Ezipt Lɔ Tulɛ'n 19:18 - NYANMIƐN NDƐ'N 1998

¹⁸ Sin wɛnsrɛn'n fali oka wunmuan'n, afin Anannganman jrali sin'n i afiɛn. Sin wɛnsrɛn'n jaso mlemlemle kɛ ngbɛ nun sin wɛnsrɛn sa, yɛ oka wunmuan'n kejeli kpa.

Ezipt Lɔ Tulɛ'n 19:18 ပူးပေါင်းရင်းမြစ်များ

Bo Bolɛ 11:5

Anannganman fin nglo lɔ jra niannin klɔ nin sua sɔ'n bɔ sran'm be su kplan'n.

Bo Bolɛ 15:17

Kɛ wia'n tɔli'n, lika'n dunnin dan kpa, kpɛkuun sin wie jueli nnɛn bɔ Abram kpacili be nun nnyɔn-nnyɔn'm be afiɛn.

Bo Bolɛ 19:28

Ɔ ´nian Sodɔm nin Gomɔr be asa'n su lɔ'n, sin wɛnsrɛn su fite lɔ kɛ lika wie yɛ ɔ su yra sa.

Neemi 9:13

A fin nyanmiɛn su lɔ jrali Sinai oka'n su. A kannin ndɛ kleli be. A kleli be sa nuan su yolɛ mmla mun, ɔ nin mmla nga be ti nanwlɛ mun. A fali atin klelɛ mmla mun, nin ɔ ndɛ kpakpa mun sieli be nyrun.

Jue Mun 104:32

Kɛ a nian asiɛ'n sa'n, wuun ɔ su keje. Kɛ a kan oka mun nin ɔ sa'n, wuun wɛnsrɛn su fin be nun fite.

Jue Mun 114:4

Oka'm be ´kɔ'n, wuun be ´tu kpɛn kɛ bua nene mun sa, kpɔlɛ'm be kusu be tu kpɛn kɛ boli mun sa.

Jue Mun 114:7

Ee asiɛ, keje Anannganman nyrun! Keje Zakɔb Nyanmiɛn'n i nyrun,

Jue Mun 144:5

Anannganman, cia ɔ tranwlɛ'n kan nan jra. Fa ɔ́ sa kan oka mun man sin wɛnsrɛn fin be nun fite.

Jue Mun 18:9

Sin wɛnsrɛn fin i bue'n nun fiteli, sin b'ɔ di ninnge mun kɔlikɔli'n ɔ fin i nuan'n nun fiteli. Sɛnmlɛn fin sin sɔ'n nun tu kɔ.

Jue Mun 68:9

asiɛ'n kejeli. Wɔ bɔ a ti Nyanmiɛn'n, bɔ a ti Izraɛlfuɛ'm be Nyanmiɛn'n, nyanmiɛn'n b'ɔ la nglo lɔ plaii'n, ɔ kloli ɔ nyrun Sinai lɔ.

Jue Mun 77:18

Nzue b'ɔ mlannin'n, ɔ utuli kɛ likɛ. Kɛ ɔ ´yo sɔ'n, wuun nyanmiɛn'n ɔ ´kpla, wuun ɔ ´kpa sin.

Jue Mun 77:19

Kɛ nyanmiɛn'n ´bo nun'n, wuun ɔ ´bo mianmian ´kpaja lika'n nun. Srɛ kunnin mɛn'n nunfuɛ mun kpo, be lɛ usulɛ.

Ezipt Lɔ Tulɛ'n 19:13

Sɛ sran o, sɛ nnɛn o, sɛ ɔ mɛntɛn i'n, be su yaci-mɛn i lɛ. Be su fa-man bé sa be kɛn-mɛn i, sanngɛ be ´to yɛbuɛ be fin i annzɛ kusu be ´to ta mma mun be sɛnsɛn i. Kɛ awɛ'n ko tɛ'n yɛ sran wie'm be ´fu oka'n su lɔ-ɔ.› »

Ezipt Lɔ Tulɛ'n 19:17

Moiz fali be ngblaliɛ'n nun lɔ fiteli kɛ be wunnge Nyanmiɛn wun lɔ. Be jrannin oka'n i bo lɛ.

