Ezipt Lɔ Tulɛ'n 19:6 - NYANMIƐN NDƐ'N 1998

⁶ Sanngɛ amun liɛ'n, amun wa yo min nyrun jranfuɛ'm be nvle. Amun nvle sɔ'n ´yo min liɛ klonglo.› Ndɛ nga a wa kan kle Izraɛlfuɛ mun'n yɛ ɔ o lɛ-ɔ .»

Ezipt Lɔ Tulɛ'n 19:6 ပူးပေါင်းရင်းမြစ်များ

1 Famiɛn Mun 3:8

Nvle nga a kpali'n, i nun sran'm be sɔnnin, be si-man bé nuan, be ka be-ɔ, ɔ yo-man ye, yɛ e nin be yɛ e o yɛ.

1 Famiɛn Mun 8:53

afin Anannganman Nyanmiɛn, wɔ yɛ a fali e yoli ɔ liɛ mun-ɔn. Yɛ wɔ yɛ a fali e sieli e ngunmin kɛ nán e nin nvle uflɛ sanngan-an. Kɛ a kan kleli Moiz b'ɔ ti ɔ sufuɛ'n i sɔ-ɔ blɛ nga a fa e nannan mun Ezipt lɔ fite'n.»

1 Be Nyoliɛ 17:22

Anannganman, a fali Izraɛl yoli ɔ nvle tititi, yɛ a yoli i Nyanmiɛn.

Jue Mun 114:2

sɛ e ´kwla se'n, Nyanmiɛn fali Zida'n yoli i bɔbɔ i sua. Izraɛl'n kusu kacili i asiɛ .

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezipt Lɔ Tulɛ'n 28:36

Man be klo sika ɔkwlɛ jrɛiin'n, be fa yo like kun kɛ waka nyrɛ sa. Be `klɛ like sɔ'n su kɛ: ‹Ɔ ti Anannganman i liɛ klonglo›. Be `klɛ i kɛ be fa klɛ tanpɔn'm be su'n sa.

Ezai 43:4

Kɛ bɔ amun lɛ nyrun dan min nyrun'n, kɛ bɔ m bu amun sran'n, kɛ bɔ n klo amun'n ti, n ´fa sran'm n jran amun ajalɛ nun, n ´fa sran kaci amun.

Ezai 61:6

Sanngɛ amun liɛ'n, be ´flɛ amun kɛ Anannganman i Nyrun Jranfuɛ mun. Be ´se kɛ amun liɛ'n, amun ti Nyanmiɛn'n i junman difuɛ mun. Amun ´di nvle-nvle'm be nunfuɛ'm bé bo ninnge'm bé su. Yɛ be nyrun bɔ be lɛ i'n, ɔ ´kaci amun liɛ .

Ezai 62:12

Be wa flɛ amun kɛ Anannganman i Nvle Nunfuɛ Mun, yɛ be ´flɛ amun ekun kɛ Be Nga Anannganman Deli Be'n. Yɛ wɔ Zerizalɛm, be su flɛ-man wɔ kɛ Klɔ Bɔ Be Wanndi I'n kun, sanngɛ be ´flɛ wɔ siɛn'n kɛ Klɔ Bɔ Be Konvi Sɔ I'n.

Ezai 66:21

«N ´kpa min nyrun jranfuɛ wie mun, nin Levifuɛ wie mun nvle sɔ'm be nun bɔbɔ.» Anannganman yɛ ɔ se sɔ-ɔ.

