kwlaa be ´bo awuyomo . Ɔ ´yo sɔ sakpa! Man ɔ yo sɔ!