Ezipt Lɔ Tulɛ'n 20:18

Izraɛlfuɛ'm be kwlaa be tili nyanmiɛn b'ɔ kpan kplannan kplannan i ngan ɔ nin awɛ b'ɔ tɛ'n. Be kwlaa be wunnin nyanmiɛn'n i sin b'ɔ kpa piapia'n, ɔ nin oka'n b'ɔ ti sin wɛnsrɛn ngunmin'n, yɛ be tɔli usulɛ'n su-ɔ srɛ b'ɔ kun be'n ti. Be jran mmua lɔ.

Ezipt Lɔ Tulɛ'n 24:17

Anannganman i nyrun nyannyan'n yoli Izraɛlfuɛ'm be nyrun kɛ sin dan wie yɛ ɔ su jue oka'n su lɔ sa.

Ezipt Lɔ Tulɛ'n 3:2

Anannganman i anz'n yili i wun nglo kleli i lɛ kɛ sin taaman sa susrɛ kun i afiɛn. Moiz ´nian susrɛ nin-ɔn, sin taaman o nun, sanngɛ susrɛ sɔ'n yra-man bɔ kaan sa.

Ezipt Lɔ Tulɛ'n 34:2

Siesie ɔ́ wun ye ainman nglɛmun ndɛ kpa'n. Aliɛ njɛnniɛn su'n, fu Sinai oka'n su nan to min lɔ.

Ezai 6:4

Kɛ be ´kpan'n, sua'n i anuan'm be keje sa gbugbugbu, yɛ sin wɛnsrɛn yili sua'n piɛ .

Ezai 64:1

Sɛ a su jra wa'n, wuun a ´yo kɛ sin b'ɔ yra waka kee annzɛ b'ɔ yo man nzue'n ɔ tu'n sa. Sɛ a su jra wa'n, wuun a ´yi ɔ dunman'n i nglo kle ɔ kpɔfuɛ mun, wuun nvle-nvle'm be nunfuɛ'm be ´usu ɔ nyrun

Zeremi 4:24

N wun kɛ oka'm be lɛ kejelɛ, yɛ kpɔlɛ'm be bo nvaka.

Abakik 3:6

Kɛ ɔ jran'n, asiɛ'n keje, kɛ ɔ nian mɛnfuɛ mun'n, kpɛkuun be bo bli srɛ b'ɔ kun be'n ti. Oka'm bɔ be ti be liɛ kɛ yɛbuɛ sa'n, be nun kpacikpaci, kpɔlɛ nga be o lɛ-ɔ nán ndɛ sa'n, be trotro, be yɛ be ti atin b'ɔ sin su laa nin-ɔn.

Zakari 14:5

Kpɛkuun amun ´wanndi be ´sin oka bue nnyɔn sɔ'm be afiɛn kongo'n nun. Kongo sɔ'n fɛ i lele kpɛn Atzɛl. Amun ´wanndi kɛ Zida famiɛn Ozias blɛ su asiɛ b'ɔ kejeli bɔ amun nannan'm be fa wanndili'n sa. Kpɛkuun Anannganman min Nyanmiɛn'n ɔ ´ba, ɔ nin i anz'm be kwlaa yɛ be ´ba-a .

Matthieu 24:7

Sanngɛ kɛ ɔ ko yo sɔ'n, wuun mɛn i awieliɛ nian ju-man ka. Nvle kun wa jao nvle kun wun, yɛ famiɛn kun wa jao i wiengu famiɛn kun wun. Lika wie'm be nun'n awe'n wa kpɛn, asiɛ'n ɔ wa keje.

Mmla'n 33:2

«Anannganman fin Sinai oka'n su lɔ bali. Ɔ fin Seir lɔ jasoli kɛ wia'n sa. Kɛ ɔ o Paran oka'n su lɔ'n, ɔ kpaja weiin i sran'm be su. Kɛ ɔ ´fin lɔ ´ba'n, ɔ nin anz kpanngban yɛ be bali-ɔ. Mmla b'ɔ fa blɛ be'n ɔ jue kɛ sin sa, ɔ o i sa fama nun.