Zeremi 13:11

Afin n fali Izraɛl nvle wunmuan'n ɔ nin Zida akpasua wunmuan'n n cili mín bo kɛ sran fa bé bo kplo ci i bo'n sa. N waan n ´yo sɔ nan be `yo min nvle nan n ´nyan dunman, nan be `yo min anyrunnyan like, nan n `fa be di min gbanflɛn, sanngɛ b'a fa-man bé ti b'a de-man.› »

Zeremi 2:3

I blɛ sɔ nun'n, wuun Izraɛl ti min liɛ mlɔnmlɔn kɛ mma klikli nga afuɛ nuan'n ju be ti'n sa. Sran kwlaa ng'ɔ kɛn i-ɔ, ɔ nin min e lɛ i. I sɔfuɛ'n ´wun nyrɛnnɛn.› » Anannganman'n yɛ ɔ kan sɔ-ɔ.

Zeremi 7:23

Ndɛ nga n fa sieli be nyrun'n yɛlɛ kɛ: sɛ an tie mín nuan ndɛ'n, n ´yo amun Nyanmiɛn, amun kusu amun ´yo min sran mun. An `nian atin nga n `kle amun'n cɛ be `fa su nan amu'an di alaje.

Saun Yolɛ 19:2

ɔ `kan ndɛ yɛ mun kle Izraɛlfuɛ mun. I waan: «Min yɛ n ti Anannganman amun Nyanmiɛn nin-ɔn. Man amun nzuɛn'n ɔ fa min liɛ'n. Afin min nzuɛn liɛ'n nin klɔ sran liɛ'n ti-man kun .

Saun Yolɛ 20:24

I sɔ'n ti yɛ n seli amun kɛ: Be asiɛ nga be o su lɔ'n, ɔ ti amun liɛ nan min yɛ n fa n wlali amún sa nun nin-ɔn. Asiɛ sɔ'n ɔ yo like ye kpa. I kunngba'n, ɔ ti nnɛn tawlɛ klanman. Min yɛ n ti Anannganman amun Nyanmiɛn nin-ɔn. Min yɛ man amun nin nvle kun nga mun b'a sanngan-man nin-ɔn.

Saun Yolɛ 20:26

Man amun nzuɛn'n ɔ fa min liɛ'n. Afin min Anannganman, min nzuɛn'n liɛ'n nin klɔ sran liɛ'n ti-man kun. Min waan amun yo min liɛ ti yɛ n waan nán amun nin nvle uflɛ nunfuɛ mun be sanngan nin-ɔn.

Saun Yolɛ 21:23

Sanngɛ i wun tukpacɛ'n ti'n, tannin dan ng'ɔ kpɛ min sua nun'n, ɔ fata-man kɛ ɔ wunnge i wun lɔ. Ɔ fata-man kɛ ɔ wɔ lele ju kɛ be yi tɛ lɛ'n. Ɔ fata-man kɛ ɔ yo min lika'n i finfin, afin min yɛ n ti Anannganman nin-ɔn, min yɛ n siesie min nyrun jranfuɛ mun yɛ be di min junman nin-ɔn.»

Amɔs 3:2

«Sran beblebe nga be wo asiɛ'n su'n, amun kunngba cɛ yɛ n fali amun kɛ e nin amun e su nanti-ɔ. I sɔ'n ti amún sa tɛ kwlaa nga amun yoli'n, e nin amun e ´kɛn i ngba'n i ti ndɛ.»

Ndɛ Nga Nyanmiɛn I Nuan Ijɔfuɛ Aze Kannin'n 2:5

Aenguɛ nga kɛ amun fin Ezipt be ´ba bɔ e trali'n, i su yɛ e tɛ wo-ɔ. E nin amun e o nun titi. Nán srɛ kun amun.›

Kalɛ 16:3

Be wa kpɛ sin yiali Moiz nin Aarɔn yɛ be seli be kɛ: «Amun liɛ'n ɔ'a flan ye ngboko, sran nga be ti Izraɛlfuɛ'n be kwlaa be ti Anannganman liɛ klonglo, yɛ Anannganman o e kwlaa e afiɛn. ?Yɛ wuun ɔ yo sɛ ti yɛ amun bu amún wun kɛ amun kpa tra Anannganman i sran'm be kwlaa nin-ɔn?»

