Ezipt Lɔ Tulɛ'n 18:3 - NYANMIƐN NDƐ'N 1998

³ Sefora i wa nnyɔn'm be kusu be bali wie. Moiz tɔnnin kpɛnngbɛnfuɛ'n i dunman kɛ Gɛrsɔm. I bo'n yɛlɛ kɛ: M'an Fia Wa. Afin i waan: «M'an kaci aofuɛ nvle wie nun.»

Ezipt Lɔ Tulɛ'n 18:3 ပူးပေါင်းရင်းမြစ်များ

1 Be Nyoliɛ 23:15

Moiz i mma mun yɛlɛ Gɛrsɔm nin Eliezɛr,

Jue Mun 39:12

Sɛ sran yo sa tɛ'n, a mɛn i i nuan like a fa tu i fɔ. A saci ninnge ng'ɔ klo i'n kwlakwla kɛ kakaa'n ɔ saci waka mma'n sa. Sran'n ti kɛ aunngban sa.

Ezipt Lɔ Tulɛ'n 2:22

Bla'n wuli ba yasua kun. Yɛ Moiz waan: «Afin bɔ m'an kaci aofuɛ mɛn uflɛ wie nun nin-ɔn, n ´tɔn i dunman kɛ Gɛrsɔm, i bo'n yɛlɛ kɛ: M'an Fia Wa.»

Ezipt Lɔ Tulɛ'n 4:20

Moiz fɛli i yi nin i mma mun be fuli aflunmun su, yɛ ɔ sɛli i sin Ezipt lɔ-ɔ. Kɛ ɔ ´kɔ'n, ɔ fali kpɔnman nga Nyanmiɛn seli i kɛ ɔ fa'n.

Sa nga bé yôli'n 7:29

Ndɛ sɔ'n ti'n, Moiz wanndi ko trannin Madian mɛn'n nun, nan ɔ'a wu ba yasua nnyɔn lɔ .

Hébreu 11:13

Be kwlaa be lafi Nyanmiɛn su lele be fa wuli, sanngɛ ɔ nin i sɔ'n ngba'n, b'a nyan-man ninnge nga i waan ɔ ´fa man be'n. Be wunnin be mmua lɔ, ɔ man be klun jɔli. Yɛ be dili bé wun nanwlɛ kɛ be ti aofuɛ nin wlan-wlanfuɛ asiɛ'n su .

1 Piɛr 2:11

N sran kpa mun, an ti aofuɛ nin wlan-wlanfuɛ asiɛ'n su, ɔ man n ´srɛ amun kɛ an `wla amun konvi b'ɔ man amún nyin blo ninnge'm be su'n i ase, afin konvi sɔ'n kwla kun ye.

Jɔlɛ Difuɛ Mun 18:30

Dan akpasua'n su sran'm be takali waka sran'n. Zonatan b'ɔ ti Moiz i wa Gɛrsɔm i klun ba liɛ'n, ɔ nin i mma mun yɛ be yoli Dan akpasua'n su sran'm be amuɛn'm be nyrun tranfuɛ lele fa juli blɛ nga be trali Izraɛlfuɛ mun lomuɛn ɔli mɛn uflɛ nun nin-ɔn.