Mmla'n 4:36

Ɔ jrannin nyanmiɛn su lɔ ijɔ kleli amun, yɛ ɔ tikeli sa wie'm be su kleli amun. Asiɛ'n su wa kusu ɔ fɛli i sin dan'n kleli amun. Ɔ ijɔli sin sɔ'n nun amun tili.

Mmla'n 5:22

Ndɛ nga Anannganman kan kleli amun kwlakwla oka'n su lɔ'n yɛ ɔ o lɛ-ɔ. Ɔ jrannin sin nin nyanmiɛn ble, ɔ nin aosin ble tuun nun yɛ ɔ kannin-ɔn. Ɔ'a kan-man uflɛ ɔ'a uka-man su. Kɛ ɔ ´kan'n, ɔ kɛnnin i kekle kpa. I sin ɔ klɛli i yɛbuɛ paplaapla nnyɔn su nan ɔ'a fa man min.

Mmla'n 5:4

Oka'n su lɔ'n, Anannganman o sa, amun kusu amun wo sa, yɛ ɔ ijɔli sin'n i afiɛn lɔ kleli amun-ɔn.

2 Tɛsalonikfuɛ Mun 1:7

yɛ ɔ man e nin amun bɔ an wun nyrɛnnɛn'n, e ´nyan é ti. Kɛ e Min Jésus wa yi i wun nglo'n, b'ɔ nin i anz'm bɔ be lɛ fanngan dan'n, be fin nyanmiɛn su lɔ be ´jra'n, yɛ ɔ ´yo i sɔ-ɔ.

2 Tɛsalonikfuɛ Mun 1:8

Ɔ ´ba sin b'ɔ jue'n nun nan ɔ ´tu be nga be si-man Nyanmiɛn'n nin be nga be fa-man e Min Jésus i jasin fɛ'n su'n be fɔ.

Hébreu 12:18

Amun liɛ'n nán oka wie bɔ be kɛn i-ɔ ɔ yo ye'n bɔ sin dan nin bɔlɛ tukuu, nin aosin, ɔ nin aunngban dan o su'n i bo yɛ amun ɔli kɛ Izraɛlfuɛ'm be liɛ'n sa-a.

Hébreu 12:26

Laa kɛ ɔ ´ijɔ'n, asiɛ'n kejeli, sanngɛ siɛn'n ɔ se e kɛ: «M ma keje asiɛ'n ekun nin nyanmiɛn b'ɔ la nglo lɔ plaii'n kusu .»

2 Piɛr 3:10

E Min'n i balɛ'n ɔ ´fu e nun kɛ awiefuɛ sa. Cɛn sɔ'n nun nyanmiɛn su lɔ'n ´kpla wuu, kpɛkuun be su wun-mɛn i kun. Yɛ nyanmiɛn su lɔ ninnge'm be ´yra, yɛ asiɛ'n nin i su ninnge'n kwlaa be ´nunnun .

Sa nglô yile 15:8

Nyanmiɛn i wun nyannyannyan'n nin i kwlalɛ'n ti, wɛnsrɛn'n wa deli i lika kpa'n. Sran fi kwla wlu-man lɔ san anz nso'n be nyrɛnnɛn nso'n ɔ'a wie .

Sa nglô yile 9:2

Ɔ tikeli kunman dan sɔ'n su, sin wɛnsrɛn dan kpa fin nun fiteli. Wɛnsrɛn'n b'ɔ fin kunman sɔ'n nun fiteli'n, ɔ dunnin wia'n nin nyanmiɛn su lɔ'n tuun .

Jɔlɛ Difuɛ Mun 5:5

Oka'm be jran Anannganman nyrun-ɔn, ɔ jran-man kun. Sinai oka'n kejeli Anannganman b'ɔ ti Izraɛl Nyanmiɛn'n i nyrun.