Ezipt Lɔ Tulɛ'n 19:4 - NYANMIƐN NDƐ'N 1998

⁴ ‹Amun wunnin sa nga n yoli Eziptfuɛ mun'n yɛ amun wunnin wafa nga n fa fali amun m bali mín wun wa'n. Kɛ anunman nyin fa lolo i mma mun, kɛ n kusu n lololi amun sɔ-ɔ.

Ezipt Lɔ Tulɛ'n 19:4 ပူးပေါင်းရင်းမြစ်များ

Ezai 40:31

Sanngɛ be nga be fa bé wla gua Anannganman su'n, be liɛ be nyan wunmiɛn uflɛ tititi. Sɛ be ´jaso'n, be jaso kpɛ kunngba waka kɛ anunman nyin'n ɔ fa tu'n sa. Be wanndi, sanngɛ be fɛ-man, be nanti tititi, sanngɛ be wunmiɛn'n wie-man .

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Ndɛ Nga Nyanmiɛn I Nuan Ijɔfuɛ Oze Kannin'n 11:1

«Kɛ Izraɛl tɛ yo sɛsɛ kan'n, yɛ n sɔli i klolɛ-ɔ, i nun sɔ'n nun yɛ n flɛli mín wa'n kɛ ɔ jao Ezipt lɔ bla-a .

Ndɛ Nga Nyanmiɛn I Nuan Ijɔfuɛ Aze Kannin'n 2:5

Aenguɛ nga kɛ amun fin Ezipt be ´ba bɔ e trali'n, i su yɛ e tɛ wo-ɔ. E nin amun e o nun titi. Nán srɛ kun amun.›

Malasi 2:10

?E ngba kwlakwla é si ti-man kun ti-ɔ? ?Nán Anannganman kunngba'n yɛ ɔ jrali ye-ɔ? ?Yɛ wuun ɔ yo sɛ ti yɛ e yo Anannganman nin e nannan'm be aenguɛ nga be trali'n i finfin-ɔn? ?Ɔ yo sɛ ti yɛ e yo e wiengu tɛ-ɔ?

Mmla'n 1:30

Anannganman amun Nyanmiɛn b'ɔ dun mmua amun nyrun'n, i bɔbɔ ɔ ´kun amún ti alɛ kɛ ɔ fa yoli i Eziptfuɛ'm bé su amun bɔbɔ amun nyrun'n sa,

Mmla'n 1:31

ɔ nin kɛ ɔ fa yoli amun aawlɛ flɛnnɛn'n nun lɔ'n sa. Amun bɔbɔ amun wunnin kɛ Anannganman amun Nyanmiɛn'n lololi amun kɛ sran fa lolo i wa'n sa, ɔ yoli i sɔ atin nga amun nantili nun lele fa juli lika nga nun wa'n.

Mmla'n 29:1

Moiz flɛli Izraɛlfuɛ'm be kwlaa nan ɔ'a se be kɛ: «Like nga Anannganman yoli i Ezipt mɛn'n nun lɔ'n, like ng'ɔ fa yoli Ezipt famiɛn'n nin i mantanfuɛ mun'n, ɔ nin i mɛn'n nunfuɛ mun'n amun wunnin be.

Mmla'n 29:2

Sa kekleekle ng'ɔ fa yili be su nin abonuan sa ng'ɔ yoli be'n, ɔ nin atrɛ ng'ɔ yili be'n, amun wunnin be.

Mmla'n 4:9

Sanngɛ amun `nian amún wun kpa cɛn kwlakwla kɛ ɔ ´yo nan amún wla ɔ'a fi-man sa nga amun bɔbɔ amun wunnin be'n ti. Nán man be fin amun akunndan nun fite le. Amun `fa kle amun mma mun nin amun anunman mun.

Zozie 23:3

Amun wunnin sa nga Anannganman b'ɔ ti amun Nyanmiɛn'n fa yoli nvle fanunfanun kwlaa mun amun dunman nun'n, afin Anannganman bɔbɔ yɛ ɔ kunnin alɛ'n mannin amun-ɔn.

Sa nglô yile 12:14

Be mannin bla'n i ndɛwa nnyɔn kɛ anunman nyin dan'n i liɛ'n sa nan ɔ `fa tu wɔ i lika'n nun aawlɛ flɛnnɛn nun lɔ ɔ `fia wuo dan'n i nyrun, nan be `mɛn i like diwa afuɛ nsan nin sin .