Ezipt Lɔ Tulɛ'n 19:8 - NYANMIƐN NDƐ'N 1998

⁸ Nvlefuɛ'm be kwlaa be tɛli su kɛ: «Like kwlaa nga Anannganman waan e yo'n, e ´yo.» Moiz ko kannin i su nga be tɛli i'n kleli Anannganman.

Ezipt Lɔ Tulɛ'n 19:8 ပူးပေါင်းရင်းမြစ်များ

Neemi 10:29

Izraɛlfuɛ kun nga'm be yɛ: Nyanmiɛn nyrun jranfuɛ mun, nin Levifuɛ mun, nin anuan su nianfuɛ mun, nin jue tofuɛ mun, nin Nyanmiɛn i sua'n nun junman difuɛ bɔ be lɛ su kpɛn mun'n, ɔ nin be kwlaa nga be nin nvle uflɛ'm be tili nun afin be kunndɛ kɛ be ´fa Nyanmiɛn mmla'n su'n, be sɔfuɛ mun nin bé yi, nin be mma bla annzɛ yasua nga be wun sa wlɛ'n.

Ezipt Lɔ Tulɛ'n 20:19

Be seli Moiz kɛ: «Ɔ bɔbɔ kan ndɛ'n kle ye. Nán Nyanmiɛn bɔbɔ kan ndɛ'n kle ye kun. Sɛ ɔ'a yo-man sɔ'n, e ´wu .»

Ezipt Lɔ Tulɛ'n 24:3

Moiz ko kannin ndɛ nga Anannganman kan kleli i'n i kwlaa nin like nga i waan be `yo'n kleli nvlefuɛ mun. Bé kwlaa be kɛnnin i likawlɛ kɛ: «E ´fa Anannganman i mmla'm be kwlaa be su.»

Ezipt Lɔ Tulɛ'n 24:7

Ɔ fali aenguɛ nga Nyanmiɛn nin be trali'n i wun fluwa'n nan ɔ'a kanngan nun nvlefuɛ'm be nyrun. Izraɛlfuɛ'm be seli kɛ: «Like kwlaa nga Anannganman waan e `yo'n, e ´nian su e ´yo i sekeseke kpan.»

Ezipt Lɔ Tulɛ'n 4:31

Kpɛkuun sran'm be lafili su, be wunnin i wlɛ kɛ Anannganman wunnin bé su afɛ'n, nan i waan ɔ ´yi i wun nglo nan ɔ ´de be. Be kotoli nan b'a su i.

Zozie 24:21

Nvlefuɛ'm be tɛli i su kɛ: «Ɔ siɛ! E su yo-man sɔ. E liɛ'n Anannganman yɛ e ´su i-ɔ.»

Zozie 24:24

Be tɛli i su kɛ: «E ´su Anannganman e Nyanmiɛn'n. E ´fɛ i ndɛ'm be su.»