Ezipt Lɔ Tulɛ'n 19:11 - NYANMIƐN NDƐ'N 1998

¹¹ Man be siesie bé wun be minndɛ ainman sin, afin cɛn sɔ'n nun n wa jra Sinai oka'n su sran'm be kwlaa be nyrun.

Ezipt Lɔ Tulɛ'n 19:11 ပူးပေါင်းရင်းမြစ်များ

Ezipt Lɔ Tulɛ'n 19:16

Cɛn ba nsan su'n, i nglɛmun nun'n, be tili kɛ nyanmiɛn su kpan kplannan kplannan oka'n su lɔ. Be wunnin kɛ nyanmiɛn'n kpa sin piapiapia lɔ, yɛ be wunnin sin wɛnsrɛn kpikplikpi kun lɔ ekun. Be tili awɛ kun tɛlɛ kekle kpa. Kɛ Izraɛlfuɛ'm be o ngblaliɛ'n nun lɔ'n, be usuli kpa'n sa tututu.

Mmla'n 33:2

«Anannganman fin Sinai oka'n su lɔ bali. Ɔ fin Seir lɔ jasoli kɛ wia'n sa. Kɛ ɔ o Paran oka'n su lɔ'n, ɔ kpaja weiin i sran'm be su. Kɛ ɔ ´fin lɔ ´ba'n, ɔ nin anz kpanngban yɛ be bali-ɔ. Mmla b'ɔ fa blɛ be'n ɔ jue kɛ sin sa, ɔ o i sa fama nun.

Ezipt Lɔ Tulɛ'n 34:5

Anannganman jrali sin wɛnsrɛn tianman kun nun, ɔ wa jrannin Moiz i wun lɛ. Yɛ ɔ boli i dunman seli kɛ: «Anannganman nin-ɔn.»

Jean 6:38

afin n fin nyanmiɛn su lɔ bali, m'an ba-man m bɔbɔ n klun sa yolɛ, sanngɛ sran ng'ɔ sunmannin min'n, i klun sa yɛ n yo-ɔ.

Jean 3:13

Sran fi nian ɔ-man nyanmiɛn su lɔ le san m bɔ n kacili Sran'n bɔ n fin lɔ bali'n.

Jue Mun 144:5

Anannganman, cia ɔ tranwlɛ'n kan nan jra. Fa ɔ́ sa kan oka mun man sin wɛnsrɛn fin be nun fite.

Jue Mun 18:9

Sin wɛnsrɛn fin i bue'n nun fiteli, sin b'ɔ di ninnge mun kɔlikɔli'n ɔ fin i nuan'n nun fiteli. Sɛnmlɛn fin sin sɔ'n nun tu kɔ.

Kalɛ 11:17

N wa jra nan e nin wɔ e wa koko yalɛ lɛ. N ´fa wawɛ ng'ɔ o ɔ́ su'n wie n ´fa wla be nun. Kpɛkuun be ´uka wɔ nvle'n b'ɔ ti kɛ trɔ sa'n i sualɛ nun nan ɔ ngunmin w'a sua-man trɔ sɔ'n kun.

Ezipt Lɔ Tulɛ'n 19:20

Anannganman jrali Sinai oka'n i ti su nglo lɔ, ɔ flɛli Moiz, nan Moiz ɔ'a fu oka'n su lɔ.

Ezipt Lɔ Tulɛ'n 19:18

Sin wɛnsrɛn'n fali oka wunmuan'n, afin Anannganman jrali sin'n i afiɛn. Sin wɛnsrɛn'n jaso mlemlemle kɛ ngbɛ nun sin wɛnsrɛn sa, yɛ oka wunmuan'n kejeli kpa.

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Bo Bolɛ 11:5

Anannganman fin nglo lɔ jra niannin klɔ nin sua sɔ'n bɔ sran'm be su kplan'n.

Ezipt Lɔ Tulɛ'n 34:2

Siesie ɔ́ wun ye ainman nglɛmun ndɛ kpa'n. Aliɛ njɛnniɛn su'n, fu Sinai oka'n su nan to min lɔ.

Zozie 3:5

Zozie seli sran'm be kɛ: «Amun `yo amun wun saun afin ainman Anannganman wa yi atrɛ amun afiɛn.»

Neemi 9:13

A fin nyanmiɛn su lɔ jrali Sinai oka'n su. A kannin ndɛ kleli be. A kleli be sa nuan su yolɛ mmla mun, ɔ nin mmla nga be ti nanwlɛ mun. A fali atin klelɛ mmla mun, nin ɔ ndɛ kpakpa mun sieli be nyrun.

Ezipt Lɔ Tulɛ'n 24:16

Anannganman i nyrun nyannyan'n wo Sinai oka'n su. Yɛ sin wɛnsrɛn'n katali oka'n su lele cɛn ba nsiɛn. Cɛn ba nso su'n, kɛ Anannganman o sin wɛnsrɛn'n i afiɛn lɔ'n, ɔ flɛli Moiz.

Ezipt Lɔ Tulɛ'n 24:17

Anannganman i nyrun nyannyan'n yoli Izraɛlfuɛ'm be nyrun kɛ sin dan wie yɛ ɔ su jue oka'n su lɔ sa.

Mmla'n 4:10

Nán amún wla fi cɛn nga amun jrannin Anannganman amun Nyanmiɛn'n i nyrun Orɛb lɔ'n i su. Ɔ seli min kɛ: «Flɛflɛ sran mun man be bla min wun wa. N ´kan ndɛ kle be nan be nyin ɔ'a yi min titi kɛ be o Kanaan asiɛ'n su wa'n. Be kusu ndɛ nga n kan'n, ɔ fata kɛ be fa kle be osu nunfuɛ mun.»