Rɔmfuɛ Mun 12:1

Aniaan mun, aunnvuɛ dan bɔ Nyanmiɛn wunnin ye'n ti, n ´srɛ amun kpa kɛ an fa amun wun mɛn i kɛ sraka bɔ be jrɛ i'n sa, b'ɔ ti i liɛ mlɔnmlɔn bɔ i klun jɔ su, i yɛ ɔ ti i sɔlɛ wafa b'ɔ ti su-ɔ.

1 Korɛntfuɛ Mun 3:17

Sran ng'ɔ saci Nyanmiɛn i sua'n, ɔ ´saci i sɔfuɛ'n wie, afin Nyanmiɛn i sua'n ti i ngunmin liɛ, amun yɛ an ti sua sɔ nin-ɔn.

Mmla'n 14:21

Nán amun di nnɛn fuɛn. Amun `fa man aofuɛ nga be tran amun afiɛn mun man be di, annzɛ kusu amun `yo i atɛ aofuɛ wie'm bé sa nun. Amun liɛ'n, amun ti Anannganman amun Nyanmiɛn'n i nvle nun sran mun, amun ti i liɛ klonglo. Nán amun tɔn boli ba i nin i nyɔnflɛn nzue'n nun.

Mmla'n 26:19

Anannganman amun Nyanmiɛn'n, ɔ klo kɛ amun nyan nyrun. Ɔ klo kɛ amun nvle'n yo dan nan i dunman'n fu, nan i nyrun ba nyan tra nvle ng'ɔ jrali be asiɛ'n su'n be kwlakwla. I liɛ'n, amun ´yo i nvle klonglonglo kɛ ɔ fa kannin'n sa.»

Mmla'n 28:9

Sɛ amun fa mmla nga Anannganman amun Nyanmiɛn'n ɔ fa mannin amun'n bé su'n, nan amun nanti atin ng'ɔ kle amun'n bé su'n, ɔ ´fa amun nvle'n ´yo i liɛ klonglo, afin ɔ tali nda sɔ.

Mmla'n 7:6

Afin amun ti nvle kun bɔ Anannganman amun Nyanmiɛn'n kpali amun sieli amun ngunmin. Ɔ kpali amun nvle nga be o asiɛ wunmuan'n su'n be kwlakwla be nun kɛ amun yo i liɛ klonglo.

1 Tɛsalonikfuɛ Mun 5:27

N ´srɛ amun kpa, an `nian e Min'n ti an `kanngan fluwa nga kle e niaan'm be ngba.

1 Piɛr 2:5

Amun kusu an ti kɛ yɛbuɛ b'ɔ o lɛ tititi'n sa, man be fa amun wla Nyanmiɛn sua bɔ i Wawɛ'n kplan'n nun wie, yɛ amun ´kaci Nyanmiɛn nyrun jranfuɛ mun bɔ i Wawɛ'n man amun ´sɔ i wafa uflɛ su. Jésus-Krist ti, i sɔlɛ sɔ'n ɔ ´jɔ i klun.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

Sa nglô yile 1:6

yɛ ɔ man y'a kaci e Si Nyanmiɛn i awlo sran bɔ e trɛn i nyrun. Man e yi i ayɛ, man e se kɛ ɔ ti kpli tititi! Man ɔ yo sɔ !

Sa nglô yile 20:6

Be nga be ko cɛn klikli sɔ'n wie'n, be liɛ su ti ye, be ti Nyanmiɛn liɛ sakpa! Wie i nnyɔn su'n su kwla-man be, be ´yo Nyanmiɛn nin Krist be nyrun jranfuɛ, be nin Krist yɛ be ´di famiɛn afuɛ akpi nin-ɔn.

Sa nglô yile 5:10

Ɔ man b'a kaci e Nyanmiɛn'n i awlo sran bɔ be trɛn i nyrun. Be yɛ be ´sie sran mun asiɛ'n su wa-a .»